ŊwɑꞋnɛ-Gɑŋntúu Yɛ́su Kɛlístɔ 10:47 - Kɑɑ Fí

⁴⁷ «Ŋkɔ̂ɔnɛ yi pɔ́p ńdɑ́Ꞌmɔ́ ńcẅɛ́ɛ Zẅikŋɛ Lɛ́ɛnɛ́nɛ pɑ́Ꞌ pɛk lɑ́, ɛ́ ńdɑɑ ḿbɔ́ ŋu pɛn ńtɔꞋ nɛnuꞋ wɔ́p ŋki kɛ kʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 10:47 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 10:44

Pyɛ̂ pɛ́t ńcú nu cúnɛ, Zẅikŋɛ Lɛ́ɛnɛ́nɛ ńcúŋ, ŋ́kúu nǔu ŋɡɔŋ pʉɔ pɛtsʉʉ pi pɔ́p sɛ́ ńzẅíꞋlɛ nu yí ɑ sɛ́ ńcú.

ŊwɑꞋnɛ-Gɑŋntúu Yɛ́su Kɛlístɔ 2:4

Zẅikŋɛ-Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíŋɛ mɛsẅíŋɛ-mɛlɑ́Ꞌ ndɛꞋ, ɛ́sẅíi pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ mɛtʉʉ ŋɡɔ pɔ́p sẅiŋɛ pɔ́Ꞌɔ.

ŊwɑꞋnɛ-Gɑŋntúu Yɛ́su Kɛlístɔ 8:12

Lɑ́ ŋkɑ́ Filîp kɑ tɔ́nɛ yɛ́, ḿbɔ́ ńcẅi Ŋkʉʉ Sʉ́Ꞌnɛ-Yɛ́su Kɛlístɔ, ḿbɔ́ ŋ́kyɛ́Ꞌtɛ pɑ́Ꞌ nɛfɔɔ-Sɛ́ pɔ́nɛ. Pʉɔ tɛ ńzɑ́ɑ, mbɛ́ɛnɛ pɔ́p pɑŋɡɛ́ zẅíꞋlɛ sẅiŋɛ yɛ́, ḿbɛ́m, ŋ́ɡɛ pɛ́ nuꞋ wɔ́p ŋki.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

Pʉɔ-Lɔ́mɑ 10:12

Pɔ́Ꞌɔ lɑ́, yɛcɔ́ tɔŋ kɑ́ pɛn ḿbɔ́ tsɛtsɛt ŋu-Pɑyúdɑ pɔ́p ŋu ẅí ɑ kɑ́ pɔ́ ŋu-Pɑyúdɑ pɔ́ pɔ́. Pɔ́p pɛ́tsʉʉ tɛmtɛ ŋ́ɡẅɛɛ pɔ tɑ́Ꞌ Tsɑpʉɔ wɛ́mɔ́Ꞌ ẅí ɑ ɡɛnɛ mɛnu sʉ́Ꞌnɛ mɛ́ nǔu pʉɔ tsʉʉ pi pɔ́p lɑɑnɛ ɛ́fúŋ wɛ́.

Pʉɔ-Lɔ́mɑ 4:11

Pɛ́ kɑ ɡɔ́ ḿbúꞋ Ábɛlɛhɑ̂m, Sɛ́ pɔ́ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́, mbíꞋŋɡɔ ɑ kɑ pɔ́ ńzɑ́p tʉ́m yɛ́ nǔu Sɛ́. Pɛ́ kɑ ɡɛ tɛ ńcʉɔꞋ lii-ŋu ẅí pɛ́ púꞋnɛ wɛ́ nǔu wɛ́. Yîyɑ́ lii kɑ lɔk ńdɛꞋlɛ ŋɡɔ Sɛ́ fú nǔu pɑ́Ꞌ jʉ́ Ábɛlɛhɑ̂m zɑ́pnɛ tʉ́m nǔu wɛ́, ńdɔk wɛ́ ŋ́ɡɛ ŋu ẅí ɑ ndʉ́ŋndʉŋ mbi yɛ́. Ɛ́ fú pɔ́Ꞌɔ Ábɛlɛhɑ̂m tsʉ́Ꞌ tɑ́t pɛ́ pʉɔ tsʉʉ pi pɔ́p sɛ́ ńzɑ́p tʉ́m nǔu Sɛ́ tɛ mbɑ pɑ́Ꞌ pɛ́ ŋ́kɑɑ wɔ́p púꞋ, Sɛ́ tsʉ́Ꞌ ńdíŋɛ wɔ́p pɔ́p pɔ́ ndʉ́ŋndʉŋ mbi yɛ́.