ŊwɑꞋnɛ-Gɑŋntúu Yɛ́su Kɛlístɔ 10:33 - Kɑɑ Fí

³³ A kɑ cú pɔ́Ꞌɔ, ŋ ɡɔ́ɔ ńtúu pʉɔ nɛlɔɔ wú. Ɔ ɡɛ sʉ́Ꞌnɛ pɑ́Ꞌ ɔ tɔ́nɛ lɑ́. Ɛ́ ŋkɔ̂ɔnɛ pɑ́Ꞌɑ, pɛkŋɛ pɛtsʉʉ tʉ́ʉ mbi Sɛ́. Pɛk tʉ́ʉ pɑ́Ꞌɑ, mbɔ pɛk niitɛ mbʉʉ yɛk nɛzúꞋ nu yí Tsɑpʉɔ Sɛ́ níꞋnɛ mbɔ̌ ɡu ŋɡɔ ɔ sẅíi wɛk.»

ŊwɑꞋnɛ-Gɑŋntúu Yɛ́su Kɛlístɔ 10:33 Marejeleo ya Msalaba

Mɑtʉ̈ɔ 18:4

Ŋu ẅí ɑ kɔknɛ mbʉʉ yɛ́ ŋ́ɡɑ́ sɛ́ tɛ ńtsʉ́Ꞌ pɑ́Ꞌ ɡɛɡʉʉ yɔ lɑ́, ɑ ŋu ẅí ɑ wɛ ɡwɛ́ tsɛt nɛfɔɔ-Sɛ́.

Mɑtʉ̈ɔ 19:30

Lɑ́ nɛzɑ́ɑ pɑtʉ́ʉ mbi ŋkɔ̂ɔnɛ, ɡʉ ńdɑ́Ꞌ ńtsʉ́Ꞌ pɑtʉ́ʉ nzʉʉ, nɛzɑ́ɑ pɑtʉ́ʉ nzʉʉ ŋkɔ̂ɔnɛ ńdɑ́Ꞌ ḿbɔ́ pɑtʉ́ʉ mbí.

Mɑ́lɛ́kúshi 10:15

Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 10:32

Túu pʉɔ, pɔ́p ɡʉ Jɔp, ŋ́ɡɛ Símɔ̂ŋ ẅi pɛ́ pɛnnɛ ɛ́fúŋ wɛ́ ŋɡɔ Pyɛ̂ tɔ́. A tswɛ́ ndɑ́-Simɔ̂ŋ ẅí yɛ́ fɑꞋ nɛniitɛ mɛŋɡup-mɛyúumɛku, ndɑ́ ɛ̂yɑ́ pɔ́ mbʉʉ ŋki kɛ́ ndẅiklɛ.

ŊwɑꞋnɛ-Gɑŋntúu Yɛ́su Kɛlístɔ 10:34

Pyɛ̂ ɡɔ́ɔ ŋ́kɛ́ ńcú ŋɡɔ: «Mɔ ŋkɔ̂ɔnɛ pɑ́Ꞌɑ, mbɔ ŋ ɡɔ́ɔ mɔ ŋ́kɛ́ ńjʉ́ɔ kwɑꞋ nɛ́nẅín, ŋɡɔ Sɛ́ kɑ́ tíitɛ pʉɔmɛsɔŋ pɔ́.»

ŊwɑꞋnɛ-Gɑŋntúu Yɛ́su Kɛlístɔ 28:28

Pɔ̂l pɛn ńcú mbɔ̌ pɔ́p ŋɡɔ: «Pʉʉ ɡẅɛɛ nɛjí ŋɡɔ, ɛ́ kɛ́ ḿbɔ́ ŋkɔ̂ɔnɛ, mbɔ Sɛ́ kɑ túu Ŋkʉʉ Sʉ́Ꞌnɛ ẅi ɛ́ ɡɛnɛ pɛ́ luk, mbɔ̌ pʉɔ pi pɔ́p kɑ́ pɔ́ pɑyúdɑ pɔ́. Ŋ́ɡʉ nǔu pɔ́p, pɔ́p ɡʉ ńzúꞋ ḿbɛ́m.» [

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

Ŋɡɑlɑ̂t 4:14

Ɛ́ kɑ pɔ́ ŋkɑ́ ɛ̂yɑ́, mbɔ ɡɔɔ tswɑ́ɑ wɑ́ɑ tɛꞋ tɛ m bʉ́k. Lɑ́ pʉʉ kɛ́ mbɔɔ wɑ́ɑ níŋɛ, ŋ́kɛ́ mbɔɔ wɑ́ɑ mɛꞋ. Tɛ ńtsʉ́Ꞌ pɔ́Ꞌɔ, mbɔ pʉʉ kɑ kúkŋɛ wɑ́ɑ pɔ pɑ́Ꞌ Cʉ̈ɔꞋ-Sɛ́, kɛ pɔ pɑ́Ꞌ Yɛ́su Kɛlístɔ lɑ́.

1 Tɛsɑlɔník 2:13

Yɛcɔ́ yúu mi ɛ́ ɡɛnɛ pɛk ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ, ɛ́ mbíꞋŋɡɔ pɛk kɑ sẅíi nu-Sɛ́ mbɔ̌ pʉʉ, pʉʉ zúꞋ, ḿbɛ́m ŋɡɔ ɛ́ sẅiŋɛ-sɛ́, ŋɡɔ ɛ́ kɑ́ pɔ́ sẅiŋɛ-ŋumɛsɔŋ pɔ́. Ɛ́ sɛ́ ɛ́fɑꞋ tsɛt tʉ́m yʉ́ʉ, pʉʉ pí pʉʉ kɑ zɑ́pnɛ tʉ́m yʉ́ʉ nǔu Yɛ́su.

Jɑ̂k 1:19

Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,

Jɑ̂k 1:21

Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.