3 Jɑ̂ŋ 1:6 - Kɑɑ Fí

⁶ Pɔ́p kɑ tʉ́ʉ tsɛt cúꞋlɛ-pʉɔ-Kɛlístɔ, ɛ́sẅíi pʉɔ pɑ́Ꞌ ɔ kɑ kɔŋnɛ wɔ́p pɔ́Ꞌɔ, ŋ́ɡɑ́ wɔ́p nɛ́ yúu mi ɛ́ ɡʉ ńcẅɛ́lɛ́ wɔ́p sɛ̂ndúŋ, ńjí ŋɡɔ pɔ́p ɡʉ ńnɛn nǔu ntɛ́ yi ɛ́ sɛ́ ḿbíkŋɛ ŋɡɔ pɑfɑꞋ fɑꞋ-Sɛ́ nɛn pɔ́Ꞌɔ.

3 Jɑ̂ŋ 1:6 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 15:29

Pʉʉ pɑ́ɑ nɛkwɛ́t pfuꞋ-mbɑp yi pɛ́ lɔknɛ ńnɔŋ pɔꞋ. Pʉʉ pɑ́ɑ nɛkwɛ́t mbɑp-nɑɑ ẅí pɛ́ fɛ́mɛ wɛ́ fɛ́mɛ́nɛ. Pʉʉ pɑ́ɑ mbɑ nɛkwɛ́t mɛci nɛ́ɛnɛ. Pʉʉ pɑ́ɑ nɛcẅɛꞋnɛ mbɑ wɔ̌ lɑ́ pʉʉ pɛpɔ́p nɔɔ nɔɔnɛ. Pʉʉ lɑɑ ńzúꞋ ntsu wɛk nǔu mɔnɛ mɛnu ŋ́kúꞋlɛ, mbɔ pʉʉ ɡɛ sʉ́Ꞌnɛ. Pɛk pɔ́ɔpɛ́mɑ́ pʉ́ʉ, pɛk cɛꞋlɛ wʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

Pʉɔ-Lɔ́mɑ 15:24

Mɔ sɛ́ ńjʉ́ɔ ŋkɔ̂ɔnɛ ŋɡɔ mɔ ŋ́ɡɔ́ ŋ́ɡʉ Ɛspɑ̂nɛ, ńtɔ́ lɑ́Ꞌ pʉʉ. Mɔ sɛ́ ńzɛɛ ńtsɑ́ɑ nɛɡɔ́ ńdɛɛ, ńjʉ́ɔ wʉ́ʉ, pʉʉ cẅɛ́lɛ́ wɑ́ɑ nɛɡʉ zúꞋu. Ɛ́ ɡʉ ŋ́ɡɛ ḿbɔ́ ŋɡɔ́ku ɔɔ pɛkŋɛ ɡɛ ńtɛmtɛ ńnɑ́Ꞌ ńnɑ́ŋ mɔ́zʉꞋ.

2 Kɔlɛ̂ŋtɛ 1:16

Ŋ kɑ pɔ́ ŋ́kwɑŋɛ nɛɡɔ́ ŋ́ɡʉ Mɑsɛndwɑn ńdɛɛ lɑ́Ꞌ pʉʉ, ḿbɛn ɛ́fú Mɑsɛndwɑn ḿbɛn ńtɔ́ nɛ́ lɑ́Ꞌ pʉʉ, pʉʉ cẅɛ́lɛ́ wɑ́ɑ nɛɡʉ tɛ ŋ́kúu Judɛ̂,

Filipɛ 4:14

Tɛ mbɑ pɔ́Ꞌɔ, pʉʉ kɑ ɡɛ sʉ́Ꞌnɛ nɛcẅɛ́lɛ́ wɑ́ɑ nǔu ŋkɔ̂ɔnɛ yi mɔ sɛ́ ńjʉ́ɔ ŋɡʉ̈ɔ́Ꞌ lɑɑ.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

Tîtɛ 3:13

Zɛnɑ́s ẅi ɑ ḿbɛꞋ mɛlɑ́Ꞌ-pʉɔ zʉꞋ-ntsɑŋ, tɛ mbɑ Apɔlɔ́s lɑɑ ŋ́ɡɔ ńcʉ́ɔ sɛ̂ndúŋ nɛnɛn, ɔ lɔɔ shʉ́ ŋ́ɡɑ́ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɔ́p ɡẅɛɛ.

1 Pyɛ̂ 2:20

Pʉʉ zɛɛ ńtsʉ́Ꞌ nɛsʉk ŋɡʉ̈ɔ́Ꞌ, ɛ́sʉk yi ɛ́ kúunɛ wʉ́ʉ mbíꞋ nu kɛpɔŋ yi pʉʉ ɡɛnɛ, mbɔ pɛ́ ɡʉ ŋ́ɡɑ́ mɛkuꞋ mʉ́ʉ nǔu kʉ̈ɔ́? Lɑ́ pʉʉ kɛ́ ŋ́ɡɛ nu sʉ́Ꞌnɛ, pɛ́ ɡɑ́ wʉ́ʉ nɛ́ ŋɡʉ̈ɔ́Ꞌ, pʉʉ sʉk, mbɔ ẅîwɑ́ nɛsʉk mbi Sɛ́ ḿbɔ́ nu sʉ́Ꞌnɛ.

3 Jɑ̂ŋ 1:12

ŋ́ɡʉ nǔu Ndɛlmɛ́tɛ́lẅís, mbɔ mbɑ wɔ̌ lɑ́ kẅíi lík yɛ́ pɔ sʉ́Ꞌnɛ. Ntɛ́ yi ɑ sɛ́ ńdɔk ńnɛn nǔu sɛ̂ndúŋ-nu nɛ́nẅín sɛ́ ńdɛꞋlɛ ŋɡɔ mɛfɑꞋ mɛ́ pɔŋ. Pɛk ɡúu sɛ́ ŋ́kẅíi lík yɛ́ pɔ sʉ́Ꞌnɛ, ɔ pɛn ḿbɔ́ ńjí ŋɡɔ pɛk lɔk ńcú ɛ́sẅíi nu.