1 Jɑ̂ŋ 5:10 - Kɑɑ Fí

¹⁰ Ŋu lɑɑ ńzɑ́p tʉ́m yɛ́ nǔu mɔ́ɔ-Sɛ́, mbɔ mɔnɛ mɛnu mɛ́ntɑ́t ɡʉ ḿbɔ́ ɛ́fɑꞋ tʉ́m yɛ́. Ŋu ẅí ɑ kɑ́ pɛ́m nu yi Sɛ́ cúnɛ pɔ́, ŋɡɑŋ lɔk Sɛ́ ŋ́ɡɛ ɡɑŋ cɔtnu, mbíꞋŋɡɔ ɑ kɑ́ zɑ́p tʉ́m yɛ́ nǔu nu yi Sɛ́ cúnɛ mbíꞋ yúu mi jʉ́ Sɛ́ jínɛ nǔu nu-Mɔ́ɔ-nɛ pɔ́.

1 Jɑ̂ŋ 5:10 Marejeleo ya Msalaba

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 3:18

Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

Jɑ̂ŋ 3:33

Ŋu ẅí ɑ pɛ́mnɛ nu yí ɑ cúnɛ, lɔk ńnyɛt ŋɡɔ Sɛ́ nɛ́nẅín nǔu mbɑ kʉ̈ɔ́ lɑ́.

Jɑ̂ŋ 5:38

Sẅiŋɛ yɛ́ kɑ́ pɔ́ tʉ́m pʉʉ pɔ́, mbíꞋŋɡɔ pʉʉ ŋkɑɑ zɑ́p tʉ́m nǔu mɔ ẅí ɑ kɑ túunɛ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:37

[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]

Pʉɔ-Lɔ́mɑ 8:16

KwɑꞋ jʉ́ Zẅikŋɛ ɛ̂yɑ́ pɔ́ ŋ́ɡɛ pɛkŋɛ tsuŋ ńjí tsɛt tʉ́m pɛkŋɛ ŋɡɔ pɛkŋɛ pɔ́ɔ-Sɛ́.

Ŋɡɑlɑ̂t 4:1

Pʉʉ zúꞋ nu yi n dɔɔnɛ nɛcú. Ŋu ẅí pɛ́ kɑ nɑ́nɛ yúu mbɔ̌ wɛ́, ɑ pɛ́t pɔ́ mɔ́ɔ, ɑ lɑɑ ńdɑ́Ꞌ ḿbɛ́t kɛ́ pɔ́ ndʉ́m, mbɔ ɑ pɔ́ pɔ pɑ́Ꞌ ŋkwɑɑ lɑ́, tɛ mbɑ pɑ́Ꞌ yúu mi pɛ́ kɑ nɑ́nɛ, pɔ́ pɔ yɛ́.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Kɔlɔsíyɛ̂ŋ 3:3

Pʉʉ jí ŋɡɔ ɛ́ nǔu mɛnu ndǔmbí, mbɔ pʉʉ kɑ pfú mɔ́. Wʉʉ nɛpɔ́, mbɔ̌ Kɛlístɔ nɛjɔ́ŋ Sɛ́, pɛ́ kɑ́ pɔ́ ńjʉ́ɔ pɑ́Ꞌ ɛ́ pɔ́nɛ pɔ́.

Ɛ́bɛlʉʉ 3:12

Pɔ́Ꞌɔ lɑ́, mbɑ̌ɑ pɔ́ɔpɛ́mɑ́ pɑ́ɑ, pʉʉ lɑk tú yʉ́ʉ, kɔɔ tʉ́m wɛcɔ́ ŋu wʉ́ʉ tɛn ndʉꞋ tɛ ɛ́fú nǔu Sɛ́ ẅí ɑ pɔ́ pɔ ɡú ńjɛ́p tʉ́m yɛ́.

2 Pyɛ̂ 1:19

Ɛ́ kɑ́ pɔ́ ndɑꞋ pɔ́Ꞌɔ pɔ́ pɛkŋɛ pɛn ŋ́ɡẅɛɛ sẅiŋɛ-pɑcẅiŋkʉʉ-Sɛ́ yi ɛ́ lɑɑ ḿbɔ́ pɛ́ pɔɔ zúꞋ ḿmʉ́Ꞌlɛ pɔ́. Ɛ́ pɔ́ŋ ŋɡɔ pʉʉ tsuŋ ńzúꞋ yîyɑ́ sẅiŋɛ. Ɛ́ pɑ́Ꞌ lɑ̂m ẅí ɛ́ kyɛꞋnɛ zʉꞋ yi ɛ́ sɛ́ sʉ́ʉnɛ lɑ́. Pʉʉ tsuŋ ḿbɔ́ ńzúꞋ ńdɔk ńzẅíꞋlɛ lɛ́Ꞌ yi Yɛ́su ɡʉ ńdɑ́Ꞌ ḿbɛn ńtɔ́. Pɑ́Ꞌ cʉ̈ɔ́Ꞌ-sɑŋ ẅí ɑ kɔ́Ꞌ, njí ɡɔ́ɔ ŋ́kiɛ. A ɡʉ ńtɔ́ ŋ́kyɛꞋ zʉꞋ mbɔ̌ mɛtʉ́m mʉ́ʉ.

1 Jɑ̂ŋ 1:10

Pɛkŋɛ kɛ ńcú ŋɡɔ pɛkŋɛ kɑ́ pɔ́ ɡɑŋmɛfɑɑnɛ pɔ́, mbɔ pɛkŋɛ lɔk Sɛ́ ɛ́fúŋ ŋɡɑŋ cɔtnu, sẅiŋɛ yɛ́ pɔɔ lɔk ḿbɔ́ nǔu pɛkŋɛ pɔ́.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

Mɛnu ɛ́ ńdɑ́Ꞌ ńcẅɛt 12:17

Lɔ́ŋ mɑ́mɑ́ nɔ́nɛŋɡɛ́m ɛ̂wɑ́ puu ńzɑ́ŋ ntɛ́ mɑŋɡɛ́ wɑ́ tɛꞋ. Nɔ́nɛŋɡɛ́m ɡʉ ńdɔk ntsɔ ńtsʉ́Ꞌ ńdʉɔ́Ꞌ pɔ pfuꞋ njẅɛt mɑŋɡɛ́ ɛ̂wɑ́, pʉɔ pinɛ pɔ́p sɛ́ ŋ́kúꞋlɛ nɛpʉ́ʉ-Sɛ́, ḿbɛn ḿbɔ́ ŋ́kẅíitɛ nu nɛ́nẅín yi Yɛ́su kɑ cúnɛ.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Mɛnu ɛ́ ńdɑ́Ꞌ ńcẅɛt 2:28

ḿbɛn ŋ́ɡɑ́ cʉ̈ɔ́Ꞌ-sɑŋ-ŋkɔ́Ꞌnjí, njí ɡɔ́ɔ ŋ́kiɛ mbɔ̌ ŋɡɑŋ.