1 Jɑ̂ŋ 3:12 - Kɑɑ Fí

¹² Kɔɔ pɛkŋɛ pɔ́ pɑ́Ꞌ Kɑyin ẅí ɑ kɑ pɔ́ nzʉʉ-Sɑ́ttɑ, ńjẅí mɔ́ɔmɑ́ wɛ pí tɑ́Ꞌ mɑŋɡɛ́. A kɑ jẅí wɛ́ mɛlɑ́Ꞌ kʉ̈ɔ́? Ɛ́ kɑ pɔ́ mbíꞋŋɡɔ mɛfɑꞋ mɛ́ kɑ pɔ́ mɛ́ kɛpɔŋ, mɛ́ mɔ́ɔmɑ́ wɛ pɔ́ mi ɛ́ ndʉ́ŋndʉŋ mbi Sɛ́.

1 Jɑ̂ŋ 3:12 Marejeleo ya Msalaba

Mɑtʉ̈ɔ 13:19

Mbʉʉ-sɛ̂ndúŋ yi mɛcɔ́ mɛmbɑŋ vunɛ zúꞋu, pʉɔ pínɛ pɔ́p zúꞋ nu-nɛfɔɔ-Sɛ́, mbɔɔ zúꞋ tɛ ńzúꞋ pɔ́. Sɑ́ttɑ tɔ́, ɛ́fú tsɛt tʉ́m yɔ́p ńcẅɛɛtɛ.

Mɑtʉ̈ɔ 13:38

Ŋkɑ́Ꞌ pɔ́ ndǔ mbí, mbiyúu sʉ́Ꞌnɛ pɔ́ pʉɔ pínɛ Sɛ́ sɑ́Ꞌnɛ wɔ́p, mbiyúu yi kɛpɔŋ pɔ́ pʉɔ pínɛ Sɑ́ttɑ sɛ́ ɛ́sɑ́Ꞌ wɔ́p.

Mɑtʉ̈ɔ 23:35

Pɔ́Ꞌɔ, mɛci-pɛpúꞋ pɛtsʉʉ mi pɛ́ kɑ tswɛtnɛ ndǔ tsɛ́tsɑ́Ꞌ tɛmtɛ ńcúŋ nǔu pʉʉ. Nɛfú nǔu mɛci-Abɛ̂ ẅí ɑ kɑ pɔ́ ńzúꞋnɛ Sɛ́, ŋ́ɡʉ ŋ́kúu nǔu mɛ́ Sɑkɑlíyɑ, mɔ́ɔ-Mbɑlɑshi, ẅi pʉʉ kɑ jẅínɛ wɛ́ nzʉʉ nɛkɛlɛmúk-pɔꞋ lɑ pɛ́ kúu ndɑ́-nɔŋpɔꞋ.

Mɑtʉ̈ɔ 27:23

Pilɑtɔ píkŋɛ wɔ́p ŋɡɔ: «KwɑꞋ nu kɛpɔŋ yí ɑ ɡɛnɛ pɔ́ pɔ kʉ̈ɔ́?» Lɑ́ lɑ́Ꞌ kẅiꞋ ŋ́ɡɑ́ ɡwɑ́t, ńcú pɔ ŋɡɔ: «pɛ́ kɛ́ ŋ́kẅii wɛ́ kẅiinɛ!»

Mɑtʉ̈ɔ 5:37

Ɔ́ɔŋ wʉʉ pɔ́ pɔ Ɔ́ɔŋ, ŋɡɑ́ŋ wʉʉ pɔ́ pɔ ŋɡɑ́ŋ, yi pɛ́ kẅiꞋnɛ nǔu fú mbɔ̌ Sɑttɑ.

Lúkɑ́shi 11:51

Pʉɔ pinɛ Sɛ́ ɡɛnɛ ńdɑ́Ꞌ ḿbíkŋɛ mɛci mɔ́p mbɔ̌ pʉɔ pinɛ pɔ́p ndǔ mbí ŋkɔ̂ɔnɛ pɔ́p zɛɛ ńzɑ́ɑ tɛꞋ. Tɛ ɛ́fú nǔu mɛ Ábɛɛ ẅi pɛ́ kɑ piitɛ nǔu wɛ́ nɛjẅí, ŋ́ɡʉ ŋ́kúu nǔu mɛ Sɑkɑlíyɑ ẅi pɛ́ kɑ jẅí wɛ́ pɔ ntsu ndɑ́-nɔŋpɔꞋ, mbʉʉ nɛkɛlɛmúk yúu-pɔꞋ. Sɛ́ ɡʉ ńdɑ́Ꞌ ḿbíkŋɛ wɔ́p pɛtsʉʉ pɔ mbɔ̌ pʉɔ pinɛ pɔ́p tsɛt mbí ŋkɔ̂ɔnɛ.

Jɑ̂ŋ 10:32

Lɑ́ Yɛ́su pɛn ńcú mbɔ̌ pɔ́p ŋɡɔ: «Ŋ kɑ ɡɛ pʉʉ jʉ́ɔ mɛfɑꞋ sʉ́Ꞌnɛ tɛ ɛ́ zɑ́ɑ zɑ́ɑnɛ mi ɛ́ fúnɛ mbɔ̌ Tɑ̌ɑ mɔ, pʉʉ lɑk mɛŋɡɔꞋ nɛlɔk ńtɛ́mtɛ wɑ́ɑ ńjẅí pɑ́Ꞌɑ mbíꞋ yɛ́tɛ́ nǔu?»

Jɑ̂ŋ 8:40

Ɛ sẅíi wʉ́ʉ nɛ́ nu nɛ́nẅín yi ŋ kɑ zúꞋnɛ mbɔ̌ Sɛ́, pʉʉ pɛn ḿbɔ́ ŋkɔ̂ɔnɛ ḿbɔ́ ńdɔɔ nɛjẅí wɑ́ɑ, mbɑ Ábɛlɛhɑ̂m ŋkɑɑ pɔ́Ꞌɔ ɡɛ.

Jɑ̂ŋ 8:41

Pʉʉ fɑꞋ pɔ mɛfɑꞋ wʉʉ tɑ́t, pɔ́p pʉ̈ɔt mbɔ̌ wɛ́ ŋɡɔ: «Pɛk kɑ́ pɔ́ pɔ́ɔɡɑ́ɑ pɔ́, pɛk ɡẅɛɛ pɔ tɑ́Ꞌ Tɑ́t wɛ́mɔ́Ꞌ, ɑ pɔ́ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

1 Tɛsɑlɔník 2:14

Pɔ́ɔpɛ́mɑ́, ŋɡʉ̈ɔ́Ꞌ yi ɛ́ kɑ kúunɛ pʉɔ-Kɛlístɔ Judɛ̂ pi pɔ́p kɑ zɑ́pnɛ tʉ́m nǔu Kɛlístɔ, ńcúꞋlɛ ńtsʉ́Ꞌ pʉɔ-Sɛ́, kɑ kúu wʉ́ʉ ɡúu. N cú mbíꞋŋɡɔ pʉɔ lɑ́Ꞌ pʉ́ʉ kɑ nyɛt wʉ́ʉ nɛ́ ŋɡʉ̈ɔ́Ꞌ, ɛ́ pɔ́ pɑ́Ꞌ pɑyúdɑ, pʉɔ-lɑ́Ꞌ pɔ́p ɡúu, kɑ nyɛtnɛ wɔ́p nɛ́ ŋɡʉ̈ɔ́Ꞌ.

Ɛ́bɛlʉʉ 11:4

Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

Ɛ́bɛlʉʉ 12:24

Pʉʉ kɑ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ Yɛ́su ẅí ɑ kɑ tswɛt mɛci mɛ́ nɛlɔk ɛ́suk lɔ́Ꞌ nǔu pɛkŋɛ, ɑ nɛnkɛ́m nǔu kɑɑ yi ɛ́ yi fí, mɛci mɛ́ ɡẅɛɛ nu yi ɛ́ cú mbɔ̌ pɛkŋɛ, ɛ́ cúnɛ ńdɛɛ nu yi mɛci Ábɛɛ cúnɛ.

1 Pyɛ̂ 4:4

Ɛ́ pɛn ḿbɔ́ nǔu ŋkɔ̂ɔnɛ pɑkɛ́jí Sɛ́ tsʉ́Ꞌ ńjʉ́ɔ yʉʉ ntɛ́ ḿmɑɑ mɑɑnɛ, mbíꞋŋɡɔ pʉʉ pɛ́pɔ́p kɑ́ pɛ́t ńtɛmtɛ ku ńnɛn nɛɡɛ mɛnu mi pɔ́p ɡɛnɛ ɛ́ pɔ́ pɔ mɛnu sʉ́ʉ pɔ́. Pɔ́p kɛ ńtsʉ́Ꞌ ńzɔɔtɛ wʉ́ʉ zɔɔtɛnɛ.

1 Jɑ̂ŋ 3:8

Ŋu lɑɑ ŋ́kɛ́ ńnɑ́ŋ ŋ́ɡɛ yɛ́ pɔ nu kɛpɔŋ, mbɔ ɑ ŋu-Sɑ́ttɑ, mbíꞋŋɡɔ Sɑ́ttɑ ŋɡɑŋ mɛfɑɑnɛ tɛ ɛ́fú pɔ nzɛnɛ ŋɡɔŋ. Mɔ́ɔ-Sɛ́ kɑ zɛɛ ńtɔ́ pɔ nɛɡɛ kʉ̈ɔ́? A kɑ tɔ́ nɛpík mɛfɑꞋ-Sɑ́ttɑ.

Jẅidɛ 1:11

Ndɔɔ tú pɔ́p mbíꞋŋɡɔ pɔ́p nɛn nǔu mɛku-Kɑ́yín, ḿbɔ́ ɛ́fɑɑnɛ ndúŋ mbíꞋ ŋkɑ́p pɑ́Ꞌ Mbɑlɑm. Pɔ́p pɔ́Ꞌɔ, mbɔ pɔ́p lɑ́kŋɛ mɔ́, mbíꞋŋɡɔ pɔ́p tʉʉ tú mbɔ̌ Sɛ́ pɑ́Ꞌ Kɔlɛ̂.

Mɛnu ɛ́ ńdɑ́Ꞌ ńcẅɛt 17:6

N jʉ́ɔ mɑŋɡɛ́ ɛ̂wɑ́, mbɔ ɑ nɔ́ mɛci-pʉɔ-Sɛ́ mbɑ mɛ́ pʉɔ pi pɔ́p cúnɛ yúu mi pɔ́p jínɛ nǔu Yɛ́su nɔ́ tɛ ḿbɑ́. N jʉ́ɔ wɛ́ tɛ ḿmɑɑ tɛꞋ.