1 Kɔlɛ̂ŋtɛ 4:10 - Kɑɑ Fí

¹⁰ Nu-Kɛlístɔ ɡɛ pɛk tsʉ́Ꞌ pɛpɑ́lɛ́. Lɑ́ ŋ́kɛ́ ŋ́ɡʉ nǔu pʉʉ, mbɔ pʉʉ kɑ kɛ́mɔ́ ńdɛɛ nǔu Kɛlístɔ ńjí nu. Pɛk pɔ́ pɛpɔ́t pʉɔ. Pʉʉ ɡẅɛɛ mɛtʉʉ. Pɛ́ ɡɛ mɛkuꞋ mʉ́ʉ, ḿbɛn ńtɔ́ nǔu pɛk ŋ́ɡwɑ́k wɛ́k ɡwɑ́knɛ.

1 Kɔlɛ̂ŋtɛ 4:10 Marejeleo ya Msalaba

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

Lúkɑ́shi 10:16

Yɛ́su pɛn ńcú mbɔ̌ ɡɑŋku pɛ́ ŋɡɔ: «Ŋu lɑɑ ḿbɛ́m sẅiŋɛ yʉ́ʉ, mbɔ ɑ pɛ́m pɔ sẅiŋɛ yɑ́ɑ. Ŋu lɑɑ ńdʉꞋ wʉ́ʉ, mbɔ ɑ lʉꞋ pɔ wɑ́ɑ, ńdɔk pɔ́Ꞌɔ, ńdʉꞋ ŋu ẅí ɑ kɑ ńtúunɛ wɑ́ɑ.»

Lúkɑ́shi 18:9

Yɛ́su pɛn sɑk nɛcɔ́ nɛkɛt ńcú nu nǔu pʉɔ pinɛ pɔ́p kwɑŋɛ ŋɡɔ ndɑꞋ pɔ́p ɡɛnɛ yúu mi Sɛ́ sɛ́ ŋ́kɔŋ, ḿbɛn ńtsʉ́Ꞌ ŋ́ɡwɑ́k pɛcɔ́ pʉɔ ɡwɑ́knɛ,

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:32

Pɑŋɡɛlɛ́k pɔ́ tɛ ńzúꞋ pɑ́Ꞌ Pɔ̂l cúnɛ ŋɡɔ ŋu kɑ zẅíimɛ nǔu nɛvú, pɛcɔ́ pʉɔ pɔ́p pɔ́ ńzɔɔtɛ wɛ́, pɛcɔ́ cú nɛ́ jʉ́ ŋɡɔ: «Pɛk ɡʉ ńdɑ́Ꞌ yɛcɔ́ lɛ́Ꞌ lɑ́ ḿbɛn zẅíꞋlɛ nu yi ɔ cúnɛ lɑ́!»

ŊwɑꞋnɛ-Gɑŋntúu Yɛ́su Kɛlístɔ 26:24

Pɔ̂l pɔ́ ḿbɛ́ɛtɛ ntsu wɛ́ pɔ́Ꞌɔ, ŋɡɔ́mnɑɑ Fɛstus cẅɛ́ɛ sẅiŋɛ ŋ́kɑꞋ ŋɡi yɛ ńcú ŋɡɔ: «Pɔ̂l, ɔ pɑ́lɛ. Ɔ kɑ́ pûu, ńzíꞋ yúu zíꞋnɛ tɛ ɛ́ pʉ́ʉpɛ tú yú.»

ŊwɑꞋnɛ-Gɑŋntúu Yɛ́su Kɛlístɔ 9:16

KwɑꞋ mɔ ŋ ɡʉ ńzɛɛ ŋ́ɡɛ ŋɡɔ, ɑ jí ndɛn ŋɡʉ̈ɔ́Ꞌ yi ɑ ɡʉ ńjʉ́ɔ ntɛ́ nu yɑ́ɑ.»

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

1 Kɔlɛ̂ŋtɛ 1:23

Lɑ́ ɛ́ kɛ́ ŋ́ɡʉ nǔu pɛk, pɛk sɛ́ ɛ́sɑ́Ꞌ pɔ nu-Kɛlístɔ ẅi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. Yîyɑ́ nu pɔ́ mbɔ̌ pɑyúdɑ ḿbɔ́ nu yi ḿbɔ́ pɛ́ zɛɛ mbɔɔ kẅíi tɛ ɛ́sẅíi ŋu pɔ́, ḿbɔ́ mbɔ̌ pʉɔ pi pɔ́p kɑ́ pɔ́ pɑyúdɑ pɔ́ ḿbɔ́ pɔ mɛnu-pɛpɑ́lɛ.

1 Kɔlɛ̂ŋtɛ 1:25

MbíꞋŋɡɔ yúu mi Sɛ́ ɡɛnɛ ŋumɛsɔŋ jʉ́ɔ ŋɡɔ ɛ́ nu-pɑ́lɛ, jínu nǔu ńdɛɛ yi ɛ́ nǔu yúu mi ŋumɛsɔŋ ɡɛnɛ. Yúu mi Sɛ́ pɛnnɛ ŋ́ɡɛ ŋumɛsɔŋ jʉ́ɔ ŋɡɔ ɛ́ pɔ́t pɔ́tnɛ, yîyɑ́ ɡẅɛɛ tʉʉ ńdɛɛ yi yúu mi ŋumɛsɔŋ ɡɛnɛ.

1 Kɔlɛ̂ŋtɛ 10:12

Pɛkŋɛ fú nǔu yɔ nu ńzúꞋ ŋɡɔ nɛpɛ́t ŋ́ɡʉ ɡʉnɛ ŋ́ɡɔ́ɔ ḿbɔ́ ńzɔp, kɑ́ pɔŋ.

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

1 Kɔlɛ̂ŋtɛ 2:3

Ŋ kɑ tʉ́ʉ tsɛtsɛt pʉʉ, ńzúꞋ ḿbɔ́t pɔ́tnɛ, ńzúꞋ ḿbɔ́k pɔ́knɛ tɛ ḿbɔ́ ŋ́ɡwɛt.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

1 Kɔlɛ̂ŋtɛ 3:2

Ŋ kɑ ɡɑ́ pɔ nɛpʉ́ʉ nɔnɛ mbɔ̌ pʉʉ. Mɔ ŋ́kɑɑ ɡɑ́ yúu kwɛ́tnɛ mbɔ̌ pʉʉ pɔ́, mbíꞋŋɡɔ pʉʉ kɑ pɛ́t kɛ́ kuꞋ nɛkwɛ́t yúu. Tɛ mbɑ ŋkɔ̂ɔnɛ pʉʉ pɛ́t pɔ kɛ́ kuꞋ nɛzúꞋ nu yi ɛ́ tɛnnɛ nɛzúꞋ,

1 Kɔlɛ̂ŋtɛ 4:8

Pʉʉ tsʉ́Ꞌ ńjúk ńcú ŋɡɔ pʉʉ kɑ kɛ́mɔ́ ndɑ́Ꞌ ŋ́ɡẅɛɛ yúu tsʉʉ yi ɛ́ kɑ pɔ́ ńjɑ́k mbɔ̌ pʉʉ. Pʉʉ kɑ tsʉ́Ꞌ mɔ́ ɡɑŋyúu pʉ́ɔ? Pʉʉ tsʉ́Ꞌ mɔ́ pɛfɔɔ ńdɛɛ wɛ́k ɔ́ɔ? Lɑ́ ɛ́ lɑ́Ꞌ ḿbɔ́ pɛ́Ꞌnɛ pʉʉ pɔ́ pɛfɔɔ kwɑꞋ nɛ́nẅín, mbɔ ɛ́ pɔŋ wɑ́ɑ tɛꞋ, mbɔ ɑ pɛkŋɛ.

2 Kɔlɛ̂ŋtɛ 10:10

Mɔ sɛ́ ńjí ŋɡɔ pɛcɔ́ pʉɔ sɛ́ ńcú ŋɡɔ pɔ̂l túu ŋwɑꞋnɛ ńcʉ̈ɔ́k tsɛtú tɛꞋ, ńcú nu ɛ́ tɛn, ḿbɛn ńtɔ́ tɛ ńtʉ́ʉ sɛ́ ḿbɔ́t, nu yí ɑ cúnɛ pɔɔ pɛn ńcʉ́ʉnɛ pɔ́.

2 Kɔlɛ̂ŋtɛ 11:19

Pʉʉ sɛ́ ŋ́kwɑŋɛ ŋɡɔ jínu yʉ́ʉ ɡú, lɑ́ pʉʉ pɛ́mnɛ lɑ́ nu pɛpɑ́lɛ́!

2 Kɔlɛ̂ŋtɛ 11:29

ḿbɔ́ yi ŋu-Kɛlístɔ lɑɑ ḿbɔ́t n zúꞋ ɛ́ pɔ́ pɔ pɑ́Ꞌ ŋkɑ́ yi m bɔ́t yɑ́ɑ lɑ́, ḿbɔ́ yi ŋu-Kɛlístɔ lɑɑ ŋ́ɡɛ nu kɛpɔŋ, ɛ́ ɡɑ́ɑnɛ wɑ́ɑ tɛꞋ.

2 Kɔlɛ̂ŋtɛ 13:9

Pʉʉ lɑɑ ḿbɔ́ nǔu sɛ̂ndúŋ-Sɛ́, ḿbɔ́ pɛntʉʉ-pʉɔ, pɛk pɔ́ yɛ́k nǔu, ḿbɔ́ pɔ pɛpɔ́t pʉɔ, mbɔ nu ɡʉ ḿbɔŋ wɛ́k pɔŋnɛ. Ɛ́ yúu mi ɛ́ ɡɛnɛ pɛk pɔ́ tɛ ḿbɔ́ ńcɛꞋlɛ Sɛ́, ńdɔ́ɔ ŋɡɔ ɑ ɡɛ pʉʉ ńnɛn pɔ nǔu sɛ̂ndúŋ wɛ́ tɛ ńdẅiklɛ.

2 Kɔlɛ̂ŋtɛ 4:12

Ɛ́ fú pɔ́Ꞌɔ, nɛvú ɡɔ́ ḿbɔ́ sɔŋ-mbʉʉ pɛk ḿbɔ́ ɛ́fɑꞋ yɛ́ fɑꞋ, luk pɔ́ ɛ́fɑꞋ yɛ́ fɑꞋ sɔŋ-mbʉʉ pʉʉ.

2 Kɔlɛ̂ŋtɛ 6:8

Pɛcɔ́ pʉɔ sɛ́ ŋ́ɡɔ́ ŋ́ɡɑ́ mɛkuꞋ mɛ́k, pɛcɔ́ pɔ́ ńtɛ́m sʉ́ʉ nǔu pɛk. Pɛcɔ́ ɡɔ́ ŋ́ɡʉ̈ɔꞋtɛ yúu mi pɛk sɛ́ ŋ́ɡɛ, pɛcɔ́ pɔ́ ńzɔɔtɛ wɛ́k zɔɔtɛnɛ. Pɛ́ sɛ́ ńdɔk wɛ́k ŋ́ɡɛ ɡɑŋcɔtnu, lɑ́ pɛk kɛ́ ḿbɔ́ ɛ́sẅíi pɔ nu nɛ́nẅín.

1 Tɛsɑlɔník 4:8

Pɔ́Ꞌɔ lɑ́, ŋu ẅí ɑ zúꞋnɛ yɔ nu ńdʉꞋ, ɑ kɑ́ pɔ́ ńdʉꞋ pɔ ŋumɛsɔŋ pɔ́, ɑ lʉꞋ pɔ́p Sɛ́ ẅi ɑ kɑ ɡɑ́nɛ zẅikŋɛ lɛ́ɛnɛ́nɛ yɛ́ mbɔ̌ pʉʉ.

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,