1 Kɔlɛ̂ŋtɛ 12:5 - Kɑɑ Fí

⁵ MɛfɑꞋ mi Tsɑpʉɔ ɡɑ́nɛ mbɔ̌ pʉɔ, ɛ́ mɛntɛ́ mɛntɛ́. Lɑ́ Tsɑpʉɔ ẅí ɑ ɡɑ́nɛ kɛ́ ḿbɔ́ pɔ wɛ́mɔ́Ꞌ.

1 Kɔlɛ̂ŋtɛ 12:5 Marejeleo ya Msalaba

Mɑtʉ̈ɔ 23:10

Kɔɔ pʉʉ pɛ́m pɛ́ fúŋ wʉ́ʉ ŋɡɔ ntʉ́ʉmbi, mbíꞌŋɡɔ ŋu ẅí ɑ tʉ́ʉnɛ mbi ɑ pɔ́ wɛ́mɔ́Ꞌ, ḿbɔ́ Nzɑ́Ꞌŋkʉ ẅí Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

1 Kɔlɛ̂ŋtɛ 12:4

Pɔ́fɑꞋ yi Zẅikŋɛ Lɛ́ɛnɛ́nɛ lɔknɛ ŋ́ɡɑ́ fuꞋ níinɛ-ŋu, ɛ́ mɛntɛ́ mɛntɛ́, lɑ́ Zẅikŋɛ Lɛ́ɛnɛ́nɛ yi ɛ́ ɡɑ́nɛ fuꞋ níinɛ ɛ̂yɑ́ kɛ́ ḿbɔ́ pɔ wɛ́mɔ́Ꞌ.

1 Kɔlɛ̂ŋtɛ 12:6

Mɛndúŋ nɛlɔk ɛ́fɑꞋ mɛfɑꞋ mɛntɛ́ mɛntɛ́. Lɑ́ tɑ́Ꞌ Sɛ́ wɛ́mɔ́Ꞌ ɡɑ́nɛ mɛtʉʉ mbɔ̌ mbɑ wɛ́tɛ́ ŋu lɑ́.

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.