1 Kɔlɛ̂ŋtɛ 12:10 - Kɑɑ Fí

¹⁰ Ɛ́ tɔ́ nǔu wɛcɔ́ ŋu yɛ́ pɔ́fɑꞋ yi ɑ lɔknɛ ŋ́ɡɑ́ fuꞋ níinɛ-ŋɡɑŋ ɛ́ pɔ́ ŋɡɑŋ nɛɡɛ mɛnu mɑ̌ɑmɑɑnɛ, ńtɔ́ nǔu wɛcɔ́ ŋ́ɡɑ́ fuꞋ níinɛ yɛ́ ɛ́ pɔ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ńtɔ́ nǔu wɛcɔ́ ŋ́ɡɑ́ pɔ́fɑꞋ yɛ́ ɑ jí yúu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ mbɑ yi ɛ́ fúnɛ mbɔ̌ mɛzẅikŋɛ kɛpɔŋ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ sẅiŋɛ mɛsẅíŋɛ mi ɑ kɑ zíꞋnɛ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ jí shʉ́ nɛlɔk ŋ́kyɛ́Ꞌtɛ mîmɑ́ mɛsẅíŋɛ.

1 Kɔlɛ̂ŋtɛ 12:10 Marejeleo ya Msalaba

Mɑ́lɛ́kúshi 16:17

Pʉɔ pí pɔ́p pɛ́mnɛ nu yɑ́ɑ, ɡʉ ńdɑ́Ꞌ ŋ́ɡɛ mɛŋkʉꞋnɛ mɛnu: pɔ́p ɡʉ ńdɑ́Ꞌ ńdɔk lík yɑ́ɑ ńzuŋ mɛzẅikŋɛ kɛpɔŋ mi ɛ́ púunɛ́nɛ pʉɔ, pɔ́p ɡʉ ńdɑ́Ꞌ ńcú mɛsẅíŋɛ mi pɔ́p ŋkɑɑ zíꞋ,

Mɑ́lɛ́kúshi 16:20

Gɑŋku-Yɛ́su fú zúꞋu, ŋ́ɡʉ, ńzɛ nɛsẅíi nu-Sɛ́ zʉꞋ tsʉʉ. Tsɑpʉɔ pɔ́ ńdíŋɛ wɔ́p, ńcẅɛ́lɛ́ wɔ́p, ńtɔ́ɔtɛ wɔ́p, pɔ́p ɡɛ mɛŋkʉꞋnɛ mɛnu, mi ɛ́ nyɛtnɛ ŋɡɔ sẅiŋɛ yɔ́p fú mbɔ̌ Sɛ́.]

Lúkɑ́shi 24:49

Pʉʉ jí ŋɡɔ ŋ ɡɛ ńtɔ́ ńtúu yúu mi Tɑ̌ɑ mɔ kɑ kɑꞋnɛ nɛɡɑ́ mbɔ̌ pʉʉ. Pʉʉ kɛ ńzẅíꞋlɛ pɔ tʉ́sɔŋ tɛ ŋ́kúu ŋkɑ́ yi mɛtʉʉ-Sɛ́ ɡʉ ɛ́fú tʉ́nɛ́pú ńcúŋ ŋ́kúu nǔu pʉʉ.

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.

Jɑ̂ŋ 16:13

Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńtɔ́, ŋ́ɡɛ pʉʉ jí nu nɛ́nẅín tsʉʉ, mbíꞋŋɡɔ jʉ́ lɛ́Ꞌlɛ́nɛ nu nɛ́nẅín, ɛ́ kɛ́ ɡɛ ńcú pɔ yɛ́ nu pɔ́. Zẅikŋɛ yí ɛ́ lɛ́Ꞌlɛ́nɛ nu nɛ́nẅín nǔu Sɛ́ ɡʉ ŋ́ɡɛ ńcú pɔ nu yí ɛ́ zúꞋnɛ, ḿbɛn ɛ́sẅíi wʉ́ʉ nɛ́ mɛnu mí ɛ́ sɛ́ ńtɔ́.

ŊwɑꞋnɛ-Gɑŋntúu Yɛ́su Kɛlístɔ 1:8

Pʉʉ ńjí pɔ ndɑꞋ ŋɡɔ Zẅikŋɛ-Sɛ́ ɡʉ ŋ́ɡɛ ńtɔ́ nǔu pʉʉ, ŋ́ɡɑ́ wʉ́ʉ nɛ́ mɛtʉʉ. Pʉʉ lɔk ŋ́kuꞋ nɛsẅíŋɛ mbɑ kʉ̈ɔ́ lɑ́ yi pʉʉ jínɛ nǔu mɔ! Ńzɛ Yɛlúsɑlɛm ɛ́sẅíi sẅíinɛ ḿmɛk Judɛ̂. Ḿbɛn ɛ́fú Sɑmɑlîi, ɛ́sẅíi sẅíinɛ ŋ́kúu zʉꞋ yi tsɛ́tsɑ́Ꞌ lẅiklɛ́nɛ zúꞋu.»

ŊwɑꞋnɛ-Gɑŋntúu Yɛ́su Kɛlístɔ 11:27

Ɛ́ pɔ́ ŋkɑ́ yîyɑ́, pʉɔ fú lɛ́Ꞌ ɛ̂yɑ́, ɛ́fú Yɛlúsɑlɛm ńtɔ́ Antíyɔshɛ, ḿbɔ́ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 11:28

Wɛcɔ́ tɑ́Ꞌ ŋu pɔ́ tsɛtsɛt pɔ́p, pɛ́ fúŋ wɛ́ ŋɡɔ Aɡɑbus. Zẅikŋɛ-Sɛ́ cú, ɑ zɑ́Ꞌ njí ńcú ŋɡɔ: «Wɛcɔ́ mɑ́mɑ́ cʉ́ ŋ́ɡɛ ḿvu ndǔ tsɛ́tsɑ́Ꞌ tsʉʉ». Ńcú pɔ́Ꞌɔ, ẅîwɑ́ cʉ́ kɑ tsúŋ ḿvu ŋkɑ́ yi Kɛlɔ̂dɛ tsʉ́Ꞌnɛ ḿbɔ́ Kɑ́sɑ ɡwɛ́-Pɑlɔ́mɑ.

ŊwɑꞋnɛ-Gɑŋntúu Yɛ́su Kɛlístɔ 19:6

Pɔ̂l pɔ́ tɛ ńzɑ́p mbɔ́ tú pɔ́p, Zẅikŋɛ Lɛ́ɛnɛ́nɛ kúu nǔu pɔ́p. Pɔ́p zɛ nɛsẅíŋɛ mɛsẅíŋɛ mí pɔ́p ŋkɑɑ mɔ zɛɛ ńzíꞋ pɔ́, ḿbɛn ḿbɔ́ ńcẅi Ŋkʉʉ ẅi ɛ́ fúnɛ mbɔ̌ Sɛ́.

ŊwɑꞋnɛ-Gɑŋntúu Yɛ́su Kɛlístɔ 5:3

Pyɛ̂ píkŋɛ wɛ́ ŋɡɔ: «Anɑníyɑs, mɛlɑ́Ꞌ kʉ̈ɔ́ ɔ pɛ́m Sɑ́ttɑ jʉ́ wú tɛ ɔ fu Zẅikŋɛ-Sɛ́? Mɛlɑ́Ꞌ kʉ̈ɔ́ ɔ fɛn ŋkɑ́Ꞌ wú, ŋ́ɡẅɛɛ yɛcɔ́ ɡúŋ-ŋkɑ́p?

Pʉɔ-Lɔ́mɑ 12:6

Ɛ́ yɛ́tɛ́ lɑ Sɛ́ ɡɑ́ fuꞋ níinɛ yɛkŋɛ, ŋ́ɡɑ́ fuꞋ yɛ́ mbɑ wɔ̌ lɑ́ ɛ́ pɔ́ pɔ yɛ́ ntɛ́. FuꞋ yi ŋu lɑɑ ḿbɔ́ ńnɑ́ŋ ńcẅi Ŋkʉʉ ẅí ɛ́ fúnɛ mbɔ̌ Sɛ́, ɑ ɡɔ́ ńcẅi, ńcẅi nǔu ntɛ́ yi ɑ sɛ́ ńzúꞋ, mbɔ Sɛ́ lɔk ɛ́sẅíi wɛ́ pɔ́Ꞌɔ.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

1 Kɔlɛ̂ŋtɛ 11:4

Ŋu mbɛ́ɛnɛ lɑɑ ŋ́ɡɔ́ ḿbúꞋ mbɔ́ mbɔ̌ Sɛ́, kɛ ŋ́ɡɔ́ ńcẅi Ŋkʉʉ ẅí ɛ́ fúnɛ mbɔ̌ Sɛ́ ɔɔ, ńdɔk yúu ḿbɔɔ tú yɛ́, mbɔ ɑ lɔk ńcɔŋ ndɛn-Kɛlístɔ ẅí ɑ ɡẅɛɛnɛ wɛ́.

1 Kɔlɛ̂ŋtɛ 13:8

Ŋkɔŋɛ yi ŋumɛsɔŋ ɡẅɛɛnɛ nzʉʉ wɛcɔ́, ɡʉ ńdɑ́Ꞌ ḿbɔ́ pɔ ɡú. Lɑ́ ɛ́ ɡʉ nǔu pɑ́Ꞌ Sɛ́ ɡɑ́nɛ fuꞋ níinɛ-pʉɔ, pɔ́p cẅi Ŋkʉʉ ẅí ɛ́ fúnɛ mbɔ̌ yɛ́, ẅîwɑ́ nɛpɔ́ mɛ, nɛsẅíŋɛ mɛsẅíŋɛ mi pɛ́ ŋ́kɑɑ zíꞋ pɔ́ mɛ yɛ́, nɛjí yúu mi ɛ́ lʉɔmɛ́nɛ pɔɔ pɛn ḿbɔ́ ɡú pɔ́,

1 Kɔlɛ̂ŋtɛ 14:13

Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,

1 Kɔlɛ̂ŋtɛ 14:39

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pʉʉ tsɑ́ɑ tɛꞋ nɛpɔ́ pɑcẅiŋkʉʉ pi pɔ́p fúnɛ mbɔ̌ Sɛ́ ḿbɛn ḿbɑ́ɑ nɛtɔꞋ pɛcɔ́ pʉɔ nɛsẅíŋɛ mɛsẅíŋɛ mi pɔ́p ŋkɑɑ mɔ́ zíꞋ pɔ́.

Ŋɡɑlɑ̂t 3:5

Pɔ́Ꞌɔ lɑ́, ɛ́ pɔŋ ŋɡɔ pʉʉ pɛn ńjʉ́ɔ ŋɡɔ Sɛ́ sɛ́ ŋ́ɡɑ́ Zẅikŋɛ yɛ́ mbɔ̌ pʉʉ, ḿbɛn ḿbɔ́ ŋ́ɡɛ mɛnu mɑ̌ɑmɑɑnɛ tsɛtsɛt pʉʉ. Pʉʉ kwɑŋɛ ŋɡɔ ɑ ɡɛ pɔ́Ꞌɔ, mbíꞋŋɡɔ pʉʉ sɛ́ ŋ́ɡɛ yúu mi nɛpʉ́ʉ sɛ́ ḿbíkŋɛ kîi? Ŋɡɑ́ŋ, ɑ ɡɛ mbíꞋ pɔ ŋɡɔ pʉʉ kɑ zúꞋ Ŋkʉʉ Sʉ́Ꞌnɛ ńzɑ́p tʉ́m wʉ́ʉ nǔu.

1 Tɛsɑlɔník 5:20

Kɔɔ pʉʉ ɡwɑ́k sẅiŋɛ-pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́,

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

Mɛnu ɛ́ ńdɑ́Ꞌ ńcẅɛt 2:2

Mɔ sɛ́ ńjí mɛfɑꞋ mʉ́ʉ, ḿbɔ́ ńjí wʉʉ nɛkiɛ ziꞋnɛ, ńjí pɑ́Ꞌ pʉʉ sɑ́Ꞌnɛ tʉʉ pɔ́Ꞌɔ, ńjí pɑ́Ꞌ pʉʉ kɑ́ kɔŋ nɛpɔ́ yi pʉʉ pɛ́ pʉɔ pi pɔ́p ɡẅɛɛnɛ shíshí tʉ́m ńtɛmtɛ ku pɔ́, ḿbɔ́ ńjí pɑ́Ꞌ pʉʉ kɑ kɛ́ ŋ́kwɑꞋlɛ pʉɔ pi pɔ́p cúnɛ ŋɡɔ pɔ́p ɡɑŋntúu-Yɛ́su lɑ́ ḿbɔ́ pɔ pɑɡwɑtŋkúu, tɛ ńjí ŋɡɔ pɔ́p pɔ́ pɔ ɡɑŋcɔtnu.