زَبور 34:15 - هُدائے پاکێن کتاب، بلۆچی زبانا

¹⁵ هُداوندئے چمّ گۆن پهرێزکاران اِنت و گۆشی هم په آیانی پریاتان پَچ.

زَبور 34:15 Marejeleo ya Msalaba

زَبور 130:2

هُداوند! منی تئوارا گۆش دار، منی پریات و زاریان دلگۆش کناتئے.

زَبور 33:18

هئو! هُداوندئے چمّ گۆن همایان اِنت که چه آییا تُرسنت، گۆن همایان که اۆست و اُمێتِش آییئے مِهر اِنت،

زَبور 34:17

وهدے پهرێزکار پریاتَ کننت، هُداوندَ اِشکنت و آیان چه سجّهێن سکّیانَ رَکّێنیت.

زَبور 34:6

اے مِسکینا تئوار پِر جت، هُداوندا آییئے تئوار اِشکت و چه سجّهێن سکّیان رَکّێنتی.

زَبور 37:27

چه بدیا دێما چهر دئے و نێکی کن، گڑا تان اَبد مُلکا جهمنندَ بئے.

پِتْرُسئے ائولی کاگد 3:12

چێا که هُداوندئے چمّ، نێک و پهرێزکارێن مردمان سکّ اِنت و گۆشی گۆن همایانی دْوایا. بله هُداوند وتی دێما چه بدکِردێن مردمانَ تَرّێنیت.“