Mateo 9:17 - Porciones del Nuevo Testamento

¹⁷ Miã vino zhiwidꞌi oma tʉdꞌa ẽã ne e omata zhi sorerãnerã. Mawũã ora ne e sorera kꞌõgꞌozoabʉrʉba vino wea wãña, aramaʉ̃ne ne e sorera ãrĩkuaya. Mawũãmina vino zhiwidꞌi oma tʉ panʉã ne e omata zhiwidꞌirãnerã, mawũãtrʉ abꞌarika bia nʉmaña. (Maʉ̃bara Jesúsbara jara krĩñasia izhi ũrãgꞌara zõrãrãwedꞌabema krĩcha ũme ãba jara ẽãta ãrĩ ẽbaita.)

Mateo 9:17 Marejeleo ya Msalaba

Mateo 9:16

Miõba wuata zhiwidꞌibara remenda ẽã wua soreta. Mawũã ora wua zhiwidꞌira bagubʉrʉba wuaabʉrʉ kꞌõãbiya.

Mateo 9:18

Jesúsba maʉ̃ta jara nʉmʉne zesia judío zhi zromata, mobe izhi kĩrãbita sãkꞌokꞌodꞌe kꞌobꞌepe mawũãsia: Mʉ kꞌaura beudogꞌoa. Mawũãmina wãda, mobe bʉ juwuata izhi ʉ̃rʉ̃ bꞌʉdua, mawũãrã bꞌaya.

Marcos 2:22

Miõba vino zhiwidꞌi oma tʉdꞌa ẽã ne e omata zhi sorerãnerã. Mawũã ora vino zhiwidꞌi omabara ne e oma kꞌõgꞌozoabʉrʉba vino wea wãña, aramaʉ̃ne ne e oma ãrĩkuaya. Mawũãmina vino zhiwidꞌi oma ne e oma zhiwidꞌirãnerã tʉsia bꞌʉa. (Maʉ̃bara Jesúsbara jara krĩñasia izhi ũrãgꞌara zõrãrãwedꞌabema krĩcha ũme ãba jara ẽãta ãrĩ ẽbaita.)

Lucas 5:37

Miõba vino zhiwidꞌi oma tʉdꞌa ẽã ne e omata zhi sorerãnerã. Mawũã ora vino zhiwidꞌi omabara ne e oma kꞌõgꞌozoabʉrʉba wea wãña, aramaʉ̃ne ne e oma ãrĩkuaya.

Lucas 5:38

Mawũãmina vino zhiwidꞌi oma ne e omata zhiwidꞌirãnerã tʉsia bꞌʉa. Mawũãtrʉ abꞌarika bia nʉmaña.