Salmos 37:34 - Kaxinawá Bíblia (BR)

³⁴ Tsuãra Deusũ yunuti nĩkakĩ mã ashuĩ haki txiti ikarã, hatũ matu duawakĩ na mai matu ibu wamakẽ hawa keyuama mã hanu hiwepakeshanaii. Hanua ha txakabui hiwekubainaibu Deusũ hatu kupikĩ yamawai ibubis mã uĩshanaii.

Salmos 37:34 Marejeleo ya Msalaba

Salmos 27:14

Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Salmos 37:3

Na mai anu mã hiwearã, Senhor Deus ikũwaĩ haki txiti ikĩ pepa besti aki txĩtuãma txibãkubaĩwẽ.

Salmos 37:7

Hawara Senhor Deus anua mĩ manakairã, hĩ hĩ ikĩ hawa yuiama mĩ shinanẽ besti Deuski txanitã manakubaĩwẽ. Hatũ mia merabewashanikiki. Hakia huni betsa txakabu atimapa akatsi yubakamisburã, haskawẽ hiwekaĩkĩ tsuabura maematirubumaki. Haskawẽ taea hatuki sinatayamakũkaĩwẽ.

Salmos 37:9

Tsuabura txakabuburã, matũ mai pakea anua Senhor Deusũ hatu nitxĩshanikiki. Hakia tsuabura Senhor Deuski txiti imisburã, ha mai hatu yubani habũ ibuwashanikiki.

Salmos 91:8

Haska ha huni txakabubũ haska betxipaimis hatũ kupiti mei ikaibu txanima ibubis mĩ hatu uĩshanaii.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 20:22

Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Mateus 24:13

Matu haska wabiaibũ tsuãra ea txibãkĩ heneisma hatu mekekĩ ẽ hatu pashawashanaii.

Lucas 14:11

Habiaskari wakĩ tsuara ibubis kẽmis Deusũ dake washanikiki. Hakia tsuara ibubis keĩsma Deusũ kẽwãshanikiki. Nĩkairakãwẽ— iwanã,

1 Pedro 1:7

Hanua shanẽ ibuhairai Jesus Cristo ana hushũ matuwẽ benimakĩ hau matu kẽwãshanũ haska ouro mane taxipa txiwẽ pewakĩ has wamisbu keska wakĩ: “Haska mã Jesus ikũwaĩburi pewakĩ matũ xinã mã ma mestẽ matu uĩnũ”, ishũ habũ matu itxakawaibu Deusũ hawẽ matu unãti waikiki. Haska ouro mane taxipa bikatsi imisbu keskakĩ Jesus ikũhairawai txĩtuãma pepakĩ mã hatu binuaiĩ.

1 Pedro 5:6

Txanima Deusũ kuxipawenã, matu ashũtiru hayawẽ taea babutã keãma manakakubaĩkãwẽ. Hanu akaitiã Deusũ matu duawakĩ shanẽ ibu wakĩ kẽwãshanikiki.