Romanos 8:26 - Kaxinawá Bíblia (BR)

²⁶ Haska inũ, nukũ huĩti babuwẽ taeshũ Deusbe hãtxakĩ nũ hawa yuitirumabiakẽ hawẽ Yushĩ Pepatũ nuku merabewamiski. Hari Deusbe hãtxati unãma: “Harakiri ea akĩ Deus hawa yukashãpa?” ikĩ nũ xinãyã hawẽ Yushĩ Pepa Deusbe hãtxakĩ nuku yukashũmiski, haska nũ yuitirumawẽ nuku ea ashũkinã.

Kashinawa : Diosun Jesúswen taexun yuba bena yiniki

²⁶ Jaska inun, nukun juinti babuwen taexun Diosbe janchakin nun jawa yuitidumabiaken jawen Yushin Pepatun nuku medabewamiski. Jadi Diosbe janchati unanma: “¿Jadakidi ea akin Dios jawa yukaxanpa?” ikin nun shinanyan jawen Yushin Pepa Diosbe janchakin nuku yukaxunmiski, jaska nun yuitidumawen nuku ea axunkinan.

Romanos 8:26 Marejeleo ya Msalaba

Salmos 69:3

Ea haska waiwẽ taea ẽ bis itxakayamai ẽ hui menui teris ika ẽ teshu shui ẽ isiaiĩ. Haska nishũ ẽ Deus manahairai ẽ beru txarish shũ uĩbiai ẽ ma babuaii.

Mateus 10:20

matũmebi mã hãtxamakẽ matũ Epa Deusũ Yushĩ Pepatũ merabewakĩ matu hãtxamashanikikirã.

Mateus 20:22

hawẽ bake dabe uĩkĩ Jesusũ hatu yuikĩ: —Mã haska ea yukairã, mã unãriamaki. Hawara ẽ teneshanairã, mã iriatirumẽ?— hatu wa —Nũ iriatiruki— akabu

Lucas 22:44

hanu bika tenetxakayamai mesteã daka anua niskãhairai himi keska tuis tuis ikĩ mai metxa watã

João 14:16

Mã haska wakubainaya ẽ matu yukashuna Merabenã Bena betsa Deusũ matu anu yunushanikiki, hau matube hiwei ikibi ipashanunã.

Romanos 15:1

Ikũwaĩ betsabu huĩti babuaibu haska Deusũ nuku hatu merabewamakubaĩkatsi ikaikiri matu yuinũ nĩkakãwẽ. Cristo habũ ikũwaĩbu huĩti babuaibu hau kuxiparianũbũ nũ ma nuku dukũ haska hayai nũ huĩti kuxipamis haska xinãkĩ hatukiri petxiama hatuwẽ nuikĩ hatu hakimama hatu merabewakubainãkãwẽ, nukũ besti haska nũ xinaĩ keska nũ iyamanũbunã.

Romanos 7:24

Haskawẽ taeshũ ekiri matu xinãmanũ ea nĩkakãwẽ. Earã, ẽ pemahairaki. Ibubis ẽ hiweawẽ Deusũ yununi ẽ tapĩkĩ hawẽ hãtxa txibaĩ ẽ peai dabanẽ ẽ imisrã, haskamahairaki. Ẽ xinã babu txakabũ ea yunumiski. Ea ẽ pe hiweismarã, tsuã ẽ yurawẽ ha Deusũ yununi ẽ txibãbiaya txakabũ tsumatã ẽ hiwea ea benumakĩ ea tenaĩnã, tsuã ea merabewatirumabiakẽ nukũ Shanẽ Ibu Jesus Cristõ ea merabewakĩ ẽ txakabu ea buashuniwẽ taeshũ Deus besti hawẽ taeshũ ẽ kẽwãkubainaii.

Romanos 8:15

Maturã, ha yushĩ hatũ matu date pae inãmis ha yushĩ ana matu inãkĩ yabumama hakia Deusũ Yushĩ Pepatũ hawẽ bakebu matu wamamis matu inãniki. Ha Yushĩ Pepatũ nuku hãtxamakĩ: “Epaã, Ẽ Epa nuikipatuũ”, akĩ kenamakĩ nuku yuimamiski,

2 Coríntios 5:2

Haskakẽ na mai anu nukũ hiwea txakabuwẽ nũ nuitapayuaii. Hanua txipu nai anu nukũ hiwe pepa anu hiwei kakatsi iki nũ manayukubainaii.

2 Coríntios 5:4

Natiã nũ hiwearã, hawawẽ haskatima nũ bika teneyuaii. Mawatã nũ txapukatsi ikamabia nũ ma mawa kasmai nũ hiweyuarã, Jesusũ nai anu nuku ainitã hiwea bena inãkĩ nukũ yura bena nuku inãshanai nũ manaii.

Gálatas 4:6

Haska inũ, nũ ma Deusũ bakebukenã, Deusũ hawẽ bakẽ Yushĩ nukũ huĩti merã yunua Deus hatũ nuku kenamakĩ: “Ẽ Epa nuikipatuũ”, nuku amamiski.

Efésios 2:18

Natiã Cristowẽ taeshũ judeubu inũ judeubumãri habias Yushĩ Pepawẽ Deus beyawai nũ haki kematirubuki.

Efésios 6:18

Matubunã, Deusũ Yushĩ Pepatũ matu xinãmaya Deusbe hãtxakĩ hatu yukashũkĩ hatu ea ashũkĩ heneyamakubaĩkãwẽ. Haskai hawa punu nukama inũ babuama beru mestẽwãtã hiwekubaĩkĩ ha dikabi Jesus ikũwaĩbu dasibibu Deus yukashũriakubaĩkãwẽ.

Hebreus 4:15

Haska hiwea bika tenei nũ yumãkũkaĩmis keskai nukũ Deusbe nuku hãtxashunika binua na mai anua hiweria nuku itsai hamapai tibi mei bika teneriai yumãkũkainiki. Haskabiai hawa txakabu mekĩ kaneama iniki.

Hebreus 5:2

Hamẽ yura betsa imis keskai Deusbe judeubu hãtxashunika shanẽ ibu tibitũ ibubis mekei peama kanemisbuwẽ taea haska xinaĩ hatuwẽ nuiriatirubuki, unãriabuma inũ txakabuwakĩ kaneaibuwenã.

Santiago 4:3

Ha inũ, hawarakiri Deus mã yukamiski. Hanushũ mã yukakĩ mã ea abia hawa mã bismaki, mã hamakiri yukatxakaiwẽ taeshunã, haskarã, haska Deusũ xinaĩ keska akatsi ikama haska matũmebi hawẽ beparamei ibubis benimai mã hamẽ txakawakatsi ikĩ hakiri xinaĩnã.