Romanos 14:15 - Kaxinawá Bíblia (BR)

¹⁵ Haskakẽ Jesus mã txibaĩbu betsabunã, hawara ha piti pisbuma pikĩ mã hatu itxakawairã, ha piti ana meama hatuwẽ nuikĩ ana hawẽ keĩ kemuama henerikãwẽ. Mã haska wamakẽ ha ikũwaĩ betsabu Cristo hatu mawashũbianikẽ huĩti babubu txĩtuĩ piti pixta bestiwẽ benutirubuki.

Kashinawa : Diosun Jesúswen taexun yuba bena yiniki

¹⁵ Jaskaken Jesús man chibainbu betsabunan, jawada ja piti pisbuma pikin man jatu ichakawaidan, ja piti ana meama jatuwen nuikin ana jawen kein kemuama jenedikanwen. Man jaska wamaken ja ikunwain betsabu Cristo jatu mawaxunbianiken juinti babubu chintuin piti pishta bestiwen benutidubuki.

Romanos 14:15 Marejeleo ya Msalaba

Romanos 13:10

Haskakẽ tsuabura hatube hiweabuwẽ nuimisrã, haburã, hawa txakabuma hatuwẽ nuikĩ dasibi Deusũ yunuti inũ hawẽ nemati txibãkubaĩkanikiki, hawa kaneamarã.

Romanos 14:20

Haska wakĩ Deusũ daya mã benuama ishanaii, piti nũ pimis xinaĩ ha ikamarã. Txanima dasibi piti pepa bestibiakẽ hawara pitiwẽ Jesusunabu txĩtũmatiru harã, txakabuki.

Romanos 15:2

Ha inũ, nũ ikũwaĩ dasibibunã, nuku dapi hiwebaunabuwẽ nuikĩ hamapai tibiwẽ hatu merabewakĩ hatu ikũwãmariakubainãkãwẽ.

1 Coríntios 13:1

Haska hawẽ pepai hiwekũkaĩtirã, eska xinãtiki. Hamapai yura betsabũ hãtxa tibiwẽ ẽ hãtxatiru inũ, Deusũ nai tsumabũ hãtxawẽ ẽ hãtxatirubia ẽ hawa nuikipama hãtxairã, hawara mane kuxakĩ taĩ taĩ amisbu keska inũ mane dabe tsumashũ tsakama tsakama abaĩkĩ huiyawamisbu mimawati keskaki, hawauma hamẽ hãtxawã bestirã.

1 Coríntios 8:1

Ẽ betsabu inũ ẽ puibuũ, mã ea kene bemakĩ ha yuinaka deteshũ dami yushĩ nami inãtã pikĩ matu pimakatsis ikaibukiri mã ea yukaima matu yuinũ ea nĩkakãwẽ. Ha nami dami yushĩ kẽwãkĩ inãmisbu pirã, hawa txakabumaki. Txanima haskabiakẽ hakia ikũwaĩbu betsa babubu ha nami pikĩ mã hatu uĩma ana babutirubuki, pi mã keaĩwẽ taearã, haskakĩ tsua kuxipawakĩ mã hatu merabewatirumaki, mã nui hayamarã.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

2 Pedro 2:1

Israelbu ẽ shenipabu anu Deusũ hãtxa yuishunika matxupa naxui ika hayanibuki. Habiaskariai matu anuri yusĩnã matxupa matu naxui iria hayabuki. Habu hatũ hãtxa hawẽruabia hatũ xinã txakabuwẽ matu daũkĩ akawakanikiki, nukũ Shanẽ Ibũ ma nuku meketi pewabianikẽ hawẽ kuxipa danaĩ parananaĩburã. Haska matu yusĩkĩ husiaibu Deusũ hawaira hatu kupishanikiki.

1 João 2:2

Nuku besti ishuãma hakia mai hirabi anu hiwebaunabũ txakaburi buanũ ika Jesus Cristo mawakĩ hawẽ Epa nuku daewashuniki, txashuwã menukĩ inãkĩ daewapaunibu keskakinã.