Romanos 12:8 - Kaxinawá Bíblia (BR)

⁸ Haska inũ, tsuabura Deus anua xinã txãkãwẽ hatu txibãmatiru kuxipa bitã ikũwaĩbu betsabu merabewakĩ hau Jesus Cristo hatu txibãmakubainũbũwẽ. Haska inũ, tsuãra hawara bitã merabenãkatsis imisburã, yauxiama hau hatu inãkĩ uĩmakubainũbũwẽ. Haska inũ, tsuabura ikũwaĩbu betsabu merabewakĩ meketiru kuxipa wakĩ haya waburã, kaneama hau uĩrakubainũbũwẽ. Haska inũ, tsuabura yura betsa nuitapaibuwẽ nuimis kuxipa haya xinã txãkãwẽ hau hatu merabewariakubainũbũwẽ.

Kashinawa : Diosun Jesúswen taexun yuba bena yiniki

⁸ Jaska inun, tsuabuda Dios anua shinan chankanwen jatu chibanmatidu kushipa bitan ikunwainbu betsabu medabewakin jau Jesucristo jatu chibanmakubainunbunwen. Jaska inun, tsuanda jawada bitan medabenankatsis imisbudan, yaushiama jau jatu inankin uinmakubainunbunwen. Jaska inun, tsuabuda ikunwainbu betsabu medabewakin meketidu kushipa wakin jaya wabudan, kaneama jau uindakubainunbunwen. Jaska inun, tsuabuda yuda betsa nuitapaibuwen nuimis kushipa jaya shinan chankanwen jau jatu medabewadiakubainunbunwen.

Romanos 12:8 Marejeleo ya Msalaba

Gênesis 18:19

Ẽ Abraão katuawẽ taeshũ txipu hatũri hawenaburi ẽ yunua txibãkĩ hatu yunua pepakĩ kaneama txibaĩbu haska ẽ hãtxashu eãri Abraãowẽ taeshũ ẽ hatu merabewakĩ ashũpakeshanaii”, itã

Salmos 37:21

Huni txakabũ tsuara ea akĩ hawẽ hawara biãyutanã, hawa ana inãkĩ pakanũ, iwanã, shinaĩsmaki. Hakia huni pepatunã, nuikĩ hawẽ hamapai yaushiama ha haya hatu inãmiski.

Provérbios 22:9

Tsuãra nuitapaibu uĩkĩ hatuwẽ nuikĩ hawẽ piti hatu pashkashũkĩ hatu inãkubaĩmiswẽ taeshũ Deusũ haburi uĩkĩ hatu duawashanikiki.

Isaías 32:5

Ha shanẽ ibubu shanẽ ibuaibũ yurabu atimapai daya peisma hatu kẽwãbiamisbu ana hatukiri pe hãtxama ishãkanikiki. Hamẽ uĩbaĩ kemutapa tsaubiamiskẽ ana yurabũ duawakĩ: “Mĩ nukũ shanẽ ibu kushipaki”, akĩ ana yuiama ishãkanikiki.

Isaías 32:8

Hamẽ ha huni shinã pepa duapaburã, habu hãtxai yubakatã pe besti washãkanikiki. Haska yubakashina hawa betsa wama mestẽwãtã apakeshãkanikiki.

Isaías 64:5

Tsuara benimakĩ haska mĩ betxipaiai keska akaibu mĩ hawa hatu danãma nĩkatã merabewamiski. Mĩ haska betxipaiai keska hakimama mia ashunũbũ mĩ haska hatukiri shinãkubaĩmiski. Ha dukũ nũ mia txakabuwakĩ taewani bari itxapatiã ha txakabuwẽ taea ha shinaĩ mĩ nukuki sinatakũkainaii.

Mateus 25:40

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puiburã, hawaumabubiakẽ nuikĩ mã hatu merabewakubaĩmiski. Hatu haska wakĩ ikũ eari mã ea duawakubaĩmiski”, iwanã, hawẽ yusiuriabu yui keyutã

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Hechos 13:12

Haskai uĩtã inũ Jesuskiri yusĩaĩ pepa ma hatu nĩkatã: “Habaa!”, ikĩ Romano shanẽ ibu Sérgio Paulõ Shanẽ Ibu Jesus ikũwãnikiaki.

Hechos 13:15

hanushũ Moisés keneni inũ Deusũ hãtxa yuishunikabũ kenenibu una anua yusĩkĩ hatu yui menetã habũ yusĩmisbu shanẽ ibubũ Paulo inũ Barnabé yuikĩ: —Ẽ betsabuũ, mã hawa nuku yusĩtanũ ika huxiãmẽkaĩ? Nukunabube benimawakĩ ikis nuku yuirikãwẽ— hatu wa

Hechos 15:32

Jesusũ kuxipayakĩ Judas inũ Silasĩ Deusũ hãtxa pe hatu meshtamamiswẽ taeshũ ikũwaĩbu hatu merabewakĩ hatu benimawaya ikũwaĩbũ habũ hãtxa abuhairaibũ

Hechos 20:2

hanushũ hatu uĩkubaũkĩ ikũwaĩbu yusĩ hatube hãtxakĩ hatu benimawakĩ xinã txãkãwãkĩ keyutã, hanua huni betsa betsapa hatu iyui atimas Grécia mai pakea anu Corinto dapi hikitã

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Hechos 4:36

Haskanibu betsakiri mia yuinũ nĩkawe. Hanua Levĩ baba betsa natukã Chipre anua kaĩni hawẽ kena Josẽ hatubetã ikũwãyã Jesusũ kuxipayabũ kena betsa wakĩ Barnabé wanibukiaki, nukũ hãtxawẽ kenarã: “Xinã txãkãwanika bakeki”, akinã.

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

Romanos 13:6

Ha inũ, matũ governo shanẽ ibu Deusũ katuatũ matu mekekĩ Deus dayashunaibuwẽ taeshũ matũ shanẽ ibubũ hawẽ merabewati pei hawara matũ daya pei mã biai matu yukaibu shabakabi inãkĩ hatu pakakubaĩkãwẽ, yura dasibibũ pei itxawashũ hatũmebi hatũ hawara hamapai biti pei bishũ arutã pei teshewẽ hau yura dasibibu merabewakubainũbunã.

1 Coríntios 12:28

Haska tibi nũ hayanũbũ Deusũ haska abukĩ hawẽ daya tibi nuku yunukĩ ha dukũ Jesusũ kuxipayabu wakĩ ha katxu Deusũ hãtxa kakape yuishunikabu wakĩ ha katxu yusĩkĩ tapĩmanikabu wakĩ hanua ikũwaĩ betsabu habũ tsuã atiruma dami wanikabu inũ, habũ isĩ teneaibu shushawanikabu inũ, habũ merabewanikabu inũ, shanẽ ibu keska wakĩ yununikabu wakĩ hanushũ hãtxa betsa tapĩriamawẽ hãtxatirubu wakĩ haska tibi nuku yunuakeakeniki.

1 Coríntios 14:3

Ha inũ, tsuãra Deusũ kakape Deus hatu yuishũkĩ habũ ha hãtxa nĩkaiwẽ yuiaya nĩkairã, hawẽ hatu ha akĩ kuxipawai inũ, hawarawẽ dateai punu nukabu hatu benimawatiru inũ daewakĩ hatu duawatiru yuiai nĩkamisbuki.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.

2 Coríntios 8:12

Hanushũ tsuabũra txanima kayabi yura betsa merabewakatsis ikaibu Deusũ hatũ xinã nuima unãkĩ hatuwẽ Deus benimamiski. Hawara haya inũ hawara hayama xinãma hakia haska hawara pepa nũ haya nũ inãtirubu Deusũ nukukiri xinãmiski.

2 Coríntios 9:11

Haska inũ, Deusũ itxapa matu inãmiskẽ pashkashũ matũri yura betsabu mã inaĩbu nũ matu haska yusĩmiswẽ taeshũ yura itxapabũ Deus kẽwãshãkanikiki.

2 Coríntios 9:7

Haskakẽ yauxiama hatu merabewakĩ nukũ hawara benimayabi nũ hatu inãyã Deusũ abumiswẽ taeshũ tsuã matu yunuamabia bestibu haska mã yubaima keska hatu merabewai yauxibetanã inũ sinatabetanã inaĩ xinãma hawara mã pashkakatsi ikai hatu inãkuĩshãkãwẽ.

Efésios 6:5

Escravo dayarubuũ, maturi yununũ nĩkakãwẽ. Matubunã, matũ tsuma mai anuabuki datei dayai penũ, iwanã, hatu duawakĩ haska matu yunua nĩkatã txibãkubaĩkãwẽ. Haskakinã, Cristo duawakĩ mã akawaii.

Colosenses 3:22

Escravo dayarubuũ, maturi yununũ nĩkakãwẽ. Matubunã, matũ tsuma mai anuabu hatu duawakĩ matu uĩaĩbu inũ matu uĩabumakẽ haska bestiwakĩ hatu duawai xinãma hakia matũ huĩti pepawẽ hawara hatu ashũkinã, nukũ Shanẽ Ibũ kuxipaki mesekĩ hatu ashũkubaĩkãwẽ.

1 Tesalonicenses 2:3

Hanushũ matu yunukĩ yusĩkĩ nũ kaneama ikimaki. Ha inũ, txakabuwakĩ nũ matu hawa parãma iriaimaki.

1 Tesalonicenses 2:8

Haska wakĩ matu abukĩ Deusũ kakape yusĩ benimai matuwẽ nuihairai kashakatsis iki haska xinaĩ ẽ matu mawashũkeanimaki. Haskawẽ taea ana habias matukiri xinãkĩ matu merabewanũ, iwanã, hamapai betsa nũ matu ashũkatsis ikaii.

1 Timóteo 4:13

Nenua ẽ mia anu hikiriamakẽ nukũ betsabu inũ nukũ puibu Éfeso anushũ ikũwaĩbu itxabu Deusũ hãtxa hatu yuishũkĩ benimawakĩ hatũ huĩti kuxipa wakĩ hatu pe besti yusĩkĩ heneyamawe.

1 Timóteo 5:17

Mekenikabukiri ana mia yuinũ nĩkawe. Moisés Deusũ hãtxa kenekĩ: “Mĩ hemaĩtĩ anushũ mĩ ina awã hawẽ taewẽ mĩ shekiwã pema pema akĩ mia shemeshunaya dispiwẽ sheneshyamakãwẽ, hau dabukũ pinunã”, iwanã, yununiki. Haska yuikinã: “Dayakapabu hau hatu pakakubainũbũwẽ”, ani keska wakĩ mekenikabu tibi habũ matu yusĩaĩburã, haratura bestitũ Deusũ hãtxa matu yusĩ henekatsi ikama matu yusĩkĩ matu merabewakubainaibuwẽ taeshũ matũri ha matũ mekenika duawakĩ peiwẽ kasmai hawarawẽ merabewakĩ hawẽ hawara inãkubaĩkãwẽ.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

Hebreus 10:25

Ha inũ, Deusũ hãtxa tapĩ itxai heneyamakubainãkãwẽ, haskai betsabu babui txĩtũkanikikirã. Haskama betsabube merabenãkatsis ikĩ hatu uĩmakĩ hamakiri xinãbiabainaibũ hatu beya wakĩ xinã txãkãwãkĩ hatu benimawakubaĩkãwẽ. Hatu haska wakĩ ma Jesus ana hua kemai uĩkatsirã, xinã txãkãhairai hatube itxai heneyamakubaĩkãwẽ.

Hebreus 13:17

Ha inũ, matu yusĩkĩ mekekubainaibu hatũ yusĩa nĩkatã hatuki txiti ikĩ txibãkubaĩkãwẽ. Haska matu putama hawa huĩrukuãma mekekubaĩmisbu habiaskari Deusũ unãkĩ hatu manakumiski. Ha inũ, hatũ daya itimaska wama nĩkahairakĩ mã hatu benimawakubaĩtirubuki. Hakia nĩkama mã hatu itimaska wakĩ mã hawa tapĩkĩ pewai kaĩtirubumaki.

Hebreus 13:22

Ẽ betsabu inũ ẽ puibuũ, ẽ kene txaipamawẽ ẽ matu merabewakĩ benimawakatsis ikai hawa eki sinatama xinã pewatã uĩrakubaĩkãwẽ.

Hebreus 13:24

Ha inũ, matu yusĩkĩ matu mekekubaĩmisbu inũ Deusunabu matubetã ikũwãmisbu dasibiri ẽ hãtxa ẽ matu bumaii. Ha inũ, Italia mai pakea anushũ ikũwãmisbũ hatũ hãtxa matu bumariakanikiki.

Hebreus 13:7

Haska inũ, Deusũ hãtxa Cristokiri habũ matu yusĩkĩ matu pe mekekubaĩkĩ matu xinã betsa wamanibuki. Haskawẽ taeshũ habũ Deus ikũwãkĩ txibãkubainibu haska hatũ hiwea pepa akĩ henebainibu xinãkĩ matũri ikũwãriai habiaskariai hiweriakubaĩkãwẽ.