Romanos 11:7 - Kaxinawá Bíblia (BR)

⁷ Haskakẽ Israelbu pepatirubu mirimabũ tapĩpaibiabu kanei huĩti kuxikĩ unãbuma Deusũ hãtxa hawẽ hiwekaĩti biama inibuki. Haskabiaibũ hatiri Deusũ katuabũ habũ hatũ hiwea binibuki.

Kashinawa : Diosun Jesúswen taexun yuba bena yiniki

⁷ Jaskaken Israelbu pepatidubu midimabun tapinpaibiabu kanei juinti kushikin unanbuma Diosun jancha jawen jiwekainti biama inibuki. Jaskabiaibun jatidi Diosun katuabun jabun jatun jiwea binibuki.

Romanos 11:7 Marejeleo ya Msalaba

Provérbios 1:28

Ha shaba haskaitiã tsuãra ea kenabiaya ẽ hawa hatu kemama ishanaii. Habũ ea benabiai hawa eki nukuama ishãkanikiki”, iwanã, hatu ana yuikĩ:

Isaías 44:18

Ha huniburã, hawa unãma inũ hawa tapiãbumaki. Beruyabia uĩkĩ pewama beshush hairabuki. Hatũ shinã hatu bepuhaira hawa nĩka pewatirubumariki.

Isaías 6:10

Hatu nĩkamamakĩ habũ shinã hatu beputãwẽ. Hatũ pabĩki inũ hatũ beru bepukĩ hatu hunebaũtãwẽ. Mĩ hatu haska wa uĩbiai inũ nĩkabiakĩ hawa ekiri tapiãma ishãkanikiki, hau ea anu beaibu ẽ hawa hatu shusha wayamashanunã”, ikaya

Marcos 6:52

Jesusũ haska hatu misi pimai uĩbiabirãkãshu hawa hatũ xinã shabakabiriabuma haska tapĩriabuma inibukiaki.

Lucas 13:24

—Haa. Txanimaki. Ea txibãkatsis iki menã xinã mestẽwãtã hanu hikiti shui haxu anu hikikãwẽ, txipu itxapa hikikatsis ibiai hikitubuma ishãkanikiki. Haska ẽ matu yuiaii.

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Romanos 11:25

Ẽ betsabu inũ ẽ puibuũ, Deusũ kuxipawẽ unãnepai hawẽ mã kẽyamashanũbũ hawara Deusũ matu ashũkatsis ikai haska hawẽ yubaka hunea hãtxani mã unã keyushanũbũ matu yuinũ nĩkakãwẽ. Haskai Israelbu huĩti kuxikĩ itxapabũ Jesus ikũwãbumaki. Haskakẽ Israelbuma hatira Deusũ meketã hanushũ itxapabu Deusũ Israelbu habu ana mekeriashanikiki.

Romanos 11:5

Haskawẽ taea na habiatiãri Israelbu ana hatirama hatuwẽ nuikĩ Deusũ hawẽ duapawẽ hawenabu wakatsi ma nukuri katuniki, hau Jesus habũ nũ ikũwãshanũbunã.

Romanos 3:9

Haskakẽkaĩ nukubu judeubunã, Deus benimawakĩ habu judeubuma nũ binuamẽ? Nũ haskamahairaki. Txakabuwakĩ nũ judeubu inũ matu judeubumã nũ hamapai kemu paewẽ txakabukĩ nuku dasibibũ hatu uĩmatxakakĩ nũ kanemisbuki, txakabũ nuku tsumawẽ taerã.

Romanos 6:15

Haskai hariri hãtxamisbumẽ? eska yuirã: “Haskakenã, Deusũ nukũ shenipabu hawẽ hãtxa yusĩnitũ nuku ana tsumama hakia hawẽ bake nũ ikũwaĩwẽ taeshũ nuku duawakĩ nukũ txakabu buashanairã, nũ txakabuwairã, hawamaki. Hamapai txakabu betsa betsapa anãkãwẽ”, iki mã yuinamemisrã, haskatimahairaki. Matu yusĩnũ nĩkakãwẽ.

Romanos 9:18

kenenirã, yura betsabu Faraó ani keska wakĩ habu ha keskabuwẽ nuiama Deusũ hatu besu kuxi wakĩ huĩti nĩkaisma wakatsis ikĩ hatu haska wamiski. Hanua haraturawẽ Deus nuikatsis iki hatuwẽ nuimiski, abukinã.

Romanos 9:23

Habiatiãri bebũkiri Deusũ nuku duawakatsis ikĩ hawẽ kuxipa nuku uĩmanũ ishũ nuku tibi nuku katukĩ xinãmisrã, nũ ma hawenabu nuku unãmaikiki.

1 Coríntios 10:19

Hakia yushĩ dami betsa kẽwaĩnã, dami hawauma inũ hawẽ kẽwãti piti hawauma nũ unaiĩ, nukubunã. Hakia habũ xinãnẽ ha yushĩ dami kẽwaĩburã, unãma haska xinaĩburã, hayaki.

2 Coríntios 3:14

Haska Moisés hãtxa danãkubiranaibu hatũ huĩti Deusũ kuxiwani keska wakĩ natiã habias yubani hãtxa betsabũ danãriaibu hatũ huĩti Deusũ kuxiwariamiski. Moisés hãtxa keneni yuiaibu hatu nĩkamamakĩ bepukĩ hunemiski. Tsuabũra Cristo danãkĩ Moisés hãtxa nĩkatirubumaki. Tsuabũra na habiatiã Deus kẽwãnũ, iwanã, benakĩ Deus unãkatsis ikaibu hãtxa shabakabiwẽ Deusũ hatu nĩkamamiski. Haskakẽ Cristo ikũwanũ ikaibu Deusũ hatũ huĩti ana kuxiwama inũ Moisés hãtxa ana bepuama shabakabi tapĩkĩ nĩkatirubuki.

2 Coríntios 4:4

Tsuabũra habũ ikũwãbumarã, na mai anushũ hatũ shanẽ ibu Satanásã hatu parãkĩ hatũ xinã nemakĩ bekũ keska hatu wamiski. Haskawẽ taeshũ Cristo, Deus itsa hiwea mekenika kuxipa yurabu mawashũtã hatũ txakabu ana xinãma buakatsis ini nĩkabiakĩ kaka pepa shabakabi ikũwãtirubumaki.

Efésios 1:4

Deusũ Cristowẽ taeshũ nuku katunũbarikatsi mai damiwariama haska xinãniki. Haskakẽ hawẽ besuuri nũ txakabuma pe besti nia nuku uĩnũbarikatsi iniki. Nuku abui nukuwẽ nuikĩ

Efésios 4:18

Habu mexu merã nia keskashũ xinã txakakĩ pe xinãtirubuma unaĩsmapabuki, haburã, hawa benima pae Deus anua huaiwẽ benimama haska hawa tapiãma unaĩsmapa besti habu huĩti kuxiburã.

Filipenses 1:18

Haskaibuwẽ taearã, earã, ẽ hatuwẽ nui ẽ hatuki sinatamaki, xinã pepawẽ txaniaibu kasmai xinã pe mirĩwẽ Cristokiri kakape txaniaiburã. Haskabaũkĩ ea benimawakanikiki. Ẽ benima keyuriamarã,

Hebreus 12:17

Hamẽ Esaũ txipu hawẽ epa yuikĩ: “Mĩ bake iuwa besti earã, hau Deusũ ea duawashanũ Deus ea yukashũriawe”, atuxia hakia hawẽ bake mashku Jacõ hawẽ epa Isaque parã dama Deus yukashũkĩ menetã hawẽ epã haska washũ Esaú ana hawawẽ pewatima nemabia kashahairakĩ Esaũ ana yukabia hawẽ epã hawẽ yuba haska washũ ana maewashũtima inikiaki, haska matubũ mã unaĩnã. Mã txipu haskariatirubuki. Uĩrakubaĩkãwẽ.

1 Pedro 1:2

Epa Deusũ tsuabura katukatsis ikĩ bebũkiri haska xinaĩ keska mã ishanũbũ hawẽ Yushĩ Pepawẽ matu pewanishũ ma matu meribi waniki. Haskawẽ taeshũ mã txibãkubaĩshanũbũ hawẽ himiwẽ Epa Deus daewakĩ Jesus Cristõ matũ txakabu buaniki. Hawẽ taeshũ Epa Deusũ hawẽ pepa itxapa yauxiama matu inãkĩ hau matu unãnuma hiwemakubainũwẽ.