Romanos 10:12 - Kaxinawá Bíblia (BR)

¹² judeubu inũ judeubumarã, tsuabũra Messias ikũwaĩ nukũ txakabu hatũ nuku buashũkĩ betsa tibiwẽ nuku ashuĩsmaki. Habias Shanẽ Ibu Deusũ hatũ dasibi meke keyua inãnanã txakaisma kẽwãkĩ mã ea akubainaibu hawa yauxiama matu duawakĩ inãkubaĩmiski.

Kashinawa : Diosun Jesúswen taexun yuba bena yiniki

¹² judiobu inun judiobumadan, tsuabunda Mesías ikunwain nukun chakabu jatun nuku buaxunkin betsa tibiwen nuku axuinsmaki. Jabias Xanen Ibu Diosun jatun dasibi meke keyua inananan chakaisma kenwankin man ea akubainaibu jawa yaushiama matu duawakin inankubainmiski.

Romanos 10:12 Marejeleo ya Msalaba

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Hechos 9:14

Hatu haska wakubaini Deusbe nukunabu hãtxashunika shanẽ ibubũ kuxipaya bexiãbukiaki. Nũ habũ mĩ kenawẽ taeshũ Deus yukaibu dasibi nukuri nenua atxitã Jerusalém anu nuku iyushũ bitxinũ ika huxiãkiaki— aka

Romanos 14:9

Haskawẽ taea Cristo mawatã ana bestenirã, txanima dasibitũ shanẽ ibunũ ika iniki, natiã nũ hiweabuna inũ habu mawabunarã.

Romanos 15:12

haskakiriri Isaíasĩ yuikĩ: “Davĩ epa Jessẽ baba kaĩtã nawa shukua tibibu mekei hatũ shanẽ ibuaya hawẽ taea haburi Deusunabui haki txiti ikĩ manashãkanikiki”, iniki.

Romanos 2:4

Hakia Deus pepahaira mã danãbiaya matũ txakabu tanabiakubaĩkĩ hau ana ha xinãma Deusũ buanũ tsuabura hakiri kakĩ xinã betsa watã mã yukashanũbũ matu xinaĩ matuwẽ nuikĩ hatiãra mã hakiri yukashanai hĩ hĩ ikama Deusũ manakubainikiki.

1 Coríntios 1:2

Deusũ katua Corinto mae ewapanu mã hiweabu Jesus Cristo matu mawashũkĩ meribi wakĩ matu pepawaniwẽ taeshũ Deusũ haturi katua nukũ Shanẽ Ibu Jesus Cristo habũ txibãmisbu dasibibubetã mã ikũwaĩbu itxamisbu tibi anu ẽ matu kene bumai uĩbaũshãkãwẽ.

1 Coríntios 15:47

Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

2 Coríntios 8:9

Ha inũ, nukũ Shanẽ Ibu Jesus Cristo nai anua hawẽ Epa Deusbe hiwea habe shanẽ ibuhairabia dasibi hawenabia henebirã hawẽ pepawẽ matu pepawanũ ika matuwẽ taea nuitapai matuwẽ nui mawaniki, hawẽ taea mã nuitapama dasibi haska yubakani mã ibu washanunã. Haska matu washuniwẽ taeshũ mã hatu merabewatiruki.

Gálatas 3:28

Haskai mã yura bestitxai keskaki. Judeubu kasmai judeubuma inũ, tsumayabu kasmai tsumabuuma inũ, hunibu kasmai aĩbuaibu xinãma hakia mã Jesus Cristo ikũwaĩbu besti dasibi mã yura bestitxai keska mã haki dasia xinãkubaĩkãwẽ.

Efésios 1:7

Haskakẽ Jesus mawakĩ hawẽ himi habaniwẽ taeshũ Deus nuku daewashũkĩ nukũ txakabu ana xinãma buaniki, hawẽ xinã duapa nũ haya tsuã beshtetiruma hawẽ taeshũ nuku mekekinã.

Efésios 2:4

Hakia Deus nui heneisma nukuwẽ nuitxakayamakĩ nuku duahairawakĩ

Efésios 2:7

Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Efésios 3:6

Uatiã Deus yubakakĩ hunenirã, shabakabi matu yuinũ nĩkakãwẽ. Yurabu betsa betsapa tsuabũra Jesus Cristokiri kakape nĩkakĩ ikũwaĩbu Deusũ hiwekuĩa hatu inãkatsi ma hatu kenaikiki, habias yura inũ habias yubani Israelbube hawenabu ashanai keska wakinã.

Efésios 3:8

Hamẽ ẽ ikairã, Cristo txibaĩbu meranua ẽ beshmashaira hawamabiakẽ haskaraki watã Deusũ ea benimawakĩ duawakĩ hau hawẽ bake Cristokiri hawẽ pepa betsa betsapa hayawẽ nuku pehaira mekekubaĩtiru matu judeubumaki ẽ txanikũkaĩshanũ ea katutã nitxĩniki.

Filipenses 2:11

dasibibũ unãkĩ: ‘Jesus Cristorã, txanima dasibibũ Shanẽ Ibu Yavéki’, ikĩ Epa Deus kuxipa kẽwãshãkanikiki”.

Filipenses 4:19

Mã ea merabewakĩ ea hawa yupawaismakenã, ẽ Epa Deus pepahairatũ matu manakukĩ matũ hamapai tibi matu inãkubainikiki, hawẽ bake Jesus Cristowẽ taeshũ matu duahairawakinã.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 3:11

Mã ma haskarã, tsuabũra Cristo ikũwaĩbu hawenabukiri eska xinaĩ mã hãtxatirubumaki, Gregonawaburã, judeuburã, habũ judeubũ beya txibãkĩ habũ hina kubitxi meshtemisburã, habũ judeubũ beya txibaĩsbumarã, nawa shukuabu tibirã, pubẽburã, habũ habu dayashũmisburã, tsuã tsumamarã. Nũ haska betsa betsapabubia haska xinaĩ hatukiri hãtxayamakubainãkãwẽ. Cristorã, dasibikirã, dasibibũ shanẽ ibui keyuaki.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

Apocalipse 17:14

txashuwã bakebe detenameshãkanikiki. Hakia txashuwã bake Jesus Cristo dasibi shanẽ ibubu inũ dasibi yununikabu binukĩ keyumiswẽ taeshũ habu Deusũ katushũ hatu kenani txĩtuĩsbumabetã ha dez shanẽ ibubu maemashãkanikiki, nukũ Shanẽ Ibu Jesus Cristobetanã”, ea watã

Apocalipse 19:16

Ha inũ, hawẽ kena mestenepa Dasibi Shanẽ Ibubu Inũ Dasibi Yununikabu Binukĩ keyuaki, ika hawẽ tari txaipaki inũ hawẽ kixi kateki ha dabeki hawẽ kena neaki.