Isaías 35:6 - Kaxinawá Bíblia (BR)

⁶ Mestẽtiya tiri iki mapuabu txashu ishtxumisbu keskai bĩtu bĩtu itã titi ishãkanikiki. Huyubu hãtxa pesei sai sai ishãkanikiki. Hanu tsua hiweabuma anu mai tsusĩ anua hene tuebaini pashkukaini kushibaĩshanikiki.

Isaías 35:6 Marejeleo ya Msalaba

Salmos 46:4

Hene ewapa teshesha daberã, haburã, Deusũ mae hawẽ benimakanikiki. Deus dasibi binuatũ mae meribi txakabumahaira hawẽ benimaikiki.

Salmos 51:15

Senhor Deusuũ, ẽ hui ea bepẽwẽ. Mĩ ea haska waya kãtakĩ ẽ mia kẽwãkubaĩshanaii.

Isaías 32:2

Habu tibirã, eskabu ishãkanikiki. Niwe beaya hanu irutirubu keska inũ, ui niweya beaya hanu pashatirubu keska inũ, mai tsusĩ anu mibãkĩ bai tibi waimabu anu hanu hene habai keska inũ, hanu hawa hayama anu barĩ kuahairai anu mishkipãwã dakashũ mai utawamis keskabu ishãkanikiki.

Isaías 32:4

Hatũ akarã, shinãtãs akĩ kaneama hakia bebũkiri shinã pewatã akubaĩshãkanikiki. Habũ hamapai hatu yuikinã, shabakabihaira hatu unãmashãkanikiki.

Isaías 35:1

Hanu tsua hiweabuma anu mai tsusĩ benimashanikiki. Hua hawẽrua tueaya benimashanikiki.

Isaías 42:11

Mai tsusĩ hawama anu inũ ha maewã wanibu, hau benimanũbũwẽ. Quedar nawabu hatũ tari hiwewẽ hiweabu hau benimarianũbũwẽ. Mae tibi anu hiweaburã, shinã txãkaĩ hau kãtanũbũwẽ. Ha dikabi mati keyatapa betsa binu keyua mamaki mapeketã nia mĩ huiwẽ benimakĩ mimawakãwẽ.

Isaías 44:3

Mã haskawẽ taeshũ hanu tsua hiweabumanu mai hawa beneisma anu pashku wakĩ ẽ ũpash tuea habashanikiki. Matũ bababu pepawẽ duawakĩ hiwea bena inãkĩ ẽ hatu yunushanaii.

Joel 3:18

Ha shaba haskaitianã, ui ikaya mati anua hene hababirãmis keskai uva vinho inũ ina awa txutxu itxapa hamẽ ikai mã hayashanaii. Judá enabũ mai pakea anua pashku tibi ũpash mirimahaira hayariashanikiki. Ha inũ, ẽ kẽwãti Templo anua txatxa ũpash tuetã pashku Sitim napaku anu habapakeshanikiki, mai dasibi pepa metxa wakinã.

Malaquias 4:2

Hakia matubu ewẽ datekĩ mã ea duawakubaĩmisbu bari pesheai keska ẽ pepa matu txashashũshanikiki, ana hawa matu isĩ tenemama ẽ kupiti matu nemashunirã. Haskaiwẽ taea benimai matubu mã ishtxu ishtxu ikũkaĩshanaii, kene meranua ina awa bake kaĩkainai keskairã.

Números 20:11

haska hatu yuitã mestẽti sanãtã dabeki mishki ewapa kusha ũpash itxapa tuei shuru iki taeaya yurabu inũ hatũ inabubetã akaibũ

Mateus 11:5

Bekũ inũ beshushbũ uĩaĩbu inũ, haska mapuisbuma mapuaibu inũ, habu bitxiki dasibi txami betsaniki dakemisbu maĩ sakara iki keyuaibu inũ, patabũ nĩkakĩ keyuaibu inũ, mawa ana besteaĩbu inũ, habu nuitapaibũ hatũ pashati kakape nĩkatã benimaiburã, haska João yuitãkãwẽ.

Mateus 12:22

Habianushũri yushĩ txakabũ huni beshush wakĩ huyu wani Jesus anu iweabu hawẽ yushĩ txakabu nitxĩkĩ Jesusũ shushawa hanushũ uĩ pewai hãtxaya

Mateus 21:14

hanua ha Templo hemaĩtĩ anu bekũbu inũ kistseresnibu Jesus anu iweabu hatu kaya waya

Lucas 1:64

haskatanaibũs Zacarias hawaira ana hãtxakĩ Deus kẽwanikiaki.

Lucas 11:14

Ana betsatiã yushĩ txakabũ huni betsa huyu wayama Jesusũ nitxiã kaĩkainaya huni ana hãtxai taeaya yurã kaiãnẽ uĩ yuinamei: “Habaa! Narã, huni kuxipa pehairaki”, ikaibũ

Hechos 3:2

habianuri huni betsa txãtu kaĩnitũ hau hatu pei ea anũ, iwanã, shaba tibi Templo hemaĩtĩ mixki kene hikiti shui hawẽ kena Formosa, nukũ hãtxawẽ yuia Hawẽrua anu hawenabũ iyushũ tsaũtãtãmisbu

Hechos 8:7

yushĩ txakabũ yura betsa betsapabu hatu nuitapawamis Filipẽ hatu shushawakĩ kaĩma ha yushĩ txakabu bis iki tashnibainaibũ hatu kaya wakĩ yura betsaburi babunibu inũ biyushkinibu hatu kaya waya

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

Apocalipse 22:1

Hanushũ shanẽ ibu haki tsauti Deus inũ txashuwã bake haki tsauwabu anua hene hiwekuĩa haya kawana beshnã pehaira bishtu keska nai tsumã ea uĩmashuki.

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.