Habacuque 1:12 - Kaxinawá Bíblia (BR)

¹² nĩkatã eã Senhor Deus yuikĩ: “Senhor Deusuũ, ẽ Mekenika Deus meribi mawatiruma mĩ hiwei ikibi ika ẽ unaiĩ. Ẽ Mekenika Senhor Deusuũ, Israelĩ enabu txakabumisbu hau mia hatu kupishũshanũbũ Caldéia nawabu mĩ hatu kushipa waniki.

Habacuque 1:12 Marejeleo ya Msalaba

Gênesis 21:33

Hanushũ Berseba anu hawẽ ũpash kini dapi hi betsa Abraão banatã hanua Senhor Deus hiwea ikibi ikabe hãtxakĩ kẽwanikiaki.

2 Reis 19:25

Hakia mĩ haska hatu wamaimarã, ẽ Senhor Deus ma bebũkiri yubakanishũ ẽ mia amaima mĩ unãmamẽ? Nenumahaira mĩ shenipabutiã ẽ hatukiri yubakani natiã miã mĩ hatu akubainimaki. Maewã mishki kenebaunibu betsa betsapa txakabuwakĩ dasibi teke teke akĩ hanus mishki mãtxiã keska mĩ hatu yamawakubainimaki.

Isaías 31:1

Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.

Isaías 40:28

matubunã, mã unãmamẽ? Mã nĩkaismamẽ? Nukũ Senhor Deus ikibi ini mai hirabi bawakĩ dami wanirã, harã, punu nukatiruma inũ hĩ itirumaki. Haska dasibi shinãkĩ unã keyuai tsuã nĩkakĩ tana keyutirumaki.

Isaías 43:15

Earã, ẽ habia Israelĩ damiwanika meribi Senhor Deus ẽ matũ shanẽ ibuki.”

Isaías 49:7

Deusũ enabu shukua betsabũ habu hatu itxakahairawamisbu inũ, shukua betsabũ danãkĩ hatu betxipaisbuma inũ, huni pubẽ shanẽ ibubũ hatu atxitã hatũ tsuma escravo hatu wamisbu Senhor Deus mekenã mebikinanika Israelbũ Deus meribitũ hawenabu hatu yuikĩ: “Ea Israelbũ Senhor Deus meribitũ ẽ matu katuni hãtxai ẽ yubakamis ẽ matuwẽ meneshanaii. Ẽ matu haska washanaiwẽ taeshũ shanẽ ibubu inũ hatũ huni bakebu shanẽ ibubũri matu uĩ e itã matu bebũshũ kẽwaĩ dãti ishãkanikiki”, itã,

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Habacuque 3:2

“Senhor Deusuũ, dasibi mĩ akubaĩmiskiri nĩkakĩ uĩ mia betxipaibiai e iki miwẽ ẽ datekũkainaii. Nũ hiweyua nuku unãmakĩ mĩ kushipawẽ haska mĩ akubirani keska wakĩ mĩ kushipa ana nuku uĩmawe. Nũ Israelbuki mĩ nukuki sinatabiai mĩ nukuwẽ nuiai nuku uĩmawe”, iwanã,

Habacuque 3:6

Deus hui haskakirani niti ikaya dasibi mai patxa sakui saki saki ikaya ha mati matipa inũ mawa keyatapa ikibi ini purekeai nũ uĩsmabia purekei keyubiranaya haskai nawa betsa betsapabũ uĩ datehairai saki saki ikubaĩkanikiki. Hakia Deus haskakũkirani hawẽ hiwea ikibi ika hawa beshtekeamaki’, iki nũ mikiri kãtakũkainaii.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Malaquias 3:6

“Ea ẽ Senhor Deus maei ẽ hawa betsaismaki. Mã Jacó enabuwẽ taeshũ ẽ matu yamawakatsi ismaki.

Hechos 3:14

Hanushũ matũri Pilatos yukakĩ Jesus huni pepatũ hawa txakabuwaisma hau tashnimanũ Pilatos yunuama ha huni txakabu besti merabewakĩ mã yuka matu hawa washũama nitxĩshunimaki.

1 Timóteo 1:17

Hanua Deus nũ uĩtirumabia ha bestitũ nuku mekei shanẽ ibuhairakũkaini niti ikama hiwemistũ dasibi damiwani heneama hau dasibibũ kẽwãkubainũbũwẽ. Haskakirã.

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

Hebreus 13:8

Ha inũ, Jesus Cristorã, hawa maei betsaisma habiaskaski, uatiã inũ, natiã ikai inũ, ipakeshanairã.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

1 Samuel 2:2

Senhor Deusuũ, tsua meribi mia keska hayamaki. Nukũ mekenika Deusuũ, mĩ nuku mekemis keska tsua hayamaki. Tsuã mia binua ana betsa hayamahairaki.