Filipenses 2:20 - Kaxinawá Bíblia (BR)

²⁰ Haska matukiri ẽ matu xinaĩ keska inũ ẽ matuwẽ nuimis keska tsuã matukiri pe xinãma txanima tsua betsa hayamaki.

Kashinawa : Diosun Jesúswen taexun yuba bena yiniki

²⁰ Jaska matukidi en matu shinain keska inun en matuwen nuimis keska tsuan matukidi pe shinanma chanima tsua betsa jayamaki.

Filipenses 2:20 Marejeleo ya Msalaba

João 10:13

Hanua dayaru txashuwãwẽ nuiama pei besti binũ ika mese huaya pashamisbuki.

João 12:6

ha nuitapaibuwẽ nuiamari hakia hatũ nukũ pei nukũ kapãkãki nũ mekemabia eskarabe bi yumetsubiakũkaini

Romanos 15:5

Haskakẽ Deus matuwẽ nuikĩ matu merabewaya haska matu hiwemakatsis ikai hawẽ nui pepa hau matu uĩmakubainũwẽ, haska Jesus Cristo hiweni keska matu txibãmakinã.

1 Coríntios 16:10

Nukũ betsa Timóteo matu anu hatiara kaya nukũ Shanẽ Ibũ daya ẽ ashũmis keskari akaiwẽ taeshũ hikiai ishũ duawashãkãwẽ.

Filipenses 2:2

Haska dasibi binunãnãma habiaskas pashkama mã hiwearã, habias nui mã haya inũ, habias Yushĩ mã haya inũ, habias xinã mã haya ea nĩkamakĩ ea benimawakubaĩkãwẽ.

Filipenses 2:22

Timóteo ẽ bake keskai ebe hiwea dayakũkaĩkĩ kakape Jesuskiri ebetã yusĩkĩ ea merabewakubaĩmis hawẽ hiwea mã unaiĩ.

Colosenses 4:11

Jesus hawẽ kena betsa Justõ hawẽ hãtxa habiaskari matu bumaikiki. Habu besti Israelĩ babã Deus dayashũkĩ ea merabewakĩ duawakĩ ea xinã txãkãwãkanikiki.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

1 Timóteo 4:6

Na haska hãtxa kayabi ẽ mia yuiairã, nukũ betsabu inũ nukũ puibũ ikũwaĩbu habiaskari hatu yusĩkubaĩwẽ. Haskakĩ hawẽ ikũwãti hãtxa mĩ haya inũ yusĩa pepa mĩ txibaĩ ana hawẽ huĩti kuxipakũkaini Jesus Cristõ tsuma pepa mĩ ikũkaĩshanaii.

2 Timóteo 1:5

Ha dukũ mĩ txitxi Lóide inũ mĩ ewa Eunicẽ Jesus Cristo ikũwãni txĩtuĩsbuma keska habias xinã miãri mĩ ikũhairawakĩ mĩ xinã mĩ betsa watiruma ẽ unaiĩ.

2 Timóteo 3:10

Mianã, ha parananaĩbu mĩ hatu txibãmaki. Hamẽ haska yusĩ ẽ hiwemis keska mĩ txibãmiski, eska tibi ea txibaĩnã. Haska ẽ xinãmis inũ, haska ẽ ikũwãmis inũ, haska hawaira hĩ hĩ ikama ẽ tenemis inũ, ẽ nui abunamemis inũ, hamapai ekiri kaĩbiranai tenei ẽ kuxipamis inũ,

1 Samuel 18:1

Saulbe Davi hãtxai meneaya hanua hawẽ bake Jônatas habe haibunamenikiaki, Davi betxipaihairai ibubis betxipaiai keska wakinã.

1 Samuel 18:3

Hanua Jônatas inũ Davi betxipainamerabei putanametimai haibunaĩ yubakarabenibukiaki, Jônatasã hawẽ yura betxipaiai keska wakĩ Davikiri shinãkinã.