Ezequiel 18:26 - Kaxinawá Bíblia (BR)

²⁶ Huni pepatũ hawẽ pepa henetã txakabukũkainairã, ibubis hawẽ shinã txakabuwẽ taea mawashanikiki, ẽ kupiarã.

Ezequiel 18:26 Marejeleo ya Msalaba

Provérbios 2:13

Deusũ mia mekeaya tsuara hawẽ hiwea bai pepa henebaini kaima bai atimapa yushtu keska txibãkĩ daketapai txakabu mei beyuskĩ yura betsa isĩ tenemai hunibu txakabu nawai besi atimapaibu keska mĩ hawa hatu txibãma ikũkaĩshanaii.

Ezequiel 18:18

Ha inũ, betsarã, hatũ epã hawenabu itxakawakĩ hatu yumetsukĩ kanekĩ txakabu betsa betsapa wakubainaya hawẽ txakabuwẽ taeshũ kupikĩ hau tenãshanũbũwẽ.

Ezequiel 18:24

Hakia tsuara pepai hiwebiakũkaĩmistũ hawẽ pepa hene keyutã txakabu dasibi inũ hawara ẽ betxipaiama ẽ danãmis akubainaiburã, ẽ hatu kupiama hiweyukũkainai dabanẽ mã shinaĩ? Haskamaki. Haskai pepa hiwekũkainima ẽ ana shinãma ea ikũwaĩ henei txĩtũtã ibubis hawẽ txakabuwẽ taea hau mawanũ ẽ kupishanaii.

Ezequiel 18:25

Ea ẽ pepa bestiwẽ ẽ matu mekebia matũ shinã txakakĩ mã ea txitemisrã, matu yuinũ nĩkakãwẽ. Matũ yuikĩ: ‘Senhor Deusũ nuku pewakubainamaki’, mã ikaii. Hakia mã Israelĩ enaburã, ẽ eamaki, txakaburã. Hakia ea binumakĩ ea nĩkama mã txakabuwamisbuki.

Ezequiel 18:27

Hakia huni txakabũ hawẽ txakabu henetã ana parananãma inũ txanitxakama ikũkaini hawẽ hiwea pashashanikiki, ẽ kupiamarã.

Ezequiel 3:20

Haska inũ, betsa ẽ shinainã, tsuãra ea nĩkai pepabiakũkaini hatũ pepa henetã ana txakabuwakubainaibũ mesekiri ẽ hatu yunua bui huti ikaĩ di ikabu keska nemakĩ mĩ hawa hatu hãtxa wama hatũ txakabu heneabumawẽ taea mawashãkanikiki, ẽ hatu kupiarã. Hatũ pepa akubainimabukiri ẽ ana shinãma hatũ txakabuwẽ taea mawaibũ hakia miã kanekĩ mĩ hatu nemama ishiãwẽ taeshũ ẽ mia kupishanaii.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

1 João 5:17

Hawara txakabu tibi danãkĩ Deusũ abuismaki. Abuismabia betsa betsapa hatũ hiwekuĩa benumakatsis ikama hatu buashũmiski.