Ezequiel 18:17 - Kaxinawá Bíblia (BR)

¹⁷ hawa tsua itxakawakĩ txakabuwaisma inũ, pei inãyutã ana hawena bikĩ shekakĩ yukaismarã, ha hunĩ haska wakinã, ẽ yunuti hãtxa inũ ẽ nemati hãtxa shinãkubaĩkĩ ẽ yusĩti hãtxa txibaĩ hatũ ibubũ txakabuwẽ taea hawa mawama ishãkanikiki, ẽ hatu hiwemakubainarã.

Ezequiel 18:17 Marejeleo ya Msalaba

Jó 29:16

Hawa hayama yumaĩbu ẽ hatũ epa keska ikũkainimaki. Hanua nawa betsabu txaikea beaibu hatu mekei ẽ hatũ merabenã ikũkainimaki.

Provérbios 14:31

Tsuãra nuitapaibu bika tenemakĩ itxakawakinã, hatũ damiwani Deus danaĩ haki sinatamamisbuki. Hakia tsuara nuitapaibuwẽ nuikĩ hatũ damiwani Deus duawakĩ benimawakubaĩmisbuki.

Ezequiel 18:13

pei inãyutã ana hawena wakĩ binumakĩ itxapa watã yukamisburã, haskaburã, hiwetirubumaki. Hawara dasibi ẽ betxipaiama akubainaiwẽ taeshũ shanẽ ibubũ hau kupikĩ tenãshanũbũwẽ, tsuã hawa hatu nemamarã. Ibubis ha huni hatũ shinã txakabuwẽ taea mawashãkanikiki, ẽ hatu kupimarã.

Ezequiel 18:18

Ha inũ, betsarã, hatũ epã hawenabu itxakawakĩ hatu yumetsukĩ kanekĩ txakabu betsa betsapa wakubainaya hawẽ txakabuwẽ taeshũ kupikĩ hau tenãshanũbũwẽ.

Ezequiel 18:28

Hamẽ betsarã, tsuãra hawẽ txakabu betsa betsapa unãtã henekĩ shinã betsa watã txanima hiweyushanikiki, ẽ kupiamarã.

Ezequiel 3:21

Hakia hau txakabuwayamanũ nemakĩ bebũkiri mĩ shabakabi yuia mia nĩkatã ana hawa txakabuwamawẽ taea hiweyushanikiki, ẽ ana kupiamarã. Bebũkiri mĩ hatu yuishinawẽ taea hamẽ miarã, ibubis mekei mĩ hiweyukũkaĩshanaii”, itã,

Daniel 4:27

Haskawẽ taeshũ shanẽ ibuũ, ẽ hãtxa mĩ ea txibãtirumẽkaĩ, ea nĩkawe. Ana nĩkaismama pepas akubaĩwẽ. Mĩ txakabu henekubaini nuitapaibuwẽ nuikũkaĩshãwẽ. Haska wakubaini unanuma hiwei mĩ mabuyapakeshanimẽkaĩ, mia kupiamarã”, anikiaki.

Malaquias 3:7

Haska matũ shenipabũ ẽ hãtxa henenibu keska wakĩ matũri ẽ yunuti hãtxa inũ ẽ nemati hãtxa henekĩ mã hawa txibãkatsi isbumaki. Ea ẽ Senhor Deus kushipahaira dasibi binuatũ ẽ matu yuiaii. Ea shinaĩ ea anu ana txĩtũbirãkãwẽ. Mã haskaibũ eari matu anu ẽ txĩtũriashanaii, matu ana mekekubainirã. Hakia matũ ea yukakĩ ‘Hawa wai mia anu nũ ana txĩtuaĩ?’ mã ikaya

Lucas 19:8

hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ: —Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya

Romanos 2:7

Deusũ hau nuku kẽwãshanũ hiwekuĩkatsi nũ hatiritũ hawẽ hãtxa txibãkĩ heneama pepawakubainaibu pepawẽ manakukĩ mekekĩ nai anu Jesusbe Deusũ nuku hiwekuĩmashanikiki, ikibi imakinã, nũ habu haska hiwekatsi benamisburã.