2 Reis 23:2 - Kaxinawá Bíblia (BR)

² Judá enabu hunibu dasibi inũ, Jerusalém anu hiweabu inũ, hawenabu Deusbe hãtxashunikabu inũ, Deusũ hãtxa yuishunikabu inũ, mae hirabi bake mishtĩbu inũ, yura ewabu betsa shanẽ ibubu inũ, betsa nuitapaibu dasibi Senhor Deus kẽwãti hiwe hemaĩtĩ anu shanẽ ibuhaira Josiasbe bua mapuabu Senhor Deus hatũ shenipabube yubakani hãtxa una merã kenenibu Senhor Deus kẽwãti hiwe anua betxishinabu bua Josias tsaushũ ha una meranu hãtxa dasibi hui kushipawẽ hatu yuishũkĩ keyutã

2 Reis 23:2 Marejeleo ya Msalaba

Gênesis 19:11

hanu dasibi shanẽ ibubu inũ shanẽ ibuma huni ewabu inũ berunãbu haskaibu hatũ kushipawẽ itxakawakĩ hatu betxeshkĩ bekũwã beputi benai hikinũ ika haska hikitima Sodoma nawabu hĩ iki punu nukatã inũ buabũ

2 Reis 22:8

hanushũ hawenabu Deusbe hãtxashunika shanẽ ibu Hilquiasĩ Safã yuikĩ: —Senhor Deus kẽwãti hiwe anu hawẽ yunuti inũ hawẽ nemati hãtxa Senhor Deusũ Moisés yuia una merã keneni ẽ betxishinaki. Butãwẽ— akĩ inã Safãnẽ mebĩbaini kashũ ha una uĩ keyutã

Ester 1:5

hatu keyumatã txipu hawẽ hiwe betsa betsapa hawẽrua hemaĩtĩ anu mibã huaya hawẽrua anu ana besi betsa wakĩ hawẽ mae Susã anu hiweabu dasibi yununika shanẽ ibubu inũ shanẽ ibuma hatu txanima bei itxabu 7 shaba hatu pimakatsi pewanikiaki, eska wakinã.

Jó 3:19

Habianuri mabuyanibu inũ nuitapanibu ana haskama dasibi habiaska dabes ishãkanikiki, mawairã. Ha inũ, huni betsã hatu tsuma wakĩ escravo wanibu henebaini ana hatũ tsumama ishãkanikiki.

Salmos 115:13

Tsuabura shanẽ ibu inũ shanẽ ibuma Deuskiri pe hãtxamisbu Deusũ habu duawakĩ pepawakubainikiki.

Hechos 26:22

Haskakẽ Deusũ ea merabewaya hawa xinã betsa wama shanẽ ibubu inũ shanẽ ibuma hatuki txani Moisés inũ Deusũ hãtxa yuishunika betsabũ haska bebũkiri kenenibu ishanai

Apocalipse 20:12

hanua dasibi shanẽ ibubu inũ shanẽ ibubuma mawanibu ana bestẽtã Shanẽ Ibũ besuuri mapuabũ hawara betsa betsapa akubainibu Deusũ haki kenemis una itxapa bepẽtã hanua una betsa tsuabũra Deus txibãkĩ Jesus ikũwaĩ niti ikama Deusbe hiwekuĩshanaibu habũ kena Deusũ haki keneriakubaĩmis una betsa hawẽ hiwemati kene bepẽriashũ ha habu hiweshũ haska wamisbu hatukiri ha unaki kenekubaĩmisshũ dasibi mawanibu ana bestẽa mapuabu habis hatu yuikĩ hatu unãti wakeakeaya

1 Samuel 5:9

Gate mae anu mistushinabũ hanushũ Senhor Deusũ habu dasibiri hawẽ hatu datekĩ kupikĩ bake mishtĩyãbis su imakĩ isĩhaira tenemakĩ hatu nuitapawaya