1 Reis 5:10 - Kaxinawá Bíblia (BR)

¹⁰ hawẽ hãtxa Salomãonẽ betxipaikĩ hati hi Salomão hayakatsi ikĩ Hirão yukaima inãkubainaya

1 Reis 5:10 Marejeleo ya Msalaba

2 Samuel 5:11

haskai nĩkatã hawẽ datekĩ maewã betsa Tiro anua shanẽ ibuhaira betsa hawẽ kena Hirão hawẽ shanẽ ibu beshmasbu habu nãtabua hãtxashũmisbu Davi anu hatu yunua, hi dayamisbu inũ mishki pewamisbu shanẽ ibu beshmasbũ hatũ tsumabu hi sẽke hatu bumashũ Davi hiwe hatu wamashũkĩ mishki tapa ha dukũ sapa wakĩ pewamatã hanushũ kusha tuash itxapa washĩshũ hawẽ hiwe ewapa hawẽrua Davi ashũkĩ keyutã inũ buaibũ

1 Reis 5:1

Hawẽ epa Davĩ shãtukũ Israelĩ enabu hau hatũ shanẽ ibuhaira ikũkaĩshanũ Salomão ma katuimabu Tiro shanẽ ibuhaira Hirão tapĩtã hawẽ epa Davi haibuwai betxipaikubainiwẽ taeshũ Salomão haibuwakatsis ikĩ Salomãobe hau hãtxashũtanũbũ, iwanã, Hirão hawẽ hãtxashunikabu hatu yunua

1 Reis 5:11

Hirão hiwe ewapa hawẽrua anu hiweabũ hau ha pikubainũbũ ano tibi 20.000 kuki shekiwã trigo inũ 20 tambu oliva sheni pepa Salomãonẽ Hirão inãkubainaya

1 Reis 5:9

Líbano mati matipa anushũ hi bestibu tibi deratã hawẽ mebi meshtekĩ keyukubainaibu shukua betsabũ hawẽ hi hirabi txaipa sharabaĩkĩ matxi butemabaĩkĩ ianẽwã kesha mãtxĩtã hanua ana txĩtũkaĩ hi itxapa sharabirãbirãkĩ ianẽwã kesha hanus mãtxĩbirãbirãkĩ hawa heneama ushe itxapa habias dayakubainaibũ, shukua betsabũ keku tibi watã ianẽwã pasu bukĩ sulkiri bukubaĩkĩ hanu mĩ ea yunushanai anu keti atã hi keku pekatã hene anua neshebaĩbaĩkĩ maspu wakubaĩkĩ heneama ushe itxapa habias dayakubainaibũ hanua mĩ dayarubũ Jerusalém anu bukubaĩshãkanikiki. Hati mĩ betxipaiai mĩ ea yunuaiti nũ heneshanaii. Hamẽ minarã, haska ẽ hiwe ewapa hawẽrua anu ebe dayaibu inũ enabu ẽ hiwe anu ebe hiweabu hau pikubaĩshanũbũ hawara piti mĩ haya ẽ mia yukai ea inãkubaĩshãwẽ”, aka hawẽ hãtxa keneshũkĩ keyua Salomão anu hau butanũbũ shanẽ ibu Hirão hatu yunua bushũ Salomão inãbu

Juízes 6:3

hanu hatũ yunu banaibu tibitiã Israelĩ enabũ bai washũ yunu banaimabu ma hushĩ kaniaya Midiã nawabu inũ Amaleque nawabu inũ nawa betsa bari huaikiria beshũ yumetsukĩ hatu detenũ ika bebirã bebirãpaunibukiaki.