1 Reis 12:25 - Kaxinawá Bíblia (BR)

²⁵ Efraimnẽ enabu mai pakea mati matipa anu hawẽ maewã Siquém anu hiweshũ Jeroboão shanẽ ibuhairai taekĩ hawẽ mishki kenebaunibu ana hatu bena wamakĩ maewã hirabi hau pewanũbũ hatu yunushũ hatu uĩkubaina hawẽ yunua txibãkĩ akĩ keyuabũ hanua Hene Jordão kesha betsauri Peniel anu ha maeri hau pewanũbũ Jeroboãonẽ hatu yunua pewakĩ keyurianibukiaki.

1 Reis 12:25 Marejeleo ya Msalaba

Gênesis 12:6

atimas mai pakea betsa Canaã anu hikitã sulkiri bui Siquém maewã anu hikitã Moré hi shukua mapua dapishũ hanushũ yushibu kẽwãmisbu dapi hiwetushiyunibukiaki, hanu Canaã nawaburi habias maewã anu hiweriabu anurã.

Gênesis 32:32

hanua Jacó Deusũ kishtush aniwẽ taeshũ natiã Israelĩ enabũ yuinaka betsa betsapa hawẽ kishi punu txitxia pisbumakiaki.

1 Reis 12:1

Shanẽ ibuhairanũ ika Siquém anu Roboão kakẽ Israelĩ enabu dasibi hari bushũ hatũ shanẽ ibu wakĩ katunibukiaki.

1 Reis 12:26

Hanushũ Jeroboão datekĩ shinãkĩ: “Senhor Deus kẽwãti hiwe Jerusalém anu bushũ Senhor Deus kẽwãkĩ txashuwã tesẽshũ hawẽ sheni inãkĩ kua keyukĩ hawẽ nami bawashũ Senhor Deus bebũshũ pi ano tibi Jerusalém anu butã butãkĩ ana Judá enabu shanẽ ibuhaira Roboão betxipaimakĩ taewatirubuki. Haska wakĩ ea hatu tenãmatã hanushũ Roboão ana txĩtuĩ hatũ shanẽ ibuhaira itiruki”, ikĩ