1 Tesalonicenses 4:17 - Kashinawa : Diosun Jesúswen taexun yuba bena yiniki

¹⁷ nuku nun jiweabudi jatube Diosun nuku ainiaya nai kuin medan Jesúski nukutan nun jabe jiwepakexanaii, ikibi ikidan.

Kaxinawá Bíblia (BR)

¹⁷ nuku nũ hiweaburi hatube Deusũ nuku ainiaya nai kuĩ merã Jesuski nukutã nũ habe hiwepakeshanaii, ikibi ikirã.

1 Tesalonicenses 4:17 Marejeleo ya Msalaba

Mateus 26:64

Jesúsun yuikin: —Jabiadi min yuiaii. Jamen ean en mia yuiaidan, en Epa Dios kushipajaidatun yusiudi en tsaua matun Juchi Kayabi Iyua nai kuinwen en juai man ea uinxanaii— akaya

Marcos 14:62

—Jaa. Jaska min ekidi yuiaidan, en jaki. Epa Dios kushipajaidatun jawen yusiudi en tsaua matun Juchi Kayabi Iyua nai kuinwen en juai man ea uinxanaii— ikaya

João 12:26

Tsuabunda ea duawakatsi ikinan, jau ea chibankubainunbunwen. Januxun ea chibankin ea duawaibudan, ebe jiwediaxankanikiki. Jaskawen taexun tsuabuda en Epa Diosun jatu duawaya janu en jiwexanai anu ebe idiaxankanikiki, jabun ea duawamisbudan— iwanan,

João 14:3

Janu matudi ka en jiweai anu man idiatiduwen taea kaxun bebunkidi en matu pewaxuin kaxanaii. Ana juxun en matu iyuxanaii, janu nun jiwenunbunan— itan

João 17:24

Epaan, mai damiwakin taewadiama min ea bechipaikin ea chaxakapa jawenduawakin taewani min jabiaskadi ea wai jau ebe jiwekin uinxanunbun jabu min ea yununi ebe jatu jiwemaxanwen— iwanan,

Hechos 1:9

ninkakin uiainbun Jesús jaskabiama nai anu Diosun ainikin duntanbainai nai kuin bekin bepukin juneaya ana uianbumaken

Hechos 8:39

jene anua nexekedabebidanaibun januxun Diosun Yushin Pepatun Felipe dami wabainkin yamawabainaya ja xanen ibun Felipe ana uianma jawen tadanbaintiki inatan ja kaikidi kai benimajaidakainaya

1 Coríntios 15:52

Badi jawen jenei keyuaitian jawaida nun betsupe imis keskai Jesucristo juaya Diosun nai tsuman trompeta chaan akaya mawabu Diosun bestenwanyan yuda kayabi chapumistun jawada chapuisma bikin yuda bena ana mawatiduma biaya nuku nun jiweyuabu nuku dasibi dami wakin betsa wadiaxanikiki.

2 Coríntios 5:8

Na nukun yuda nun jenebainxanaii, nukun Xanen Ibube jiwei kakinan. Jawa dateama punu nukama nun jiweyukunkainaii.

Filipenses 1:23

Ean ibubis jaska dabe en katuadan, bikajaidaki. En shinanan, mawatan en Cristobe ma jiwei kai pejaidaki, enadan.

1 Tesalonicenses 3:13

Jaskawen taea nukun Xanen Ibu Jesúsun matu shinan mestenwankin matun jamapai chakabu bextenixun man jawenabu jawa chakabu matukidi metutidubuma man jiweken jatianda nukun Xanen Ibu jawen tsumabube ana juaitian nukun Epa Dios bebun man nia jau matu uinxanun jaska matukidi en shinaiin. Jaskakidan.

1 Tesalonicenses 4:15

Na eska matu yuikin jaska nukun Xanen Ibun nuku yusini matu yusinun ninkakanwen. Jesús ana juaya jaki nukui nun ikunwain jiweabu nuku dukun nun bebuama ixanaii.

1 Tesalonicenses 4:18

Jaskawen taea na yusian jancha ninkai ana jawa dateama shinan chankain jatube benimanamedikubainkanwen.

2 Pedro 3:13

Nukubunan, eska uinkatsi nun manakanaii. Nai inun mai bena Diosun ma nuku bebunkidi yubanidan, ja jaska taxnidan, kaneisbuma inun pepabuna besti ixanikiki.

Apocalipse 1:7

Uian. Nai anua nukun Xanen Ibu nai kuinwen juai dasibibun uinxankanikiki. Ja dikabi jabun jatu tenanmanibu inun jabun dananmisbu mai jidabi anu manibaunabun uin datei kaxaxankanikiki. Jaskaxankanikiki, chanimadan.

Apocalipse 11:12

janua nai anua jui kushipawen Diosun jancha yuixunika dabe Diosun jatu kenakin: “Nedi inadi bekanwen”, jatu wa ninkatan nai kuinwen inaibu ja jaki sinatashinabun uiainbun

Apocalipse 12:5

ja ainbu anua juni bake kaintan ewatan nawa betsa betsapa dasibi binukin jabun Dios ninkabuma jawa kaneama kupi jau xanen ibuxanun ja bakeishta kaian xeanantun xeanpanan iyukin jawen xanen ibun tsauti anu Diosun paxawakin ainiken