Tito 1:14 - Bayun Tipan sa Aytan Mag-Indi

¹⁴ buy agana layna lêng-ên na mani ayin pukat ta kwentun mani Judio o ya mani kautusan ya kay diyagdiyag mani tawuy asê kalabay sa kapêtêgan.

Tito 1:14 Marejeleo ya Msalaba

Mateo 15:9

Ayin kapukatan na pangulimên la kangku, gawan na pan-ituru la, kay utus tawu.’ ”

Marcos 7:7

Ayin kapukatan na pangulimên la kangku, gawan na pan-ituru la, kay utus tawu.’ ”

Galacia 4:9

Nuwa amêsên, gawan kilala yina si Bapan Namalyari o mas mangêd sabin na pangkilalanên kawnan Bapan Namalyari bilang anak na, uysiyan mag-udung kaw yapun sa namana yuy paniwalay ayin pukat buy asê makasawup kamuyu ta? Uysiyan kalabay kaw yan manguman magpaipus sa mani abiin ta?

Colosas 2:22

Ta ya kapêtêgan, abiin na bagay ya pan-ibawal la, kay tungkul sa mani bagay ya maubus nu maêkan o mainêm. Kabay agana yu sunulun na abiin na utus buy aral, ta kay diyag tawu.

2 Timoteo 4:4

A layna labay lêng-ên na kapêtêgan nun a ya labay lan lêng-ên, abituy kay diyagdiyag tawu.

Tito 3:11

Tanda minay makasalanan na tawun abiin buy nagpakadayuy na sa kapêtêgan. Ya nangadadawak ka dinyag na sabay ya magpapêtêg ga sêpat yan parusan.

Hebreo 12:25

Kabay mangillag kaw buy agana yu pagpatawanan si Bapan Namalyari ya magsabi kantamu. Agana kitamu makitbus sa mani tawu sabitun nuna ya asê nallêngê kan Moises sabitun impatanda nay mani utus Bapan Namalyari baydu sa bung-uy. Taganan a sila niligtas sa parusa. Kabay luyang kitamun asê miligtas sa parusa nu a tamu lêng-ên si Bapan Namalyari ya mismun magsabi ubat sa langit.

2 Pedro 2:22

Kabay napaptêgan kallay panabin na, “Ya ugalin asu, pamakayari nan nansuka, udungun nan kanên na suka na.” “Ya babuy ya pinaluynan nana, mag-udung ya sa labak amên manguman maglabak.”