Roma 2:2 - Bayun Tipan sa Aytan Mag-Indi

² Tanda tamuy makatuynungan na pangatul Bapan Namalyari sa mani tawuy manyag nadawak.

Roma 2:2 Marejeleo ya Msalaba

Mani Dyag 17:31

Gawan intakdan Bapan Namalyari ya allu nu makanu na ipatupad ya makatuynungan na pangukum na sa kaganawan tawu baydi sa babun luta sa kapamilatan tawuy pinili nan mangukum. Pinagpapêtgan nay abiin sa kaganawan sabitun pinabyay nan manguman ya tawun abitu.”

Roma 2:1

Amêsên, dat sabin muy kay sêpat atulun na mani tawun abiin gawan sa kadawakan la. Nuwa nu pan-atulun muy kaparisu mu, inatulan minay sarili mu, gawan pandaygên mu êt ta nadawak ka pandaygên la. Kabay parusan kaw Bapan Namalyari gawan sa mani kasalanan yu.

Roma 2:3

Nuwa sisabêt ka amên mangatul kaatag nu pandaygên mu êt ta pandaygên lay nadawak? Indap mu nayi nu miligtas ka sa pangatul Bapan Namalyari gawan tanda muy mangêd ya buy mapamibabata buy asê tambêng mamarusan kasalanan tamu? A yu nayi tanda ya sabay ya kangêdan Bapan Namalyari ya managyat kamuyun magsisi?

Roma 2:5

Nuwa gawan sa kakdêyan ulu mu buy sa a mu pagsisi, luyang mun pampabayatên na tubag Bapan Namalyari kamu sa allun pangatul nay makatuynungan.

Roma 9:14

Gawan di, dat sabin kaatag ya asê matinêk si Bapan Namalyari. Alwan parabaydu!

Pahayag 16:5

Nalêngê kuy sinabin ang-el la mamaala sa lanêm, “Makatuynungan kay Panginuun. Sikay Namalyari sabitun nuna pun buy kay sika êt ta Namalyari angga amêsên. Makatuynungan ka gawan matinêk ka pangatul mu sa mani tawun ati.

Pahayag 19:2

Ustu buy matinêk ka pangatul na sa babayi ya pambayaran na namipakadawak mani tawu sa babun luta sa kapamilatan pamikikanayun na. Pinarusan yan Bapan Namalyari, gawan pinati nay mani maglingkud kana.”