Pahayag 4:11 - Bayun Tipan sa Aytan Mag-Indi

¹¹ “Bapan Namalyari ya Panginuun yan, kay sikay naspat mananggap panggalang, pamarangal, buy kapangyarian. Ta sikay nanyag kaganawan buy sa kapamilatan kalabayan mu, nadyag buy nabiyan silan biyay.”

Pahayag 4:11 Marejeleo ya Msalaba

Mani Dyag 14:15

“Mani kaluguran, uysiyan mag-andug kaw ya kanyan ta? Pakan kay kaparisu yukay yan tawu. Pan-iaral yan kamuyuy Mangêd da Balita amên itgên yinay pangulimên yu sa mani diyusdiyusan ya ayin kapukatan buy magdani kaw kan Bapan Namalyari ya nabyay. Sabay siyay nanyag langit, luta, dagat, buy siyay nanyag kaganawan idi baydi.

Mani Dyag 17:24

“Ya Bapan Namalyari ya pan-iaral ku kamuyu, sabay ya nanyag babun luta buy kaganawan idi baydi ya sabay ya Panginuun langit buy luta. A ya manugêl sa mani templu ya dinyag mani tawu.

Roma 11:36

Tagawan ya kaganawan bagay, ubat kana buy sa kapamilatan na buy para kana. Ulimênên ya Bapan Namalyari kanuman! Awuy Panginuun.

Efeso 3:9

Buy ipalinaw ku sa kaganawan nu parasaantun matupad da palanun Bapan Namalyari ya sabay ya nanyag kaganawan.

Hebreo 1:10

Sinabi pun êt Bapan Namalyari sa Anak na, “Panginuun, sa umpisa pun, sikay nay nanyag babun luta buy kaganawan idi sa langit sa kapamilatan kapangyarian mu.

Hebreo 1:2

Nuwa sa mani tawlin allun ati, nagsabi ya kantamu sa kapamilatan Jesus ya Anak na. Dinyag Bapan Namalyari ya babun luta sa kapamilatan Anak na buy siya êt ta intalaga nan magmanan kaganawan bagay.

Pahayag 1:6

Dinyag na kitamun pag-arian na buy mani pari amên maglingkud sa Namalyari buy Bapa na. Kan Jesu Cristuy pangulimên buy kapangyarian kanuman! Awuy Panginuun.

Pahayag 10:6

nangaku ya sa lagyun Bapan Namalyari ya nabyay kanuman ya nanyag kaganawan idi sa langit, kaganawan idi sa babun luta buy kaganawan idi sa dagat. Sinabi na, “Asina maêpêng nga panawun.

Pahayag 14:7

Ati ya masnêg nan sinabi, “Malimu kaw kan Bapan Namalyari buy idin yu kanay panggalang yu, gawan panawun nan pangukum na. Ulimênên yu si Bapan Namalyari ya nanyag langit, luta, dagat buy mani sibul.”

Pahayag 19:1

Pamakayari, nalêngê kuy masnêg ga tunuy sadyay lakên tawu sa langit ya magsabin paradi, “Ulimênên na Panginuun! Ubat kan Bapa tamun Namalyari ya kaligtasan, pamarangal buy kapangyarian.

Pahayag 5:12

Nagkanta silan masnêg ga panggalang. Ya ingkanta la, “Si Biserun Tupay pinati la awlagi, kay siyay sêpat mananggap kapangyarian, pibandiyan, kabiyasnan, kaksawan, karangalan, kangêdan, buy pangulimên!”

Pahayag 5:2

Nakit kuy gisay makapangyarian na ang-el Bapan Namalyari ya masnêg magsabin, “Sisabêt ta sêpat mamitas pamigtan ati ya kasulatan?”

Pahayag 5:9

Nagkanta silan bayuy kanta. Ya pan-ikanta lay, “Kay sikay sêpat mangwan nakatilitil la kasulatan buy mamitas un mani pamigta, gawan pinati laka buy sa kapamilatan daya mu, inatbus muy mani tawu ubat sa balang layi, mani sabi, buy bansa amên magin tawu silan Bapan Namalyari.