Pahayag 15:4 - Bayun Tipan sa Aytan Mag-Indi

⁴ Sisabêt ta asê malimu buy asê mangulimên kamu? Kay sikay banal. Magdani kamun mangulimên na mani tawu sa kaganawan bansa gawan nakit kaganawan ya matinêk ka diyag mu.”

Pahayag 15:4 Marejeleo ya Msalaba

Roma 15:9

Buy alwan kay abiin ta impakit êt Cristuy lunus Bapan Namalyari sa mani alwan Judio amên sa pakapakun baydu, maulimên la êt si Bapan Namalyari. Paradi ya idi sa Kasulatan, “Kabay ulimênên katay Bapan Namalyari sa lukup mani alwan Judio, buy magkanta kun pangulimên kamu.”

1 Pedro 1:16

Gawan sinabin Bapan Namalyari sa Kasulatan, “Sêpat kaw magpakabanal gawan banal laku.”

Pahayag 11:15

Amêsên, sên pinasnêg ikapituy ang-el la patutut na, dilag gakun nalêngêy mani masnêg ga tunuy ya ubat sa langit ya magsabin paradi, “Ya kaganawan pag-arian baydi sa babun luta, idi yana kan Bapa tamun Namalyari buy kan Cristuy pinili na. Mag-ari yina kanuman.”

Pahayag 14:7

Ati ya masnêg nan sinabi, “Malimu kaw kan Bapan Namalyari buy idin yu kanay panggalang yu, gawan panawun nan pangukum na. Ulimênên yu si Bapan Namalyari ya nanyag langit, luta, dagat buy mani sibul.”

Pahayag 16:5

Nalêngê kuy sinabin ang-el la mamaala sa lanêm, “Makatuynungan kay Panginuun. Sikay Namalyari sabitun nuna pun buy kay sika êt ta Namalyari angga amêsên. Makatuynungan ka gawan matinêk ka pangatul mu sa mani tawun ati.

Pahayag 16:7

Nalêngê ku pun êt ta tunuy ya ubat sa pamiandugan ya magsabin paradi, “Awuy Bapan Namalyari ya makapangyarian sa kaganawan, pêtêg baynan ustu buy matinêk ka pangatul mu.”

Pahayag 19:2

Ustu buy matinêk ka pangatul na sa babayi ya pambayaran na namipakadawak mani tawu sa babun luta sa kapamilatan pamikikanayun na. Pinarusan yan Bapan Namalyari, gawan pinati nay mani maglingkud kana.”

Pahayag 19:8

Pinayamingan yan telay linuy naputiputi buy malinis.” Ya labay sabin naputiputi ya linu, sabay ya matinêk ka mani diyag mani pinilin Bapan Namalyarin kay kana.

Pahayag 3:7

Sinabi êt Jesus kangku ya manulat taku sa ang-el nay magbantay sa manampalatayay miaawyun na idi sa balayan Filadelfia. “Ati ya pan-ipasabin Jesus ya banal buy mapagtiwalan. Idi kangkuy susin David. Sabêt man na buklatên ku, ayin nan makapisara buy nu sabêt man na insara kina, ayin nan makapibuklat.

Pahayag 4:8

Buy ya apat ta nabyay ya inlalang, dilag silan tianêm ma palakpak buy napnun mata angga sa aypan palakpak la. Allu buy yabi, a sila mantunggên magkantan paradi, “Banal, Banal, Banal la Panginuun tamun Namalyari ya Makapangyarian sa kaganawan. Siyay Bapan Namalyari sabitun nuna, amêsên buy kanuman.”

Pahayag 6:10

Masnêg lan pansabin, “Panginuun ya Makapangyarian, banal buy tapat, parasaantun kabuyut kay mangêtêng bayu mu parusan buy ablasên ya namati kanyan?”