Mateo 22:43 - Bayun Tipan sa Aytan Mag-Indi

⁴³ Amêsên, sinabin Jesus kalla, “Nu layi yan Arin David, uysiyan binêg yabay David ‘Panginuun’ ta? Sabitun idi kanay Ispiritun Bapan Namalyari, sinabi na,

Mateo 22:43 Marejeleo ya Msalaba

Marcos 12:36

Sa kapamilatan pangawyun Ispiritun Bapan Namalyari kan Arin David, sinabi nay, ‘Sinabin Bapan Namalyari sa Panginuun ku, Miknu ka sa wanan ku angga sa mapasuku ku kamuy mani kapati mu.’

Mani Dyag 1:16

“Mapatêl kuway, kaylangan matupad da kasulatan na impatandan Ispiritun Bapan Namalyari kan Arin David sabitun nuna ya tungkul kan Judas Iscariote, ya sabay ya nanawup nandakêp kan Jesus.

1 Corinto 12:3

Kabay labay kun matandan yuy asê masabin gisay tawuy, “Isumpa si Jesus!”, nu pan-awyunan yan Ispiritun Bapan Namalyari. Buy asê êt masabin gisay tawuy, “Si Jesus ya Panginuun,” nu a ya pan-awyunan Ispiritun Bapan Namalyari.

Hebreo 3:7

Kabay pakalêngê kaw sa pansabin Ispiritun Bapan Namalyari, “Nu malêngê yun magsabi amêsên si Bapan Namalyari, pakalêng-ên yuya!

2 Pedro 1:21

Tagawan ya in-aral la, alwan ubat sa sarili lan isip, nun a ya Ispiritun Bapan Namalyari ya nipatanda kalla.

Pahayag 1:10

Sabitun allun Panginuun, natupus sakun Ispiritun Bapan Namalyari buy nalêngê ku sa kabukutan kuy gisay masnêg ga tunuy ya paran sênêg patutut.

Pahayag 4:2

Tambêng ngakun natupus Ispiritun Bapan Namalyari buy nakitan ku sa langit ta gisay turonu ya dilag nakaiknu baydu.