Mateo 2:17 - Bayun Tipan sa Aytan Mag-Indi

¹⁷ Sa kadawakan na dinyag Herodes, natupad da sinabin Propeta Jeremias,

Mateo 2:17 Marejeleo ya Msalaba

Mateo 2:15

Buy nanugêl sila baydu angga sa nati si Arin Herodes. Sa pakapakun baydu, natupad da sinabin Bapan Namalyari sa kapamilatan propeta, “Binêg kuy anak ku amên mita sa bansan Egipto.”

Mateo 2:16

Sên natandan Arin Herodes ya inlinlang yan mani lawyaki ya mag-aral sa pagkimit bêtêwên, sadyay tubag na. Kabay ya kaganawan anak ka lawyaki sa Bethlehem ya idad luway tawun payêpa buy sa mani lugal la nakapalitêng baydu, impapati na sila. Tagawan abituy tawun na natandan na nu nakanu nunan nagpakit ta bêtêwên sa mani lawyaki ya mag-aral sa pagkimit bêtêwên.

Mateo 2:18

“Dilag yan nalêngêy tangisan buy masnêg ga alab sa balayan Rama. Pantangisan Raquel la mani anak na. Ayin makasamung sa panangis na tagawan nati silayna.”

Mateo 27:9

Sa pakapakun baydu, natupad da sinabin propeta Jeremias sabitun sinabi nay, “Kingwa lay tatlumpuy pirasun pilak, ta ati ya napikasunduwan mani Israelitay alagan biyay na.