Mateo 13:35 - Bayun Tipan sa Aytan Mag-Indi

³⁵ Sa paradi ya paralan, natupad da sinabin Bapan Namalyari sa kapamilatan propeta na, “Magsabi yaku kalla sa kapamilatan paalimbawa. Sabin ku kallay mani bagay ya nakaliim ubat pun sabitun dinyag ga babun luta.”

Mateo 13:35 Marejeleo ya Msalaba

Mateo 13:14

Kabay natupad kallay sinabin propeta Isaias, ‘Kapallêngê-lêngê yu man, a kaw makapukat. Buy kapangêlêw-êlêw yu man, a kaw makakit.

Mateo 13:3

Malakêy paalimbaway in-aral na kalla. Sinabi na, “Dilag gisay manggitnay namibulaglag bini.

Mateo 25:34

“Pamakayari, sikuy bilang Ari, sabin ku sa mani tawuy idi sa wanan ku, ‘Kaksaw kaw ya mani pagpalên Bapa ku. Sikaw wa magmana sa kaarian na in-il-an para kamuyu ubat pun sa dinyag ga babun luta.

Mateo 5:2

buy nag-umpisa yan nangaral. Sinabi na,

Lucas 10:14

Nuwa sa Allun Pangukum, mas mabyat ta parusay madanasan yu kaysa mani taga Tiro buy taga Sidon.

Juan 17:24

“Bapay, indin mu sila kangku. Buy labay kun makaawyun ku sila sa lakwên ku amên makit lay karangalan ku ya indin mu kangku gawan inidu mukina bayu pun dinyag ga babun luta.

Mani Dyag 15:18

Buy mana kinan impatanday abiin.’ ”

1 Corinto 2:7

Ya kabiyasnan na pan-iaral yan sabay ya inliim ma palanun Bapan Namalyari sabitun nuna. Nuwa intalaga nay palanun ati para sa ikakangêd tamu bayu na pun dinyag ga babun luta.

Efeso 3:5

Sabitun nuna, asê impatandan Bapan Namalyari sa mani tawu ya palanu na, nuwa amêsên, sa kapamilatan Ispiritu na, impatanda nayna sa mani banal la apostul buy sa mani propeta na.

Efeso 3:9

Buy ipalinaw ku sa kaganawan nu parasaantun matupad da palanun Bapan Namalyari ya sabay ya nanyag kaganawan.

Hebreo 1:1

Sabitun nunan panawun, magsabi yana si Bapan Namalyari sa mani ninunu tamu sa magmikakanayun na panawun buy paralan sa kapamilatan mani propeta na.

Pahayag 13:8

Ya mani tawu baydi sa babun luta, ulimênên lay matubag ga ayup, liban ta sa mani tawuy ubat pun sa dinyag ga babun luta, nakasulat tay lagyu la sa librun biyay. Ya magbandin librun abiin sabay ya Biserun Tupay pinati.

Pahayag 17:8

Ya nakitan muy matubag ga ayup, sabay ya mambumyay awlagi, nuwa nati yina. Marani yinan magsalwang ubat sa kalalêlalêan sukulan sa aypan luta, nuwa milaku ya sa ayin katganan na kaparusan. Ya mani tawu baydi sa babun lutay asê nakalistay lagyu la sa librun biyay ya nakasulat ubat pun sa dinyag ga babun luta, makaupapas sila, gawan makitan lan manguman na matubag ga ayup pa nati yana awlagi.”