Lucas 9:42 - Bayun Tipan sa Aytan Mag-Indi

⁴² Kaban magdani kan Jesus ya anak, intugaw ya buy ingkusadkusad yan nadawak ka ispiritu. Kabay impatas Jesus ya nadawak ka ispiritu, pinaiyul nay anak, buy in-udung na sa bapa na.

Lucas 9:42 Marejeleo ya Msalaba

Marcos 9:20

Kabay gintan lay anak kan Jesus. Nuwa pamakakit nadawak ka ispiritu kan Jesus, kinumtang nga anak buy nipakalêk yan nitulintulin buy magbulabulay bêbêy.

Lucas 7:15

Niknuy nati, êh nakasabi yina. Tinambay yan indin Jesus sa indu na. Sinabi na, “Ati ya anak mu.”

Lucas 9:39

Nu sêdakan yan nadawak ka ispiritu, bêngat yatan kumusadkusad ya man-angaw buy magbulabulay bêbêy. Pawa yatan pampasakitan un nadawak ka ispiritu buy a na labay lakwanan na anak ku.

Lucas 9:41

Nakitbay si Jesus, “Sikaw wa layin ayin panampalataya buy natukawkaw wa isip! Anggan makanu kataw pun pibabatan? Gêtan mu baydi ya anak mu.”

Lucas 9:43

Nakaupapas ya mani tawu sa nakitan lay kapangyarian Bapan Namalyari. Kaban nakaupapas ya kaganawan tawu sa mani dinyag Jesus, sinabi na sa mani tagasunul na,

Juan 6:19

Sên nakasagwan silaynan lima o anêm ma kilumetru, dilag silan nakitan na mamita sa babun lanêm ya mamadanidani sa bangka la. A la nakilalay si Jesus awêd da abitu. Kabay sadyay limu la.

Mani Dyag 9:41

Tinalan Pedroy gamêt na buy sinawpan nayan nidêng. Pamakayari, binêg Pedroy mani nabal-u buy kaatag manampalataya baydu buy impakit na kalla si Tabita ya nabyay yana.

Pahayag 12:12

Kabay matula kaw, sikaw wa mani manugêl sa langit. Nuwa mamakapalunus kaw wa mani manugêl sa babun luta buy sa dagat gawan insamwag ga baysên kamuyu si Satanas. Natubag-tubag ya gawan tanda nay pêrad tay panawun para kana.”