Lucas 9:35 - Bayun Tipan sa Aytan Mag-Indi

³⁵ Amêsên, dilag gisay tunuy ya ubat sa ulap pa magsabin, “Ati ya Anak kuy pinili ku. Mallêngê kaw kana.”

Lucas 9:35 Marejeleo ya Msalaba

Mateo 12:18

“Ati ya lingkud da pinili ku. Kakaidwan kuya buy kapapaidu ya kangku. Iutus ku kanay Ispiritu ku, buy ipatanda nay katuynungan sa kaganawan bansa.

Mateo 3:17

Buy dilag gisay tunuy ya ubat sa langit ta nagsabin, “Ati ya kakaidwan kun Anak ya kapapaidu kangku.”

Marcos 1:11

Buy dilag gisay tunuy ya ubat sa langit ta nagsabin, “Sikay kakaidwan kun Anak ya kapapaidu kangku.”

Lucas 3:22

buy nagtabuy kanay Ispiritun Bapan Namalyari ya nanuwad gisay pati-pati. Buy dilag gisay tunuy ya ubat sa langit ta nagsabin, “Sikay kakaidwan kun Anak ya kapapaidu kangku.”

Lucas 9:34

Buy kaban magsabi pun si Pedro, natugpawan silan ulap. Kabay nalimu sila.

Juan 12:28

Pamakayari, sinabin Jesus, “Bapay, parangalên muy lagyu mu.” Nasên anti, bêngat natan nalêngêy tunuy Bapan Namalyari ya ubat sa langit ya magsabin, “Pinarangalan kina buy parangalên kun manguman.”

Juan 3:16

“Gawan kakaidwan Bapan Namalyari ya kaganawan tawu sa babun luta, indin nay kagisagisay Anak na amên nu sisabêt man na manampalataya kana, a ya milaku sa ayin katganan na kaparusan, nun a mabiyan yan biyay ya ayin katganan.

Hebreo 2:3

Luyang ngabay kantamu. A kitamu makaligtas sa parusa nu daygên tamun ayin pukat ta dakilay kaligtasan na ubat kan Bapan Namalyari. Ya Panginuun Jesus ya nunan nipatanda tungkul sa kaligtasan na ati buy ya mani tawuy nakalêngê kana, sabay silay nagpapêtêg kantamun taganan pêtêg ga abiin.

Hebreo 3:15

Isipin tamun manguman na idi sa Kasulatan, “Nu malêngê yun magsabi amêsên si Bapan Namalyari, pakalêng-ên yuya! Agana yu pakunatên na bêkê yu, kaparisun dinyag mani ninunu yu sabitun a sila nanunul sa utus Bapan Namalyari.”

Hebreo 5:9

Kabay sa pakapakun baydu, nagin ganap ya buy siyay pinangubatan ayin katganan na kaligtasan kaganawan manunul kana.