Hebreo 7:21 - Bayun Tipan sa Aytan Mag-Indi

²¹ Nuwa sên dinyag nan pari si Jesus, nanumpa ya. Paradi ya sinabi na kan Jesus, “Sikuy Namalyari. Pan-ipangaku kuy sikay pari kanuman. Buy asê magbayuy disisyun ku.”

Hebreo 7:21 Marejeleo ya Msalaba

Roma 11:29

Gawan na pamêg Bapan Namalyari buy degalu na, asê magbayu.

Hebreo 5:6

Buy sinabi pun êt Bapan Namalyari sa kaatag ga baagin Kasulatan, “Sikay pari kanuman, kaparisun pangaparin Melquisedec.”

Hebreo 7:17

Gawan ati ya idi sa Kasulatan tungkul kana, “Sikay pari kanuman, kaparisun pangaparin Melquisedec.”

Hebreo 7:20

Ya bayuy paralan na ati, luyang pun mangêd sa manan paralan ta nanumpa si Bapan Namalyari. Sabitun dinyag nan pari ya layin Levi, a ya nanumpa.

Hebreo 7:23

Sabitun nuna, malakêy mani pari gawan nu nati ya gisa, kaylangan sagilyan yan gisa amên maisunduy pandaygên la bilang mani pari.

Hebreo 7:28

Ayun sa Kautusan na impasulat kan Moises, ya nagin pinakapuun parin mani Israelita, kay mani tawuy dilag kakaynan. Nuwa pamakalibas panawun na abitu, nanumpa si Bapan Namalyari ya Anak nay italaga nan magin pinakapuun pari gawan ganap ya kanuman.