Hebreo 5:8 - Bayun Tipan sa Aytan Mag-Indi

⁸ Tagawan agyan Anak yan Bapan Namalyari, natandan nay pêtêg ga panunul sa kapamilatan kapibabatan na sa mani kasakitan.

Hebreo 5:8 Marejeleo ya Msalaba

Mateo 3:15

Nuwa nakitbay si Jesus kana, “Pasawan mun malyari amêsên na ati, gawan ati ya sêpat tan daygên amên matupad da buun kalabayan Bapan Namalyari.” Kabay nakalabay si Juan.

Juan 10:18

Ayin makakwan biyay ku, nun a kay kusa kun idin. Dilag gakun kapangyarian idin na ati buy dilag gaku êt kapangyarian mabyay manguman, ta abiin na in-utus kangkun Bapa ku.”

Juan 15:10

Nu pansunulun yuy mani utus ku, manugêl kaw sa pangidu ku kaparisun panunul ku sa mani utus Bapa ku buy manugêl laku sa pangidu na.”

Juan 4:34

Sinabin Jesus kalla, “Ya kanên ku sabay ya panunul ku sa kalabayan Bapan Namalyari ya namiutus kangku buy yarin na pan-ipadyag na.

Juan 6:38

Gawan naku waku baydin ubat sa langit amên daygên kuy kalabayan Bapa kuy namiutus kangku, alwan ya sarili kun kalabayan.

Filipos 2:8

Nagpakayêpa ya buy nagin mapanunul ya angga sa kamatyan agyan impaku laya sa kurus.

Hebreo 1:2

Nuwa sa mani tawlin allun ati, nagsabi ya kantamu sa kapamilatan Jesus ya Anak na. Dinyag Bapan Namalyari ya babun luta sa kapamilatan Anak na buy siya êt ta intalaga nan magmanan kaganawan bagay.

Hebreo 1:5

Gawan gisa man sa mani ang-el, ayin pinisabyanan si Bapan Namalyarin paradi, “Sikay Anak ku, buy amêsên, ipatanda kuy sikuy Bapa mu.” Buy ayin ya êt pinisabyanan un paradi, “Sikuy Bapa mu buy sikay Anak ku.”

Hebreo 1:8

Nuwa ati ya sinabin Bapan Namalyari sa Anak na, “Sikay Namalyari ya mag-ari kanuman. Buy matinêk ka pag-ari mu.

Hebreo 3:6

Nuwa si Jesu Cristu, Anak yan Bapan Namalyari ya tapat ta mamaala sa pamilyan Bapan Namalyari. Buy kaawyun kitamu êt sa pamilyan Bapan Namalyari nu manugêl kitamun napas-êy buy a tamu ikadêng-êy ya kapilmiyan tamu.