1 Pedro 3:10 - Bayun Tipan sa Aytan Mag-Indi

¹⁰ Tagawan paradi ya idi sa Kasulatan, “Nu sisabêt man na kalabay mabiyan mangêd buy masayay pamibiyaybiyay, a ya sêpat magsabin nadawak buy kalaraman.

1 Pedro 3:10 Marejeleo ya Msalaba

Mateo 19:17

Nakitbay si Jesus, “Uysiyan patangên muya kangku nu sabêt ta mangêd ta? Gigisay mangêd buy ayin nan kaatag nun a kay si Bapan Namalyari. Nu labay mun mabiyan kan biyay ya ayin katganan, sunulun muy mani utus.”

Marcos 8:35

Tagawan sisabêt man na tawuy maglabay miligtas ya biyay na, sabay ya matasan. Nuwa ya tawuy nakal-an mam-in biyay na para kangku buy sa Mangêd da Balita, sabay ya mabiyan biyay ya ayin katganan.

Juan 1:47

Sên nakitan Jesus ya magdani kana si Nathanael, sinabin Jesus kana, “Abiti yay gisay pêtêg Israelita ya asê mapamurayit.”

Juan 12:25

Ya tawuy mamakamal biyay na, sabay ya matasan ati. Nuwa ya asê mamakamal biyay na baydi sa babun luta, sabay ya mabiyan biyay ya ayin katganan.

Santiago 1:26

Nu dilag gisay tawuy mangisip pa mangêd da panunul na kan Bapan Namalyari, nuwa a na tandan itgên na bêbêy na sa pagsabin nadawak, pampurayitin nay sarili na buy ayin pukat ta panunul na kan Bapan Namalyari.

1 Pedro 2:1

Kabay gawan dilag kawnan bayun biyay, lakwanan yinay kaganawan kalasin kadawakan, kaparisun pamurayit, pagtalingkayu, pangasêm, buy panira sa kaparisu.

1 Pedro 2:22

“A ya nangasalanan o naglaram man.”

Pahayag 14:5

A sila taganan naglaram buy ayin makit ta dakun sabêt man na nadawak kalla.