Biblia ya mtandaoni

Ukurasa wa nyumbani
Biblia ya mtandaoni
2 Ti‑ꞌmô‑ꞌthiêu 1:12

« Iliyotangulia

2 Ti‑ꞌmô‑ꞌthiêu 1:12 - Tai Dam

¹² ꞌPưa ꞌsướng#ꞌnặn, ꞌpo chắng chuốp báp ꞌmo khó chaư ꞌnéo#ꞌnị. Pên ꞌsứ đaư ꞌpo ꞌcọ báu#nả ꞌhại#săng. ꞌTan chảu phủ ꞌpo ꞌchưa ꞌnặn pên ꞌsướng đaư ꞌpo ꞌcọ ꞌhụ#ꞌlẹo. ꞌPo mẳn chaư#ꞌva, ăn ꞌpo đảy dao hảư ꞌTan chảu#ꞌnặn, ꞌTan chảu ꞌcọ ꞌmí phép ꞌquiến pảy che ꞌvạy ꞌtạu ꞌhọt ꞌmự sét ꞌván lả#sút.

Tazama sura Nakili

« Iliyotangulia

2 Ti‑ꞌmô‑ꞌthiêu 1:12
58 Marejeleo ya Msalaba

2 Ti‑ꞌmô‑ꞌthiêu 1:8

ꞌSướng ꞌnặn ꞌlụk ꞌnhá nả ꞌhại săng nẳng nả ꞌviạk pên chứng hảư ꞌGiê‑ꞌsu phủ pên Chảu Chom#ꞌháu. ꞌLẹo ꞌnhá nả ꞌhại nẳng nả ꞌviạk ꞌpo pên ꞌtú ꞌpộ đảy ꞌkhớng ꞌviạk ꞌTan#chảu. Hák hảư ꞌpơng inh phép ꞌquiến Chảu Pua ꞌPhạ ꞌchịu khổ ꞌtoi ꞌpo ꞌpộ páo kháo ꞌhung saư Chảu ꞌGiê‑ꞌsu.

Du‑đe 1:24

So sỏng ꞌnhó Chảu Pua ꞌPhạ phủ ꞌmí phép ꞌquiến pảy che ꞌpi ꞌnọng báu#hảư lông pay ꞌtáng#phít, ꞌpá ꞌpi ꞌnọng đảy sút chaư ꞌmuôn ꞌmớng dú tó nả ꞌhung ꞌhướng ꞌTan#chảu, báu#ꞌmí ꞌnéo chê#đảy.

1 Pê‑tô 4:19

ꞌSướng ꞌnặn ꞌmí phaư chuốp báp ꞌmo khó chaư ꞌtoi chaư Chảu Pua#ꞌPhạ, hảư phủ ꞌnặn pông chaư ꞌvạy cắp ꞌTan phủ sảng téng#ꞌháu, ꞌTan chảu lỏ#pên phủ ꞌdệt ꞌtoi ꞌquám chao#ꞌhẹn. ꞌLẹo ꞌcứ ꞌdệt ꞌnéo#đi.

2 Ti‑ꞌmô‑ꞌthiêu 4:8

ꞌPo đảy ꞌdệt ꞌnéo đi ꞌmí ꞌmen ꞌsướng#ꞌnặn, té ꞌkhạy pay nả ꞌpo ꞌcọ ꞌchí đảy sưởng nẳng ꞌGiê‑ꞌsu phủ pên Chảu Chom sét ꞌván ꞌtoi ꞌluống ꞌmen ꞌnặn đảy au ꞌvạy#hảư. ꞌMự đaư ꞌTan chảu táo ꞌlống ꞌmá ꞌcọ ꞌchí sưởng hảư#ꞌpo, báu#ꞌmen ꞌpo phủ#điêu, ꞌtếng#cá ꞌchu ꞌcốn phủ ꞌcóng thả ꞌmự ꞌchí hên ꞌTan chảu táo ꞌlống#ꞌmá.

ꞌHệp‑ꞌlơ 7:25

ꞌSướng ꞌnặn phủ đaư phán ꞌTan chảu ꞌmá ha Chảu Pua#ꞌPhạ, ꞌTan ꞌmí ꞌluống ꞌchoi ꞌmứa nả ꞌlới#ꞌlới#đảy, ꞌdọn#ꞌva ꞌTan chảu ꞌmí ꞌlới dú ꞌpưa đé so Chảu Pua ꞌPhạ ꞌchoi#sau.

1 Ti‑ꞌmô‑ꞌthiêu 6:20

Ti‑ꞌmô‑ꞌthiêu ꞌhới, hảư hiêm au ꞌquám bók son ꞌpo dao hảư#ꞌlụk. Hảư ník sia ꞌquám ꞌvạu ꞌnéo báu#ꞌtứ săng Chảu Pua ꞌPhạ kéng ꞌviạk ꞌcại căn ꞌsướng ꞌva pên ꞌquám lắc ꞌtẹ báu#ꞌmí lởi#săng.

Lôm 1:16

Khỏi páo kháo ꞌhung saư Chảu ꞌKha‑ꞌlịt ꞌnặn báu#đảy nhéng ai#săng, ꞌpưa#ꞌva kháo ꞌhung saư ꞌmen phép ꞌquiến khong Chảu Pua ꞌPhạ ꞌchoi hảư ꞌchu ꞌcốn phủ ꞌchưa đảy ók khói sia báp#ꞌsội, ꞌTan chảu hảư ꞌcốn ꞌDiu ꞌhụ#cón, ꞌlẹo chắng hảư ꞌcốn táng ꞌphắn#ꞌhụ.

ꞌMặt‑ꞌthai 24:36

ꞌHáu ꞌchí ꞌlống ꞌmá ꞌmự đaư ꞌchớ đaư ꞌnặn báu#ꞌmí phaư#ꞌhụ, báu#ꞌva ꞌpứng tiên ꞌchạư dú ꞌmướng ꞌphạ ꞌhứ#ꞌva ꞌháu phủ pên ꞌLụk Chảu Pua ꞌPhạ ꞌnị ꞌcọ báu#ꞌhụ. ꞌMí ꞌto phủ điêu Chảu Pua ꞌPhạ phủ pên ꞌPo#ꞌhụ.

1 Pê‑tô 1:5

ꞌDọn ꞌpi ꞌnọng ꞌmí chaư#ꞌchưa, phép ꞌquiến ꞌTan chảu ꞌcọ pảy che hảư ꞌpi ꞌnọng đảy ók khói sia báp#ꞌsội, ꞌnhám lả sút ꞌnặn ꞌcọ ꞌchí ꞌhụ hên#ók.

2 Ti‑ꞌmô‑ꞌthiêu 1:18

ꞌPo đé so ꞌGiê‑ꞌsu phủ pên Chảu Chom ín đu ꞌhặc au ꞌtan phủ ꞌnặn ꞌchớ ꞌhọt ꞌmự sét ꞌván lả#sút. ꞌLụk ꞌcọ ꞌhụ chẻng#ꞌlẹo, ꞌchớ dú nẳng ꞌmướng Ê‑ꞌphê‑ꞌsô ꞌnặn ꞌtan ꞌcọ ꞌchạư ꞌviạk ꞌpo lai#ꞌnéo.

ꞌPhi‑ꞌlịp‑poi 3:21

ꞌTan chảu ꞌmí phép nháư ꞌquiến luông hảư ꞌchu ăn ꞌchu ꞌnéo ꞌlống dú cỏng ꞌquiến ꞌTan chảu#mết, ꞌchí piến ꞌmo ꞌkính ꞌnọi tắm ꞌsúm ꞌháu hảư pên ꞌsướng ꞌmo ꞌkính ăn ꞌhung ꞌhướng ꞌTan#chảu.

2 Ti‑ꞌmô‑ꞌthiêu 2:9

ꞌPưa kháo ꞌhung saư ꞌnặn ꞌpo chắng ꞌchịu khổ báp#ꞌmo, ꞌnhắng ꞌchọ sỏi lếc phúk ꞌsướng ꞌcốn ác#máư. Hák#ꞌva ꞌquám Chảu Pua ꞌPhạ ꞌnhắng ꞌpe quảng ók báu#ꞌmí phủ đaư hảm ꞌvạy#đảy.

ꞌPhi‑ꞌlịp‑poi 3:10

Khỏi é ꞌhụ đi Chảu ꞌKha‑ꞌlịt, ꞌviạk phép ꞌquiến ꞌTan chảu tai ꞌlẹo ꞌcứn ꞌhéng#ꞌmá. Khỏi é ꞌhuôm báp ꞌmo khó chaư pék ꞌsướng ꞌTan#chảu, đảy tai ꞌsướng ꞌTan chảu ꞌcọ#đi.

ꞌPhi‑ꞌlịp‑poi 3:8

ꞌSứa ꞌnặn#máư, ꞌchu khu ꞌchu ꞌnéo khỏi ꞌcọ hên báu#ꞌmí lởi săng ꞌpưa khỏi ꞌchí đảy ꞌnéo quí ꞌpéng ꞌsứa#mết, ꞌnặn ꞌcọ ꞌmen ꞌviạk ꞌhụ đi ꞌGiê‑ꞌsu ꞌKha‑ꞌlịt pên Chảu Chom#ꞌháu. Khỏi chắng đảy hóp thỉm sia mết ꞌchu khu ꞌchu ꞌnéo ꞌpưa ꞌTan#chảu. ꞌChu khu ꞌchu ꞌnéo ꞌnặn khỏi ꞌtứ#ꞌva pên ꞌsướng nhính nhửa ꞌpưa đảy Chảu ꞌKha‑ꞌlịt ꞌmá pên Chảu#Chom,

1 Cô‑ꞌlin‑ꞌthô 3:13

nả ꞌviạk phủ ꞌnặn pên ꞌnéo đaư ꞌcọ hák ꞌchí#ꞌhụ, ꞌpưa#ꞌva ꞌmự Chảu ꞌGiê‑ꞌsu táo ꞌlống ꞌmá ꞌTan chảu hák ꞌchí hảư hên#ók. ꞌMự ꞌnặn ꞌchí pên ꞌsướng peo ꞌpháy thử bớng ꞌviạk phaư ꞌmắn ꞌchí ꞌmí ꞌca ꞌnéo#đaư.

Dô‑ꞌhăn 17:15

ꞌLụk đé so Chảu#ꞌPo, báu#ꞌmen so hảư au sau ók sia ꞌmướng#ꞌlum. Hák so Chảu ꞌPo pảy che au sau ók khói sia phi#ꞌhại.

ꞌMặt‑ꞌthai 12:21

ꞌLẹo ꞌchu ꞌphắn ꞌcốn ꞌchí pông chaư tó ꞌTan chảu.

Lôm 9:33

ꞌSướng ꞌquám Chảu Pua ꞌPhạ đảy tẻm ꞌchiến ꞌvạy#ꞌva: ꞌHáu ꞌváng tón đán ꞌnưng [ꞌmen Chảu ꞌKha‑ꞌlịt] ꞌvạy nẳng ꞌmướng ꞌSi‑ôn ꞌChí ꞌdệt hảư ꞌcốn tỏng đút ꞌlộm ꞌlống Hák phủ đaư pông chaư ꞌchưa ꞌTan chảu ꞌcọ ꞌchí báu sia ꞌláng áo ꞌtẹ ꞌná.

1 Pê‑tô 4:16

Hák#ꞌva ꞌpi ꞌnọng chuốp báp ꞌmo khó chaư ꞌpộ pên ꞌKha‑ꞌlịt‑tiên ꞌcọ ꞌnhá nả#ꞌhại. Hảư đảy ꞌdọn Chảu Pua ꞌPhạ ꞌpưa đảy pên ꞌchư#ꞌnặn.

ꞌHệp‑ꞌlơ 12:2

Hảư ꞌlé bớng Chảu ꞌGiê‑ꞌsu, phủ ꞌpá ꞌháu ꞌmí chaư ꞌchưa té cốc ꞌtạu lả#sút. ꞌTan chảu ꞌchịu khổ ꞌtếng ꞌmạy tháng#khen, báu#đu săng ꞌviạk tai ꞌnặn pên ꞌnéo nả#ꞌhại, ꞌpưa ꞌlé hên ꞌviạk ꞌmuôn ꞌmớng ꞌtặt ꞌvạy tó nả#ꞌTan, ꞌlẹo ꞌcọ đảy ꞌnăng ꞌhiếng sảng ꞌphượng khoa ꞌtến Chảu Pua#ꞌPhạ.

ꞌHệp‑ꞌlơ 2:18

Chảu tô ꞌTan đảy chuốp thử chaư khổ báp ꞌmo khó#chaư, ꞌsướng ꞌnặn ꞌTan ꞌhụ ꞌluống ꞌchoi ꞌpứng phủ ứn chuốp thử chaư#ꞌnặn.

1 ꞌThê‑ꞌsa‑ꞌlôn 2:16

ꞌSúm khỏi páo hảư ꞌcốn táng ꞌphắn ꞌhụ ꞌtáng đảy ók khói sia báp ꞌsội, ꞌcốn ꞌDiu cứ khắt khoang ꞌdệt ꞌdạk ꞌchá#hảư. Sau hák ꞌdệt ꞌnéo ꞌsội báp sáư hua sau nắc tứm pay#nả. Pên ꞌsướng#ꞌnặn, ꞌviạk pút nhay Chảu Pua ꞌPhạ téng ꞌsội tốc sáư hua sau#mết.

ꞌPhi‑ꞌlịp‑poi 1:20

Khỏi mong ꞌcóng ꞌchưa#ꞌva, ꞌchí báu nả ꞌhại nả#ai, ꞌchí ꞌmí chaư cả ꞌdệt hảư ꞌchư siêng Chảu ꞌKha‑ꞌlịt đảy ꞌhung ꞌhướng ꞌsướng ꞌlớng ꞌdệt#ꞌmá, báu#ꞌva khỏi ꞌnhắng ꞌhứ ꞌva#tai.

Nả ꞌviạk ꞌpứng ꞌlam ꞌchạư 21:13

ꞌTan Pôn chắng tóp#ꞌva, “ꞌPi ꞌnọng ꞌchí#hảy, ꞌdệt hảư khỏi ꞌnọi chaư săng#ꞌlế. Báu#ꞌva ꞌto ꞌchí hảư sáu phúk khỏi ꞌlạ cá#đaư, khỏi ꞌnhắng ꞌchí ꞌnhóm tai nẳng ꞌmướng ꞌGiê‑ꞌlu‑ꞌsa‑ꞌlêm ꞌpưa ꞌchư siêng ꞌGiê‑ꞌsu phủ pên Chảu Chom#máư.”

Nả ꞌviạk ꞌpứng ꞌlam ꞌchạư 13:50

Hák#ꞌva phen ꞌcốn ꞌDiu đảy ꞌnhuốn chaư ꞌpứng ông quan phủ nháư téng đa nẳng ꞌmướng ꞌnặn kéng ꞌpứng ꞌnáng nủ ꞌme [ꞌcốn táng ꞌphắn] phủ ꞌmá vảy ꞌháu Chảu Pua ꞌPhạ [ꞌtoi ꞌcốn#ꞌDiu], chắng ꞌpá căn ꞌnạp têng ꞌtan Pôn kéng ꞌtan Ba‑ꞌna‑bắt, ꞌlẹo ꞌcọ sắp song ꞌtan ók sia đen đin ꞌmướng#sau.

Nả ꞌviạk ꞌpứng ꞌlam ꞌchạư 13:46

ꞌTan Pôn cắp ꞌtan Ba‑ꞌna‑bắt ꞌmí chaư ꞌngán ꞌvạu hảư ꞌpứng ꞌcốn ꞌDiu ꞌnặn#ꞌva, “ꞌQuám Chảu Pua ꞌPhạ ꞌsúm khỏi ꞌchọ au ꞌmá bók son hảư ꞌpứng chảu#cón. Hák#ꞌva ꞌpứng chảu ꞌcọ thiêng sia, pên ꞌsướng ꞌpứng chảu ngắm#ꞌva báu#sôm đáng đảy ꞌchua ꞌlới#ꞌlới. ꞌSướng ꞌnặn ꞌsúm khỏi chắng au căn ꞌmá bók ꞌcốn táng#ꞌphắn,

Nả ꞌviạk ꞌpứng ꞌlam ꞌchạư 9:16

ꞌHáu ꞌchí hảư ꞌSôn ꞌhụ#ꞌva, ꞌchí chuốp báp ꞌmo khó chaư lai ꞌpưa ꞌchư siêng#ꞌháu.”

Nả ꞌviạk ꞌpứng ꞌlam ꞌchạư 7:59

Cuông ꞌchớ sau ꞌnhắng đang au đán hin ꞌlếu ꞌtan ꞌSa‑tê‑ꞌphôn dú#ꞌnặn, ꞌtan đảy đé so#ꞌva, “ꞌGiê‑ꞌsu phủ pên Chảu Chom#ꞌhới, so ꞌTan chảu ꞌhặp au ꞌminh khuôn khỏi#é.”

Dô‑ꞌhăn 6:44

Chảu ꞌPo phủ sống ꞌháu ꞌmá ꞌnặn chướng ꞌchứa au phủ đaư ꞌmá ha#ꞌháu, phủ ꞌnặn chắng ꞌmá#đảy, ꞌhọt ꞌmự lả sút ꞌháu ꞌcọ ꞌchí hảư phủ ꞌnặn ꞌcứn ꞌhéng#ꞌmá.

ꞌLu‑ca 23:46

Chảu ꞌGiê‑ꞌsu khék sương nháư khửn#ꞌva, “Chảu ꞌPo#ꞌhới, ꞌLụk so dao ꞌminh khuôn khong ꞌLụk hảư Chảu#ꞌPo.” ꞌVạu ꞌlẹo ꞌTan chảu ꞌdiến chaư#khát.

1 ꞌThê‑ꞌsa‑ꞌlôn 5:4

ꞌTáng ꞌpi ꞌnọng ꞌcọ báu#ꞌmí chaư ꞌmựt ꞌmúa săng#ꞌlẹo, ꞌviạk Chảu ꞌGiê‑ꞌsu ꞌchí ꞌmá ꞌnặn ꞌpi ꞌnọng ꞌcọ ꞌhụ#đi, báu#ꞌmí săng đủng#tứn, báu#pék ꞌsướng ꞌchớ ꞌcốn ꞌmá ꞌlặc cá#đaư.

ꞌLu‑ca 10:12

ꞌHáu bók hảư ꞌpứng ꞌnọng ꞌhụ#chẻng, ꞌchớ Chảu Pua ꞌPhạ sét ꞌván ꞌcốn ꞌmướng#ꞌlum, bản ꞌnặn ꞌvén ꞌchí ꞌchọ ꞌtội nắc ꞌsứa ꞌmướng ꞌSô‑đôm ꞌnặn#máư.

ꞌMặt‑ꞌthai 7:22

ꞌHọt ꞌchớ ꞌháu sét ꞌván ꞌcốn ꞌmướng ꞌlum#ꞌnặn, ꞌchí ꞌmí lai ꞌcốn ꞌchiếng ꞌháu#ꞌva, ‘ꞌGiê‑ꞌsu phủ pên Chảu#Chom, ꞌsúm khỏi đảy pên ꞌlam páo ꞌquám ꞌTan#chảu, đảy au ꞌchư siêng ꞌTan chảu sắp phi ꞌtứ ꞌmáu ꞌpai ók sia phủ ꞌcốn kéng ꞌdệt lai ꞌnéo#lák.’

1 Cô‑ꞌlin‑ꞌthô 1:8

Chảu ꞌGiê‑ꞌsu ꞌchí tủm ꞌpúa ꞌpi ꞌnọng hảư ꞌmí chaư ꞌchưa mẳn ꞌtạu#sút, ꞌchớ ꞌTan chảu táo ꞌlống ꞌmá chắng ꞌchí báu#ꞌmí ꞌquám chê ꞌpi#ꞌnọng.

2 Ti‑ꞌmô‑ꞌthiêu 1:14

Hảư ꞌpơng Chảu Khuôn Saư dú cuông chaư ꞌsúm ꞌháu ꞌnặn pảy che ꞌquám đi ꞌpo đảy dao#hảư.

2 Ti‑ꞌmô‑ꞌthiêu 1:16

ꞌPo đé so ꞌGiê‑ꞌsu phủ pên Chảu Chom ín đu ꞌhặc au ꞌchúa ꞌhướn ꞌtan On‑si‑ꞌphô‑ꞌlô, ꞌpưa#ꞌva ꞌtan đảy tủm ꞌpúa chaư ꞌpo lai#ꞌtưa, ꞌtan báu#nả ꞌhại nẳng nả ꞌviạk ꞌpo dú#ꞌtú.

Ti‑tô 3:8

ꞌPứng ꞌquám ꞌvạu ꞌmá ꞌnị ꞌmen ꞌtẹ ꞌchưa#đảy, ꞌpo é hảư ꞌlụk ꞌcứ ꞌvạu nển sáư ꞌpứng nả ꞌviạk#ꞌnị, ꞌpưa hảư ꞌpứng ꞌcốn ꞌchưa Chảu Pua ꞌPhạ ꞌlẹo ꞌnặn sáư chaư ꞌdệt ꞌnéo#đi, ꞌnặn chắng ꞌmen ꞌluống ꞌtáng đi đảy lởi hảư ꞌcốn ꞌtếng#lai.

Tufuate:

Viungo vilivyofadhiliwa

Matangazo

Matangazo