Mahtae 5:39 - Plang (Blang)

³⁹ Daecti Uiˊ lahˊ a ri peˊ, ‘Pawlaee toˊtamˊ peue rai naˊ ce. Peue lawn dah beh aˊtawmˊ peˊ naˊ koˊ, peˊ ku naˊ tang hpawtˊ ri tung beh aˊveˊ naˊ ri peue reuˊ.

Mahtae 5:39 Marejeleo ya Msalaba

Mahtae 5:40

Peue lawn tangˊ aˊmu tecˊteng ri ti hk'o hk'aˊnaee peˊ naˊ koˊ, peˊ ku naˊ tang tuilˊ hk'o dalˊ ri naˊ ri peue yeut reuˊ.

Luˊka 22:64

Ce mawt ngaiˊ Eun naˊ, hawcˊ koˊ, ce mhaingˊ Eun, “Aˊnhawˊ ciˊ klaeeˊ Mi, cop, lahˊ a.”

Luˊka 6:7

Peue Hparisaeˊ maeeˊ peue guil leukahˊ ritroe naˊ ce buih sok hk'aˊ kaw ri tangˊ mapˊ ri Yesuˊ Eun. Eun ciˊ kaw baiˊ unˊ baiˊ peue peuyhat hk'aˊnaee seunyi Sinˊ naˊ, ce hotˊ ri htomˊ Eun.

Yoˊhan 18:23

Yesuˊ Eun lahˊ, “Uiˊ lawn lahˊ kuˊ kleucˊ ti ri ceu koˊ, seuji saˊhkiˊ kleucˊ ka naˊ reuˊ. Daecti Uiˊ lawn lahˊ kuˊ neumneum koˊ, a ciˊ meuh kop keunhawˊ mi vaeeˊ dah Uiˊ?”

1 Kawˊrinhtuˊ 6:7

Neumneum ka naˊ koˊ, yeuh peˊ aˊmu ri puri hk'aˊnaee muk peˊ naˊ vangdohˊ ka naˊ meuh peˊ nang sum hawcˊ. A ciˊ meuh kop keunhawˊ peˊ vaeeˊ unˊ yawmˊ ri hkamˊ hk'aˊ hkvi peue ri naˊ? A ciˊ meuh kop keunhawˊ peˊ vaeeˊ unˊ yawmˊ ri hkamˊ hk'aˊ chiˊlai peue ri hk'a ri naˊ?

1 Hteˊsalawˊniˊ 5:15

Keueˊ meulamlam ri, pawlaee kah aˊnhawˊ yeuh ri topˊ kuˊ rai naˊ ri yeuh kuˊ rai naˊ. Daecti, coˊcaˊ ri yeuh kuˊ chakˊ naˊ ri puri gawmˊ peue seubu gawmˊeucˊ naˊ ce laleung reuˊ.

Hebraeˊ 12:4

Hk'aˊnaee vang toˊtamˊ peˊ mapˊ naˊ, peˊ hkuinˊ nang duing lhawˊ ri rot ti nhamˊ peˊ peucˊ ka.

Yakopˊ 5:6

Peˊ tawsˊ aˊmu toh peue unˊ kueˊ kuˊ kleucˊ kuˊ unˊ toˊtamˊ peˊ naˊ ce.

1 Petruˊ 3:9

Pawlaee yeuh ri topˊ kuˊ rai naˊ ri kuˊ rai. Pawlaee topˊ peue isˊ peˊ naˊ ce ri leukahˊ isˊ, daecti pun aenˊ na nap munˊ ri peue reuˊ. Kopti punta kaw peˊ pun munˊ meuh sinˊ ri peˊ naˊ, Peucawoˊ Eun klawng ri ti peˊ.