Mahtae 5:25 - Plang (Blang)

²⁵ Yam kuˊ tangˊ aˊmu ri peˊ naˊ buih va eun peˊ heulˊ ri vang tawsˊ aˊmu naˊ, coˊcaˊ ri yeuh ri htukˊlung eun langˊhk'aˊ naˊ vaeevaee reuˊ. A lawn unˊ yeuh keutitˊ koˊ, kaw eun ap peˊ ri cawoˊ tawsˊ aˊmu naˊ eun. Cawoˊ tawsˊ aˊmu naˊ eun kaw ap peˊ ri cawoˊ htawngˊ naˊ eun. Cawoˊ htawngˊ naˊ eun kaw seueˊ peˊ hk'aˊnaee htawngˊ naˊ.

Mahtae 5:25 Marejeleo ya Msalaba

Mahtae 26:58

Daecti Petruˊ eun utˊ vang ca ri seungai naˊ eun hotˊ Eun heulˊ rot ti kangˊhkungˊ ka nya eun peue jhawpˊ rit keuting naˊ. Punta kaw eun nyu yawng kuˊ yeuh ce naˊ rot ti sutˊ ka naˊ, eun ingˊ mokˊ maeeˊ peue koˊ nya naˊ ce.

Luˊka 18:3

Nang veng awnˊ na, a kueˊ aˊya seunao ti peue. Ka heulˊ hk'oˊ a ri cawoˊ tawsˊ aˊmu awnˊ eun tamˊteuk, ‘Hk'oˊ mi tawsˊ aˊmu uiˊ naˊ leupaws seumeuˊ reuˊ.’

2 Kawˊrinhtuˊ 6:2

Kopti Peucawoˊ lahˊ Eun, “Hk'aˊnaee yam htukˊ a hpumˊ Uiˊ naˊ, leuceng Uiˊ leukahˊ mi naˊ. Hk'aˊnaee seunyi ka hk'aˊ htut lawtpon naˊ, Uiˊ teumˊkawm mi.” Ya lahˊ a ri peˊ, maetˊmaenˊ naˊ meuh a yam htukˊ hpumˊ Eun Peucawoˊ. Seunyaenˊ naˊ meuh a seunyi ka hk'aˊ htut lawtpon naˊ.

Hebraeˊ 12:17

Yawng peˊ a yeut, hawcˊ ka naˊ yam Eˊsawˊ sumˊ pun eun ri rap ri ti munˊ aenˊ a naˊ, eun unˊ pun a. Eun saecˊ leuumˊ ngaiˊ peucˊ sok munˊ awnˊ na, daecti eun hkuinˊ laee cang mheˊ cang plinˊ a.

Hebraeˊ 3:13

Punta hk'aˊnaee peˊ naˊ kaw peˊ unˊ cang lheuˊ leukahˊ kopti meuh a hk'aˊ cuˊ ka mapˊ naˊ saecˊ ti peue naˊ, tuilˊ kawlˊreng puri ku seunyi keuyuit rot ti kawnˊ lahˊ peˊ “Seunyaenˊ” naˊ reuˊ.

Hebraeˊ 3:7

Kop awnˊ na, hotˊ kuˊ lahˊ ka Citˊ seungaˊ chakˊ naˊ, “Seunyaenˊ, peˊ lawn pun ri mhawngˊ leukahˊ Eun naˊ koˊ,