Mahtae 4:11 - Plang (Blang)

¹¹ Hawcˊ koˊ, seucaˊ rai naˊ a pucti heulˊ hk'aiˊ Heun. Inˊhpom naˊ ce lih yeuh mhaiˊ Eun.

Mahtae 4:11 Marejeleo ya Msalaba

Mahtae 26:53

Hteumˊ mi Uiˊ lawn hk'oˊ Aˊkuiingˊ Eun cusˊ inˊhpom kulˊleualˊ muk ce keulawnˊ lih koˊ, a kaw unˊ cang aw?

Mahtae 4:6

A lahˊ a ri Heun, “Mi lawn meuh Konˊ aiˊ Eun Peucawoˊ koˊ, yawtˊ Mi hk'uicˊ reuˊ. Kopti nang htawm Seungaˊ naˊ temˊ a ri yeuhkiˊ, ‘Peucawoˊ kaw Eun tuilˊ leukahˊ ri inˊhpom ri naˊ ce, kah ce roksaˊ Mi. Punta cung Mi naˊ kaw a unˊ cang pen seumu naˊ, inˊhpom naˊ ce kaw koˊ ri cem Mi.’ ”

Makuˊ 1:13

Eun pun ri hkamˊ hk'aˊ copˊlong ka Satan naˊ punˊkulˊ seunyi tehˊ. Eun utˊ maeeˊ satˊ hk'i naˊ ce. Hawcˊ koˊ, inˊhpom ce lih yeuh mhaiˊ Eun.

Luˊka 22:43

Inˊhpom ti peue naˊ eun pucti lih tuilˊ kawlˊreng Eun.

Luˊka 22:53

Utˊ Uiˊ maeeˊ peˊ nang kangˊhkungˊ ka nya hk'oˊ munˊ keuting naˊ keuyuit, peˊ hkuinˊ mheutˊ ri ti Uiˊ. Daecti yam maetˊmaenˊ naˊ a meuh yam peˊ, a meuh yam tiˊca duimˊlawng naˊ uˊpeung ka.”

Luˊka 4:13

Hawcˊ cawoˊ ka seucaˊ rai naˊ copˊlong ka Eun ri ku ceu naˊ, a pucti heulˊ hk'aiˊ Heun. A jing yam kaw htukˊ lai naˊ ti vut ti yam.

Yoˊhan 14:30

Tangˊ neum maetˊmaenˊ naˊ heulˊ, Uiˊ hkuinˊ kaw laee chaeeˊ leukahˊ maeeˊ peˊ, kopti cawoˊ uˊpeung ka bhenˊ keuteˊ aenˊ kaw eun buih ingˊ naˊ. Eun hkuinˊ kueˊ tiˊca hk'aˊpang Uiˊ.

1 Tiˊmoˊse 3:16

Vang ruiˊ neumneum ka hk'aˊ yumˊ eˊ naˊ keuting a hk'aiˊ leukahˊ mhaingˊ naˊ ce gawmˊeucˊ. Aenˊ a meuh, Peucawoˊ puc Eun ri lih meuh tuˊ peue, Citˊ seungaˊ naˊ a tuhˊ eˊ nyu hk'aˊ leupaws seumeuˊ Eun naˊ hawcˊ, inˊhpom naˊ ce nyu Eun, a kueˊ peue sangsawnˊ lawng Eun naˊ ri peue ceu ku ceu, peue bhenˊ keuteˊ naˊ peue yumˊ Eun, Peucawoˊ Eun yuk Eun hukˊ nang munhpungˊ ri.

Hebraeˊ 1:14

Inˊhpom gawmˊeucˊ naˊ meuh ce citˊ kuˊ Peucawoˊ cusˊ Eun ce heulˊ yeuh mhaiˊ ce peue kaw pun ri rap ri ti hk'aˊ htut lawtpon naˊ meuh sinˊ ri naˊ ce, unˊ meuh ka aw?

Hebraeˊ 1:6

Lheuˊ awnˊ na, yam tuilˊ Eun Konˊ aiˊ ri naˊ Eun lih pang bhenˊ keuteˊ naˊ, Eun lahˊ, “Kah inˊhpom Peucawoˊ naˊ ce faeeˊ Eun gawmˊeucˊ reuˊ.”