Mahtae 3:5 - Plang (Blang)

⁵ Peue veng Yeruˊsalaem, peue kuingˊ Yuˊda ku duihˊ maeeˊ peue utˊ keunam caonaoˊ ka klongˊ Yawˊdan ku duihˊ naˊ ce pucti ingˊ tawsˊ hpumˊ fuin mapˊ ri naˊ ri Yoˊhan eun.

Mahtae 3:5 Marejeleo ya Msalaba

Mahtae 2:1

Hawcˊ ka yam Yesuˊ keutˊ Eun nang yungˊ Baelaehaem kuingˊ Yuˊda hk'aˊnaee cu eun hkunˊhawˊhkamˊ Herotˊ naˊ, a kueˊ peue kueˊ cuˊyi ce kuhˊ neum hk'aˊlih seunyi naˊ ce heulˊ rot nang veng Yeruˊsalaem naˊ.

Mahtae 4:25

Peue cum heunˊ ingˊ neum kuingˊ Galilaeˊ, kuingˊ Dekapoˊlisˊ, veng Yeruˊsalaem, kuingˊ Yuˊda maeeˊ peue utˊ hk'aˊtehˊ ka klongˊ Yawˊdan naˊ ce ingˊ hotˊ Yesuˊ Eun heulˊ.

Makuˊ 1:5

Peue kuingˊ Yuˊda maeeˊ peue veng Yeruˊsalaem naˊ ce gawmˊeucˊ ce ingˊ ri Yoˊhan eun. Yam sawngˊ ris ce mapˊ ri hawcˊ naˊ, Yoˊhan eun tuilˊ hk'aˊ cumˊ naˊ ri ce nang klongˊ Yawˊdan naˊ.

Luˊka 16:16

Leukahˊ ritroe naˊ maeeˊ leukahˊ ce peue suip leukahˊ Eun Peucawoˊ naˊ paoˊ ris a ri ingˊ rot cu eun Yoˊhan naˊ. Tangˊ neum yam awnˊ na, leukahˊ munˊ renˊkawn lawng kuingˊ Eun Peucawoˊ naˊ a ku paoˊ ris ri ingˊ yeut. Peue gawmˊeucˊ ce tawkˊ net puri lec kuingˊ awnˊ na.

Luˊka 3:3

Eun heulˊ nang kuingˊ utˊ hotˊ keunam ka klongˊ Yawˊdan naˊ ku duihˊ ka. Eun paoˊ ri lahˊ, “Tawsˊ hpumˊ fuin mapˊ ri rap ri ti hk'aˊ cumˊ naˊ reuˊ. Peucawoˊ kaw Eun ploeˊ mapˊ peˊ naˊ.”

Luˊka 3:7

Yoˊhan eun lahˊ a ri peue cum heunˊ kaw ingˊ rap ri ti hk'aˊ cumˊ ri heun naˊ ce, “Konˊhk'i ka seueuengˊ saˊhaoˊ naˊ peˊ, punta kaw peˊ pon hk'aˊ seungeuengˊ kaw ingˊ rot naˊ, aˊnhawˊ ciˊ deunˊ peˊ?

Yoˊhan 3:23

Saecˊ meuh Yoˊhan eun ku buih tuilˊ hk'aˊ cumˊ ri peue nang yungˊ Aiˊnon keunam ka yungˊ Salim naˊ. Kopti tehˊ naˊ lheuˊ a ri leuumˊ naˊ, peue ingˊ rap ri ti hk'aˊ cumˊ naˊ ri heun unˊ laee htawtˊ deut.

Yoˊhan 5:35

Yoˊhan seunˊ eun kawkˊ ngawl kuˊ buih haˊ reung tuilˊ kuˊ cengˊ naˊ. Peˊ peusahˊ ri renˊ maeeˊ kuˊ cengˊ eun naˊ ti vut ti yam.