Mahtae 3:15 - Plang (Blang)

¹⁵ Yesuˊ Eun topˊ a ri heun, “Maetˊmaenˊ, hk'oˊ mi yeuh a ri Uiˊ reuˊ. Kopti htukˊ eˊ ri yeuh kuˊ Peucawoˊ sumˊ kah Eun eˊ yeuh naˊ ce ku ceu ka.” Hawcˊ koˊ, Yoˊhan eun ku sahpawˊ ri tuilˊ hk'aˊ cumˊ naˊ ri Heun.

Mahtae 3:15 Marejeleo ya Msalaba

Mahtae 3:14

Daecti Yoˊhan eun hk'oˊhk'ang hamˊ Eun lahˊ, “Htukˊ uiˊ ri rap ri ti hk'aˊ cumˊ naˊ ri Mi, Mi vaeeˊ ingˊ ri uiˊ, tup naˊ a kuingˊ aw?”

Luˊka 1:6

Ka meuh peue leupaws seumeuˊ nanggalˊ Eun Peucawoˊ gawmˊ lalˊ peue ri. Ka hotˊ leukahˊ ritroe Eun Peucawoˊ naˊ gawmˊeucˊ ka. Ka yeuh a unˊ laee kueˊ vang cut vang yawmˊ.

Yoˊhan 13:15

Yeuh Uiˊ ri uinˊ hk'aˊ kaw peˊ hotˊ ri yeuh seunˊ kuˊ yeuh Uiˊ pun peˊ naˊ hawcˊ.

Yoˊhan 15:10

Peˊ lawn leuceng ri ti leukahˊ tuilˊ Uiˊ naˊ koˊ, peˊ ku naˊ utˊ hk'aˊnaee hk'aˊ leumeusˊkeus Uiˊ naˊ seunˊ leuceng Uiˊ ri ti leukahˊ tuilˊ Eun Aˊkuiingˊ naˊ maeeˊ utˊ Uiˊ hk'aˊnaee hk'aˊ leumeusˊkeus Eun naˊ.

Yoˊhan 4:34

Yesuˊ Eun lahˊ, “Kuˊ hk'a Uiˊ naˊ koˊ, meuh a hotˊ ri yeuh alo Eun kuˊ cusˊ Uiˊ lih naˊ maeeˊ yeuh kanˊ Eun naˊ htonnuk naˊ.

Yoˊhan 8:29

Cawoˊ kuˊ cusˊ Uiˊ lih naˊ utˊ Eun maeeˊ Uiˊ. Kopti yeuh Uiˊ kuˊ htukˊ hpumˊ Eun naˊ laleung, Eun hkuinˊ tecla Uiˊ utˊ koe.”

Hebraeˊ 7:26

Meuh ka peue jhawpˊ rit keuting yeuhkiˊ naˊ Eun hawcˊ, cang teumˊkawm Eun kuˊ loˊ eˊ naˊ. Eun meuh peue jhawpˊ rit seungaˊ chakˊ, unˊ kueˊ vang ri, unˊ kueˊ kuˊ kleucˊ, hkvetˊhkvawn peue mapˊ, pun hk'aˊ sukˊseunˊ yuk ri lhungˊ hk'aiˊ kuingˊ pang maoˊ naˊ.

1 Yoˊhan 2:6

Aˊnhawˊ lawn lahˊ ri utˊ hk'aˊnaee Heun koˊ, eun htukˊ ri aˊyu imˊ seunˊ Yesuˊ Eun yeut.