Mahtae 26:18 - Plang (Blang)

¹⁸ Eun lahˊ, “Heulˊ lahˊ a ri peue nang veng ti peue naˊ eun yeuh keutitˊ, ‘Seuraˊ lahˊ Eun, yam tangˊ ri uinˊ ri pun Uiˊ naˊ kaw a hk'awsˊ rot hawcˊ. Uiˊ kaw hk'a pawe vel nya naˊ tiduihˊ maeeˊ tapaeˊ ri naˊ ce nang nya mi naˊ.’ ”

Mahtae 26:18 Marejeleo ya Msalaba

Mahtae 21:3

Peue ti ri peue eun lawn naˊ lhonˊ ri mhaingˊ paˊ ri kuˊ ti ri ceu koˊ, paˊ naˊ lahˊ, ‘Cawoˊ loˊ Eun a.’ Peue awnˊ eun kaw keulawnˊ kahˊ ri tuilˊ a ri paˊ.”

Mahtae 23:10

Pawlaee kah aˊnhawˊ klawng ri meuh ‘cawoˊ’, kopti kueˊ peˊ Cawoˊ ti peue yawo. Eun meuh Hkrit.

Mahtae 23:8

Daecti peˊ naˊ pawlaee kah aˊnhawˊ klawng ri meuh ‘seuraˊ’. Kopti kueˊ peˊ seuraˊ ti peue yawo. Peˊ ri, meuh peˊ ecˊawngˊ puri gawmˊeucˊ.

Mahtae 26:19

Kop awnˊ na, tapaeˊ naˊ ce heulˊ yeuh a hotˊ seunˊ kuˊ Yesuˊ kah Eun ce yeuh naˊ. Ce heulˊ rangraen pawe vel nya naˊ.

Mahtae 26:2

“A lawn baee lalˊ seunyi koˊ, yawng peˊ pawe vel nya naˊ kaw a rot. Yam awnˊ na, Konˊ aiˊ peue naˊ Eun kaw pun ri ap ri tawkˊ ri pang kleumˊ rawngˊtawpˊ naˊ.”

Mahtae 26:49

Yuˊdasˊ eun keulawnˊ ingˊ ri Yesuˊ Eun. Eun lahˊ, “Seuraˊ.” Hawcˊ koˊ, eun huitˊ Eun.

Makuˊ 5:35

Yam kawnˊ buih leukahˊ Eun naˊ, peue heulˊ neum nya eun Yaiˊrasˊ roˊ ka saˊla vang hk'oˊ munˊ naˊ ce ingˊ lahˊ, “Konˊ beunˊ mi naˊ yeum eun hawcˊ. Mi ciˊ meung suksak ri Seuraˊ Eun meuh keunhawˊ baee?”

Luˊka 22:53

Utˊ Uiˊ maeeˊ peˊ nang kangˊhkungˊ ka nya hk'oˊ munˊ keuting naˊ keuyuit, peˊ hkuinˊ mheutˊ ri ti Uiˊ. Daecti yam maetˊmaenˊ naˊ a meuh yam peˊ, a meuh yam tiˊca duimˊlawng naˊ uˊpeung ka.”

Yoˊhan 11:28

Hawcˊ Mahtaˊ lahˊ eun a yeuh keutitˊ naˊ, eun ingˊ jom ri klawng Mariˊ awngˊ ri naˊ eun. Eun lahˊ, “Seuraˊ ingˊ rot Eun maenˊ hawcˊ. Eun mhaingˊ uiˊ ri mi.”

Yoˊhan 12:23

Yesuˊ Eun topˊ a, “Rot a yam Konˊ aiˊ peue kaw Eun pun ri rap ri ti munhpungˊ ri hawcˊ.

Yoˊhan 13:1

Yam kaw a hk'awsˊ rot ri pawe vel nya naˊ, Yesuˊ Eun yawng rot a yam kaw ri hk'akcakˊ bhenˊ keuteˊ aenˊ a Eun naˊ hukˊ ri Aˊkuiingˊ Eun naˊ hawcˊ. Kopti leumeusˊ Eun peue utˊ pang bhenˊ keuteˊ aenˊ peue naˊ, maetˊmaenˊ Eun ku yeuh hk'aˊ leumeusˊkeus nyawkˊnyaecˊ ri naˊ pucti lih glihˊgleuengˊ ri ce.

Yoˊhan 17:1

Hawcˊ Yesuˊ lahˊ Eun ceu nang aenˊ ce naˊ, Eun mungˊ maoˊ naˊ Eun hk'oˊ munˊ, “Aˊkuiingˊ, rot a yam ka hawcˊ. Punta Konˊ aiˊ kaw Eun tuilˊ munhpungˊ ri Mi naˊ, kah Konˊ aiˊ Mi naˊ Eun pun munhpungˊ ri reuˊ.

Yoˊhan 20:16

Yesuˊ Eun lahˊ a ri heun, “Mariˊ.” Mariˊ eun hpawtˊ ti keueˊ ri Heun. Eun lahˊ leukahˊ Arameˊ, “Raboni” (Vangdohˊ ka naˊ a lahˊ, seuraˊ).

Yoˊhan 7:30

Yam mhawngˊ ce yeuh a keutitˊ naˊ, ce coˊcaˊ ri kaw mheutˊ Eun. Daecti aˊnhawˊ hkuinˊ mheutˊ Eun saecˊ ti peue, kopti unˊ nang rot a yam Eun Yesuˊ naˊ.

Yoˊhan 7:6

Kop awnˊ na, Yesuˊ Eun lahˊ a ri ce, “Yam htukˊ lai a ri Uiˊ naˊ unˊ nang rot ka. Peˊ ri koˊ, saecˊ meuh yamnhawˊ a ku htukˊ lai pun peˊ.

Yoˊhan 7:8

Peˊ ri heulˊ hk'aˊnaee pawe naˊ reuˊ, hpaw Uiˊ caˊ kaw nang heulˊ. Kopti yam htukˊ lai ri Uiˊ naˊ unˊ nang rot ka.”