Mahtae 25:21 - Plang (Blang)

²¹ Cawoˊ eun naˊ eun topˊ a ri heun, ‘Chakˊ ka, meuh mi mhaiˊ chakˊ mhaiˊ kati keutawnˊ. Kopti kati keutawnˊ mi ri kuˊ aetˊ naˊ, uiˊ kaw tangˊ ri uinˊ mi meuh nang roksaˊ hk'eung keuting naˊ. Kah mi renˊkawn tiduihˊ maeeˊ cawoˊ ri naˊ eun reuˊ.’

Mahtae 25:21 Marejeleo ya Msalaba

Mahtae 24:45

Aˊnhawˊ ciˊ meuh mhaiˊ kati keutawnˊ kueˊ cuˊyi kuˊ cawoˊ naˊ tuilˊ eun eun meuh roˊ gvah kuˊ hk'a ri mhaiˊ ri cawpˊ meu cawpˊ yam ri naˊ eun?

Mahtae 24:47

Kaw Uiˊ lahˊ a ri peˊ neumneum, cawoˊ naˊ kaw eun kah mhaiˊ awnˊ eun roksaˊ vahtuˊ hk'ilˊ leumuil ri naˊ gawmˊeucˊ ka.

Mahtae 25:23

Cawoˊ eun naˊ eun topˊ a ri heun, ‘Chakˊ ka, meuh mi mhaiˊ chakˊ mhaiˊ kati keutawnˊ. Kopti kati keutawnˊ mi ri kuˊ aetˊ naˊ, uiˊ kaw tangˊ ri uinˊ mi meuh nang roksaˊ hk'eung keuting naˊ. Kah mi renˊkawn tiduihˊ maeeˊ cawoˊ ri naˊ eun reuˊ.’

Mahtae 25:46

Hawcˊ koˊ, peue aenˊ ce kaw kah ri pucti heulˊ rap ri ti hk'aˊ ciyang cotˊcu naˊ. Daecti peue leupaws seumeuˊ naˊ ce kaw pun ri lec vang aˊyu imˊ cotˊcu naˊ.”

Luˊka 12:44

Kaw Uiˊ lahˊ a ri peˊ neumneum, cawoˊ naˊ kaw eun kah mhaiˊ awnˊ eun roksaˊ vahtuˊ hk'ilˊ leumuil ri naˊ gawmˊeucˊ ka.

Luˊka 16:10

Peue yumˊ pun hk'aˊnaee kuˊ aetˊ naˊ eun, eun ku yumˊ pun hk'aˊnaee kuˊ keuting naˊ yeut. Peue unˊ leupaws seumeuˊ hk'aˊnaee kuˊ aetˊ naˊ eun, eun ku unˊ leupaws seumeuˊ hk'aˊnaee kuˊ keuting naˊ yeut.

Yoˊhan 12:26

Peue yeuh mhaiˊ Uiˊ naˊ, kaw eun kah ri hotˊ Uiˊ. Uiˊ lawn utˊ tawngnhawˊ koˊ, mhaiˊ Uiˊ naˊ eun ku kaw utˊ ri ka. Kuiingˊ Uiˊ kaw Eun tuilˊ munhpungˊ naˊ ri peue yeuh mhaiˊ Uiˊ naˊ eun.

Yoˊhan 14:3

Hawcˊ hukˊ rangraen Uiˊ vang utˊ pun peˊ naˊ, Uiˊ kaw tang lih rap ri ti peˊ hukˊ utˊ maeeˊ ti. Kop awnˊ na, Uiˊ lawn utˊ tawngnhawˊ koˊ, peˊ ku naˊ pun ri utˊ ri ka.

Yoˊhan 17:24

Aˊkuiingˊ, Uiˊ sumˊ kah peue tuilˊ Mi ri Uiˊ naˊ ce utˊ maeeˊ ti vang utˊ Uiˊ naˊ maeeˊ sumˊ kah ce nyu munhpungˊ Uiˊ kuˊ tuilˊ Mi ri Uiˊ naˊ kopti leumeusˊ Mi Uiˊ tangˊ neum nanggalˊ ka yam unˊ nang hpanplengˊ Mi bhenˊ keuteˊ naˊ

Roˊma 2:29

Daecti taengtaeng peue Yuˊda naˊ, ce kaw kah ri meuh peue Yuˊda hk'aˊnaee ri. Taengtaeng tonˊ duingˊ hakˊ naˊ a meuh tonˊ duingˊ hakˊ hk'aˊnaee hpumˊ ri ri citˊ seungaˊ naˊ, a hkuinˊ meuh tonˊ duingˊ hakˊ ri ritroe temˊ ri meuh tuˊ htawm naˊ. Peue yeuh keutitˊ naˊ pun ce hk'aˊ sukˊseunˊ naˊ a hkuinˊ ingˊ neum peue, daecti a ingˊ neum Peucawoˊ Eun.

1 Kawˊrinhtuˊ 4:5

Kop awnˊ na pawlaee nang kuit a deut nanggalˊ yam ka naˊ unˊ nang rot ka naˊ, koˊ a rot ri yam Peucawoˊ kaw Eun lih rot naˊ reuˊ. Peucawoˊ kaw Eun hueˊ kuˊ moˊ ri vang duimˊlawng naˊ lih vang cengˊ naˊ. Eun kaw tuhˊ kamkuit utˊ nang hpumˊ peue naˊ pucti lih. Yam awnˊ na, peue kaw pun ri rap ri ti hk'aˊ Peucawoˊ sukˊseunˊ Eun ri naˊ kuingˊhpaw maeeˊ kuˊ yeuh ri naˊ ku peue ri.

2 Kawˊrinhtuˊ 10:18

Kopti peue sukˊseunˊ tuˊ ri meun naˊ eun koˊ, hpaw eun caˊ meuh peue kueˊ munhpungˊ, daecti peue kueˊ munhpungˊ naˊ meuh eun peue kuˊ Peucawoˊ sukˊseunˊ Eun naˊ eun.

2 Kawˊrinhtuˊ 5:9

Kop awnˊ na, eˊ saecˊ naˊ utˊ hk'aˊnaee jawngkuiˊ tuˊ ri naˊ, aˊkoˊ gahˊ hk'aiˊ ka naˊ, eˊ coˊcaˊ ri kaw meuh peue hitˊ hpumˊ Eun Peucawoˊ.

Hpiˊliˊpiˊ 1:23

Uiˊ kawnˊ kangkae hk'aˊnaee hpumˊ ri kopti hk'aˊ lalˊ hk'aˊ aenˊ na. Hpumˊ uiˊ naˊ ti hk'aˊ ka naˊ sumˊ ingˊ utˊ uiˊ maeeˊ Hkrit Eun, a jaen naˊ chakˊ.

1 Tiˊmoˊse 3:13

Peue cang teumˊkawm pun peue meulamlam naˊ ce kaw pun munhpungˊ ri heunˊ. Ce kaw pun kawlˊreng hk'aˊ yumˊ ri Yesuˊ Hkrit Eun naˊ heunˊ baee.

2 Tiˊmoˊse 2:12

Eˊ lawn cang yeunˊhkam koˊ, eˊ ku naˊ pun ri uˊpeung maeeˊ Heun. Eˊ lawn tecla Eun koˊ, Eun ku naˊ tecla eˊ.

Hebraeˊ 12:2

Kah eˊ mungˊ Yesuˊ Cawoˊ kuˊ uˊpeung hk'aˊ yumˊ eˊ naˊ maeeˊ Cawoˊ yeuh hk'aˊ yumˊ eˊ naˊ htonnuk naˊ Eun. Kopti meuh a hk'aˊ renˊkawn utˊ nanggalˊ Eun naˊ, Eun hkamˊ ri rap ri ti kleumˊ rawngˊtawpˊ naˊ maeeˊ Eun unˊ uinˊ kuˊ hk'oˊkaic ka kleumˊ rawngˊtawpˊ naˊ nang hpumˊ ri. Eun pun ri mokˊ hk'aˊ aˊtawmˊ ka tenceoˊ Eun Peucawoˊ naˊ.

Tuhˊ ri tuilˊ 2:10

Pawlaee lhatˊ ri kuˊ tukhka pun mi ri hkamˊ naˊ ce. Kaw Uiˊ lahˊ a ri mi, punta seucaˊ rai naˊ kaw a long ri nawk mi naˊ, a kaw hk'awngˊ peˊ ngonˊ nang htawngˊ. Mi kaw pun ri hkamˊ kuˊ keunhapˊ nokneh naˊ pun kulˊ seunyi. Mi saecˊ naˊ rot htan kaw ri yeum, kati keutawnˊ reuˊ. Kaw Uiˊ tuilˊ cuiˊmaw hk'ilˊ civit imˊ naˊ ri mi.

Tuhˊ ri tuilˊ 21:7

Peue pe naˊ eun kaw pun ri rap ri ti sinˊ aenˊ ce gawmˊeucˊ. Uiˊ kaw meuh Peucawoˊ eun, eun kaw meuh konˊ Uiˊ.

Tuhˊ ri tuilˊ 3:21

Aˊnhawˊ lawn pe koˊ, Uiˊ kaw tuilˊ ahkvang kaw eun mokˊ maeeˊ Uiˊ pang tenceoˊ Uiˊ naˊ seunˊ pe Uiˊ, Uiˊ pun ri mokˊ maeeˊ Aˊkuiingˊ Uiˊ Eun pang tenceoˊ Eun naˊ koˊ.

Tuhˊ ri tuilˊ 7:17

Kopti Konˊyungˊ utˊ nang ngonˊ ka tenceoˊ naˊ, kaw Eun meuh Cawoˊ goˊ ce. Eun kaw va ce heulˊ ri keutuiˊ leuumˊ civit imˊ naˊ. Peucawoˊ Eun kaw otˊ ri tec leuumˊ ngaiˊ lih neum ngaiˊ ce naˊ ku jam ka.”