Mahtae 2:6 - Plang (Blang)

⁶ ‘Yungˊ Baelaehaem utˊ nang kuingˊ Yuˊdah naˊ mi, hpaw mi caˊ kaw aetˊ hk'aiˊ peue hk'aˊnaee vang uˊpeung ce kuingˊ Yuˊda naˊ, kopti Cawoˊ uˊpeung ti peue naˊ kaw Eun pucti lih hk'aˊnaee mi. Eun kaw meuh nang teukˊ va peue ceu Uiˊ Iˊsarelaˊ naˊ ce seunˊ cawoˊ goˊ konˊyungˊ naˊ teukˊ va eun konˊyungˊ ri naˊ koˊ.’ ”

Mahtae 2:6 Marejeleo ya Msalaba

Mahtae 2:1

Hawcˊ ka yam Yesuˊ keutˊ Eun nang yungˊ Baelaehaem kuingˊ Yuˊda hk'aˊnaee cu eun hkunˊhawˊhkamˊ Herotˊ naˊ, a kueˊ peue kueˊ cuˊyi ce kuhˊ neum hk'aˊlih seunyi naˊ ce heulˊ rot nang veng Yeruˊsalaem naˊ.

Mahtae 28:18

Yesuˊ Eun sat ri ingˊ de ce. Eun lahˊ, “Tiˊca ka kuingˊ pang maoˊ naˊ maeeˊ bhenˊ keuteˊ naˊ gawmˊeucˊ pun a ri ap ri ri Uiˊ hawcˊ.

Yoˊhan 21:16

Yesuˊ Eun tang lahˊ a ri heun baee, “Siˊmon konˊ Yoˊhan, lakˊ leumeusˊ mi Uiˊ neumneum aw?” Eun topˊ a, “Meuh, yawng Mi leumeusˊ uiˊ Mi yeut.” Yesuˊ Eun lahˊ, “Roksaˊ konˊyungˊ Uiˊ naˊ ce reuˊ.”

Yoˊhan 7:42

Nang htawm Seungaˊ naˊ lahˊ, ‘Hkrit kaw Eun pucti lih neum ceucat Eun Davitˊ neum veng Baelaehaem vang utˊ Eun Davitˊ naˊ’, unˊ meuh ka aw?”

Eˊfeˊsuˊ 1:22

Peucawoˊ Eun kah ku ceu gawmˊeucˊ naˊ utˊ hk'aˊruim cung Eun Hkrit naˊ. Eun tangˊ Eun meuh Cawoˊ hk'aˊpang ku ceu gawmˊeucˊ naˊ pun muk konˊ Hkrit naˊ ce.

Kawˊlawˊsaeˊ 1:18

Eun meuh cingˊ ka jawngkuiˊ tuˊ, cingˊ ce muk konˊ Hkrit naˊ. Punta kaw Eun meuh Cawoˊ tisutˊ hk'aˊpang ku ceu naˊ, Eun meuh vang la ri tangˊ naˊ maeeˊ Eun meuh nang kuhˊ imˊ hk'aiˊ vang yeum naˊ nanggalˊ.

Hebraeˊ 7:14

Kopti pun eˊ ri nyu a glihˊgleuengˊ, Peucawoˊ eˊ naˊ suip Eun ri lih neum ceucat ce Yuˊdah naˊ. Ceucat aenˊ na Moˊse eun unˊ nang duing lahˊ lawng peue jhawpˊ rit naˊ rot ri ka.

Tuhˊ ri tuilˊ 11:15

Yam inˊhpom aˊres peue ti peue naˊ puingˊ eun piˊtaeˊraeˊ ri naˊ, a kueˊ sengˊ lawsˊ nyawkˊ heunˊ sengˊ a lawsˊ lih neum kuingˊ pang maoˊ naˊ. A lahˊ, “Kuingˊ ka bhenˊ keuteˊ naˊ keutˊ a ri meuh kuingˊ Eun Peucawoˊ eˊ naˊ maeeˊ kuingˊ Eun Hkrit naˊ hawcˊ. Eun kaw uˊpeung a cotˊcu ri.”

Tuhˊ ri tuilˊ 2:27

Eun kaw uˊpeung ce ri hkuˊji lhecˊ naˊ. Eun kaw peumˊ ce nyaiˊ meuh glawkˊ ri seunˊ keutongˊ keuteˊ naˊ.

Tuhˊ ri tuilˊ 7:17

Kopti Konˊyungˊ utˊ nang ngonˊ ka tenceoˊ naˊ, kaw Eun meuh Cawoˊ goˊ ce. Eun kaw va ce heulˊ ri keutuiˊ leuumˊ civit imˊ naˊ. Peucawoˊ Eun kaw otˊ ri tec leuumˊ ngaiˊ lih neum ngaiˊ ce naˊ ku jam ka.”