Mahtae 2:4 - Plang (Blang)

⁴ Cawoˊ Herotˊ eun klawng roˊ ce peue jhawpˊ rit keuting ce peue Yuˊda maeeˊ roˊ ce peue guil leukahˊ ritroe ce naˊ ce hk'om. Eun mhaingˊ ce, “Mesiˊya Eun ciˊ kaw keutˊ tawngnhawˊ?”

Mahtae 2:4 Marejeleo ya Msalaba

Mahtae 13:52

Eun lahˊ a ri ce, “Kop awnˊ na, peue guil leukahˊ ritroe kuˊ pun ri rin lawng kuingˊ pang maoˊ ku peue naˊ seunˊ ce cawoˊ nya hueˊ hk'eung hk'ilˊ leumuil hk'uˊ maeeˊ hk'eung hk'ilˊ leumuil hk'imˊ ri naˊ pucti lih hk'aiˊ vang uinˊ ce hk'eung ri naˊ.”

Mahtae 2:3

Yam hkunˊhawˊhkamˊ Herotˊ mhawngˊ eun leukahˊ awnˊ a naˊ, eun hpumˊ suksak nyawkˊ. Saecˊ meuh peue veng Yeruˊsalaem naˊ ce gawmˊeucˊ ce ku paˊ ri hpumˊ suksak maeeˊ heun yeut.

Mahtae 2:5

Ce topˊ a ri heun, “Kaw Eun keutˊ nang yungˊ Baelaehaem kuingˊ Yuˊda naˊ, kopti peue suip leukahˊ Eun Peucawoˊ naˊ temˊ eun ri uinˊ a yeuhkiˊ,

Mahtae 21:15

Daecti yam peue jhawpˊ rit keuting maeeˊ peue guil leukahˊ ritroe naˊ pun ce ri nyu kuˊ hk'oˊamˊ yeuh Eun naˊ ce maeeˊ pun ce ri mhawngˊ konˊ nyom naˊ klawng ce ri lahˊ, “Hosana ri Konˊ aiˊ eun Davitˊ naˊ eun”, nang kangˊhkungˊ ka nya hk'oˊ munˊ keuting naˊ, ce seungeuengˊ nyawkˊ.

Mahtae 21:23

Yesuˊ lec Eun nang kangˊhkungˊ ka nya hk'oˊ munˊ keuting naˊ. Yam buih sangsawnˊ Eun naˊ, roˊ peue jhawpˊ rit, peue guil leukahˊ ritroe maeeˊ nang kawt naˊ ce ingˊ mhaingˊ Eun, “Mi yeuh ceu nang aenˊ ce, Mi ciˊ cu tiˊca keunhawˊ yeuh a? Aˊnhawˊ ciˊ tuilˊ tiˊca aenˊ a ri Mi?”

Mahtae 26:3

Yam awnˊ na, roˊ peue jhawpˊ rit keuting naˊ ce maeeˊ nang kawt hk'aˊnaee ce peue Yuˊda naˊ ce hk'om puri nang hawˊ eun peue jhawpˊ rit keuting muis Kayafasˊ naˊ.

Mahtae 26:47

Yam buih leukahˊ Eun naˊ, Yuˊdasˊ kuˊ meuh tapaeˊ hk'aˊnaee tapaeˊ kulˊleualˊ peue naˊ eun ingˊ. Peue jangˊ leungawng maeeˊ peue jangˊ hkuˊ cum heunˊ naˊ ce ku hotˊ eun ingˊ. Peue cum awnˊ ce meuh peue kuˊ cusˊ ce roˊ peue jhawpˊ rit keuting maeeˊ roˊkan nang kawt ce peue Yuˊda naˊ ce.

Mahtae 27:1

Yam cengˊ ka naˊ, roˊ peue jhawpˊ rit maeeˊ roˊkan nang kawt ce peue Yuˊda naˊ ce kuit a deut kaw ri toh Yesuˊ Eun.

Mahtae 7:29

Kopti sangsawnˊ Eun ce seunˊ peue kueˊ tiˊca naˊ koˊ, Eun unˊ seunˊ peue guil leukahˊ ritroe ce naˊ ce.

Makuˊ 8:31

Hawcˊ awnˊ na, Eun tang sangsawnˊ tapaeˊ ri naˊ ce, “Konˊ aiˊ peue naˊ kaw Eun pun ri hkamˊ kuˊ tukhka naˊ heunˊ ceu. Nang kawt, roˊ peue jhawpˊ rit maeeˊ peue guil leukahˊ ritroe naˊ ce kaw unˊ rap ri ti Eun. Eun kaw pun ri hkamˊ toh peue ri. Naˊ a rot loeˊ seunyi koˊ, Eun naˊ tang kuhˊ imˊ.”

Luˊka 20:19

Peue guil leukahˊ ritroe naˊ ce maeeˊ roˊ peue jhawpˊ rit keuting naˊ ce keulawnˊ sok hk'aˊ kaw ri mheutˊ ri ti Eun, kopti yawng ce leukahˊ leupongˊ awnˊ lahˊ a ti ri naˊ. Daecti ce lhatˊ ri peue heunˊ naˊ ce.

Luˊka 23:10

Roˊ peue jhawpˊ rit keuting naˊ ce maeeˊ peue guil leukahˊ ritroe naˊ ce cawng mawnˊ, ce saeˊcaeeˊ tangˊ mapˊ ri Yesuˊ Eun hk'oˊ ri kaw yeum.

Yoˊhan 18:3

Kop awnˊ na, Yuˊdasˊ eun va muk peue suikˊ maeeˊ peue yeuh kanˊ ce roˊ peue jhawpˊ rit maeeˊ peue Hparisaeˊ naˊ ce heulˊ nang val awnˊ na. Ce pinˊ binˊ ngawl, kawkˊ ngawl maeeˊ hk'eung anˊnya naˊ heulˊ.

Yoˊhan 3:10

Yesuˊ Eun topˊ a, “Mi tup meuh seuraˊ ce peue Iˊsarelaˊ naˊ, mi kawnˊ kaw unˊ leuceng pun lawng aenˊ a awˊ?

Yoˊhan 7:32

Yam peue Hparisaeˊ naˊ pun ce ri mhawngˊ peue cum heunˊ naˊ sopˊsepˊ ce lawng Eun yeuh keutitˊ naˊ, roˊ ce peue jhawpˊ rit keuting naˊ ce maeeˊ peue Hparisaeˊ naˊ ce cusˊ peue koˊ kawn nya hk'oˊ munˊ keuting naˊ ce heulˊ mheutˊ Eun.

Yoˊhan 8:3

Peue guil leukahˊ ritroe naˊ ce maeeˊ peue Hparisaeˊ naˊ ce va beunˊ ingˊ ti peue. Kopti lenˊcu eun, peue mheutˊ eun. Ce kah eun cawng nanggalˊ ce peue cum heunˊ naˊ.

Peue caee 23:9

Kop awnˊ na, ce seutuin seutan. Peue guil leukahˊ ritroe kuˊ meuh peue Hparisaeˊ naˊ ce ngonˊ, ce yuk ri kuhˊ htuˊhtingˊ blihˊ ri. Ce lahˊ, “Unˊ nyu ye kuˊ kleucˊ hk'aˊnaee peue aenˊ eun saecˊ ti ceu. Citˊ unˊ lahˊ, inˊhpom naˊ ce unˊ lahˊ, ce lawn naˊ leukahˊ maeeˊ heun koˊ, peˊ ciˊ kaw lahˊ a yeuh saˊnhawˊ?”

Peue caee 4:5

Naˊ rot peunsaˊ, cawoˊ ce peue Yuˊda, roˊkan nang kawt maeeˊ peue guil leukahˊ ritroe naˊ ce hk'om puri nang veng Yeruˊsalaem naˊ.

Peue caee 6:12

Kop awnˊ na, ce heulˊ cuˊ peue kuingˊ, nang kawt maeeˊ peue guil leukahˊ ritroe naˊ ce. Hawcˊ koˊ, ce mheutˊ Satehpan eun. Ce va eun heulˊ nanggalˊ ce muk peue hk'om kanˊ naˊ.