Mahtae 18:15 - Plang (Blang)

¹⁵ Ecˊawngˊ mi naˊ eun ti ri peue eun lawn yeuh kuˊ kleucˊ naˊ ri mi koˊ, yam meuh a paˊ ri koe naˊ mi naˊ heulˊ hkop eun mhawngˊ kuˊ kleucˊ eun naˊ ri heun. Eun lawn leuceng ri ti leukahˊ mi naˊ koˊ, mi naˊ tang pun eun keutah meuh ecˊawngˊ ri baee.

Mahtae 18:15 Marejeleo ya Msalaba

Mahtae 18:14

Seunˊ awnˊ a koˊ, Kuiingˊ peˊ Cawoˊ utˊ nang kuingˊ pang maoˊ naˊ Eun ku unˊ sumˊ kah konˊ nyom aetˊ aenˊ ce raiˊ heulˊ saecˊ ti peue.

Mahtae 18:21

Hawcˊ koˊ, Petruˊ eun ingˊ mhaingˊ Yesuˊ Eun, “Cawoˊ, ecˊawngˊ uiˊ naˊ ce lawn yeuh mapˊ naˊ ri uiˊ ti pok hawcˊ ti pok koˊ, uiˊ ciˊ naˊ kah ri ploeˊ mapˊ ce naˊ aˊneng pok? Rot aˊres pok aw?”

Mahtae 18:35

Seunˊ awnˊ na, peˊ ri ku peue peˊ lawn unˊ ploeˊ mapˊ ce ecˊawngˊ ri naˊ ri hpumˊ ri naˊ koˊ, Kuiingˊ uiˊ utˊ nang kuingˊ pang maoˊ naˊ Eun ku kaw yeuhkoˊ ri peˊ yeut.”

Roˊma 12:21

Pawlaee va kuˊ rai naˊ pe peˊ, daecti yeuh kuˊ chakˊ naˊ pe kuˊ rai naˊ reuˊ.

1 Kawˊrinhtuˊ 8:12

Yam yeuh peˊ mapˊ naˊ ri ecˊawngˊ ri naˊ ce yeuhkiˊ naˊ maeeˊ yeuh peˊ kuˊ kleucˊ ri hpumˊ cang yawng kawlˊreng kloe ce naˊ, peˊ ku yeuh mapˊ naˊ ri Hkrit Eun yeut.

2 Kawˊrinhtuˊ 7:12

Kop awnˊ na, temˊ uiˊ htawm ri peˊ naˊ a hkuinˊ meuh pun peue yeuh kuˊ kleucˊ, aˊkoˊ pun peue pun ri hkamˊ kuˊ kleucˊ naˊ ce. Daecti a meuh punta peˊ ciˊ pe ti aˊyeˊ ya aˊneng naˊ, kaw peˊ pun ri yawng a nanggalˊ Eun Peucawoˊ naˊ.

Galatiˊ 6:1

Ecˊawngˊ naˊ peˊ, peˊ lawn pun ri nyu peue ti ri peue naˊ yeuh eun mapˊ ti ri ceu koˊ, punta kaw eun tang aˊyu imˊ cawpˊ hk'aˊ ri naˊ, peue utˊ hk'aˊ Citˊ seungaˊ naˊ peˊ, peˊ naˊ htukˊ ri teumˊkawm eun hk'aˊnaee hpumˊ onawnˊ ri naˊ. Daecti saecˊ peˊ ri, punta kaw peˊ unˊ cang hk'eupˊ hk'aˊ copˊlong naˊ yeut naˊ, sawngˊ uinˊ sati ri reuˊ.

Kawˊlawˊsaeˊ 3:13

Yeunˊhkam ri puri reuˊ. Peˊ saecˊ naˊ kueˊ hpumˊ ri puri kopti keunhawˊ naˊ unˊ lahˊ, ploeˊ mapˊ pu peˊ reuˊ. Ploeˊ mapˊ pu peˊ seunˊ Peucawoˊ ploeˊ Eun mapˊ peˊ hawcˊ naˊ reuˊ.

1 Hteˊsalawˊniˊ 4:6

Pawlaee kah aˊnhawˊ yeuh pon yeuh lheuˊ, yeuh kleucˊ ceu nang aenˊ ce ri ecˊawngˊ ri naˊ ce saecˊ ti peue. Peucawoˊ kaw Eun ciyang peue yeuh mapˊ yeuhkiˊ naˊ peue seunˊ kuˊ tawn lahˊ tawn tuilˊ ye sati peˊ naˊ.

2 Hteˊsalawˊniˊ 3:15

Daecti pawlaee sawnˊ eun meuh ransu, sawnˊ eun seunˊ ecˊawngˊ koˊ, tuilˊ sati eun reuˊ.

Tiˊtasˊ 3:10

Tuilˊ sati eun peue yeuh peue gvah muk gvah cum puri naˊ eun nanggalˊ ti pok, hawcˊ koˊ tang tuilˊ sati eun lalˊ pok ti pok. Hawcˊ ka naˊ, pawlaee yeuh aˊmawo eun baee.

1 Petruˊ 3:1

Seunˊ awnˊ na, beunˊ naˊ peˊ yawmˊ ri leuceng leukahˊ ce me ri naˊ reuˊ. Punta me peˊ naˊ ce ngonˊ ce saecˊ naˊ unˊ yumˊ leukahˊ Eun Peucawoˊ naˊ, daecti kopti meuh a kuˊ yeuh ka beunˊ eun naˊ a cang yeuh me naˊ eun plinˊ hpumˊ ri. Saecˊ naˊ unˊ lahˊ keunhawˊ ri heun,