Mahtae 12:34 - Plang (Blang)

³⁴ Konˊhk'i ka seueuengˊ saˊhaoˊ naˊ peˊ, meuh peˊ peue rai. Kopti moeng naˊ lahˊ a kuˊ nuk pucti lih neum hpumˊ naˊ, peˊ ciˊ kaw cang lahˊ kuˊ chakˊ naˊ yeuh saˊnhawˊ?

Mahtae 12:34 Marejeleo ya Msalaba

Mahtae 12:35

Peue chakˊ naˊ hueˊ ce kuˊ chakˊ naˊ lih neum vang uinˊ ce hk'eung chakˊ nang tuˊ ri naˊ. Peue rai naˊ hueˊ ce kuˊ rai naˊ lih neum vang uinˊ ce hk'eung rai nang tuˊ ri naˊ.

Mahtae 15:18

Daecti kuˊ lih neum moeng naˊ lih a neum hk'aˊnaee hpumˊ naˊ. Ceu nang aenˊ ce a yeuh peue unˊ seungaˊ.

Mahtae 23:33

Konˊhk'i ka seueuengˊ saˊhaoˊ naˊ peˊ, peˊ ciˊ kaw cang pon hk'aˊ tawsˊ aˊmu kaw kah peˊ lec keutongˊnyarok naˊ yeuh saˊnhawˊ?

Mahtae 3:7

Daecti yam Yoˊhan nyu eun peue Hparisaeˊ maeeˊ peue Saduˊkaeˊ heunˊ peue naˊ ingˊ ce vang tuilˊ eun hk'aˊ cumˊ naˊ, eun lahˊ a ri ce, “Konˊhk'i ka seueuengˊ saˊhaoˊ naˊ peˊ, aˊnhawˊ ciˊ tuilˊ sati kah peˊ hk'uih hk'aiˊ hk'aˊ seungeuengˊ Eun Peucawoˊ naˊ?

Luˊka 3:7

Yoˊhan eun lahˊ a ri peue cum heunˊ kaw ingˊ rap ri ti hk'aˊ cumˊ ri heun naˊ ce, “Konˊhk'i ka seueuengˊ saˊhaoˊ naˊ peˊ, punta kaw peˊ pon hk'aˊ seungeuengˊ kaw ingˊ rot naˊ, aˊnhawˊ ciˊ deunˊ peˊ?

Luˊka 6:45

Peue chakˊ naˊ hueˊ ce kuˊ chakˊ naˊ lih neum vang uinˊ ce hk'eung chakˊ nang hpumˊ ri naˊ. Peue rai naˊ hueˊ ce kuˊ rai naˊ lih neum vang uinˊ ce hk'eung rai nang hpumˊ ri naˊ. Kopti moeng naˊ lahˊ a kuˊ nuk pucti lih neum hpumˊ naˊ.

Yoˊhan 8:44

Meuh peˊ isˊ eun seucaˊ rai kuiingˊ ri naˊ eun. Peˊ sumˊ hotˊ ri yeuh alo eun kuiingˊ ri naˊ. Seucaˊ rai naˊ meuh eun nang toh peue tangˊ neum yamla ka naˊ. Kopti hk'aˊ neumneum naˊ unˊ kueˊ a hk'aˊnaee eun seucaˊ rai naˊ, eun unˊ jhawpˊ ri ti hk'aˊ neumneum naˊ. Yam lahˊ eun leukahˊ chiˊlai naˊ, eun lahˊ a hotˊ seunˊ kuˊ kueˊ nang hpumˊ ri naˊ, kopti seucaˊ rai naˊ meuh eun nang chiˊlai naˊ maeeˊ eun meuh kuiingˊ ka hk'aˊ chiˊlai naˊ.

Eˊfeˊsuˊ 4:29

Pawlaee va leukahˊ kuˊ unˊ htukˊ ri lahˊ naˊ pucti lih hk'aiˊ moeng peˊ naˊ, daecti lahˊ yawo pal leukahˊ kueˊ munˊ punta kuˊ kaw yeuh peue hukˊhawnˊ hotˊ kuˊ loˊ peue naˊ. Naˊ a cang kueˊ munˊ pun peue mhawngˊ a naˊ ce.

Eˊfeˊsuˊ 5:4

Leukahˊ hkuitˊ, leukahˊ munkvaen unˊ kueˊ peuehotˊ, aˊkoˊ leukahˊ hk'oˊsumˊ keunyas unˊ htukˊ ri lahˊ naˊ peˊ ku naˊ pawlaee lahˊ ris a, daecti ta ri lahˊ munˊ keuting ri Peucawoˊ Eun naˊ chakˊ ka.

Yakopˊ 3:2

Eˊ ri ku peue yeuh kleucˊ eˊ ri hk'aˊ heunˊ ceu. Peue unˊ duing kleucˊ ri hk'aˊ leukahˊ leupong naˊ meuh eun peue htonnuk chakˊ. Eun cang uˊpeung pe tuˊ ri naˊ gawmˊeucˊ.

1 Yoˊhan 3:10

Meuh a kopti aenˊ a naˊ, eˊ cang yawng a aˊnhawˊ ciˊ meuh konˊhk'i Eun Peucawoˊ, aˊnhawˊ ciˊ meuh konˊhk'i ka seucaˊ naˊ. Aˊnhawˊ lawn unˊ yeuh kuˊ cawpˊ maeeˊ unˊ leumeusˊ ecˊawngˊ ri naˊ ce koˊ, unˊ meuh eun konˊhk'i Eun Peucawoˊ.