Mahtae 11:5 - Plang (Blang)

⁵ Peue ngaiˊ lecˊ naˊ tang nyu ce hk'aˊ ri. Peue cung lu naˊ ce tang cang heulˊ. Peue peuyhat naw naˊ ce tang chakˊ ngam. Peue lhuitˊ naˊ ce tang cang mhawngˊ. Peue yeum naˊ ce tang kuhˊ imˊ. Peue hk'oˊtukyak naˊ pun ce ri mhawngˊ leukahˊ munˊ renˊkawn naˊ.

Mahtae 11:5 Marejeleo ya Msalaba

Mahtae 10:8

Baiˊ peue peuyhat naˊ ce cuin. Yeuh peue yeum naˊ ce tang kuhˊ imˊ. Baiˊ peue naw naˊ ce cuin. Ra ri tec seucaˊ naˊ ce. Seunˊ pun hk'oˊhk'awngˊ peˊ a, tang tuilˊ hk'oˊhk'awngˊ a.

Mahtae 11:4

Yesuˊ Eun topˊ a, “Ingˊ lahˊ Yoˊhan eun mhawngˊ kuˊ nyu kuˊ mhawngˊ peˊ naˊ reuˊ.

Mahtae 12:13

Hawcˊ koˊ, Eun lahˊ a ri peue awnˊ eun, “Nyatˊ tiˊ mi naˊ reuˊ.” Eun ku nyatˊ a. Tiˊ eun naˊ a tang chakˊ seunˊ hk'aˊ ti plakˊ naˊ.

Mahtae 21:14

Peue ngaiˊ lecˊ maeeˊ peue tiˊ cung lu naˊ ce ingˊ ri Heun nang kangˊhkungˊ ka nya hk'oˊ munˊ keuting naˊ. Eun ku baiˊ ce cuin.

Mahtae 5:3

“Peue yawng unˊ papuing ri Peucawoˊ Eun a unˊ pun naˊ kaw ce pun munˊ, kopti kuingˊ pang maoˊ naˊ meuh ka isˊ ce.

Mahtae 9:30

Ka ku tang cang nyu hk'aˊ ri. Yesuˊ Eun deunˊ ka meulamlam ri. Eun lahˊ, “Pawlaee lahˊ aˊnhawˊ mhawngˊ lawng aenˊ a saecˊ ti peue.”

Makuˊ 7:37

Peue cum heunˊ naˊ ce amˊ nyawkˊ. Ce lahˊ, “Yeuh Eun kuˊ chakˊ naˊ palkoe. Saecˊ meuh peue lhuitˊ naˊ, Eun yeuh eun cang mhawngˊ. Peue unˊ cang leukahˊ naˊ, Eun ku yeuh eun cang leukahˊ.”

Makuˊ 9:25

Yam Yesuˊ nyu eun peue cum heunˊ naˊ cu ce ri ingˊ naˊ, Eun isˊ seucaˊ rai naˊ, “Seucaˊ unˊ cang leukahˊ lhuitˊ aenˊ mi, kaw Uiˊ tuilˊ leukahˊ ri mi pucti heulˊ hk'aiˊ heun reuˊ, pawlaee ingˊ lec hk'aˊnaee eun naˊ baee.”

Luˊka 4:18

“Citˊ seungaˊ Eun Peucawoˊ naˊ kueˊ a hk'aˊpang Uiˊ. Punta kaw Uiˊ suip ri tuilˊ leukahˊ munˊ renˊkawn naˊ ri peue hk'oˊtukyak naˊ ce naˊ, Eun leuk ri ti Uiˊ hawcˊ. Eun saecˊ cusˊ Uiˊ heulˊ naˊ meuh a punta kaw Uiˊ paoˊ peue hk'awngˊ ri naˊ kaw ce ploeˊ ri, maeeˊ peue ngaiˊ lecˊ naˊ kaw ce nyu hk'aˊ ri baee, maeeˊ peue pun ri hkamˊ hk'aˊ keunhapˊ nokneh naˊ kaw ce ploeˊ ri,

Yoˊhan 10:25

Yesuˊ Eun topˊ a, “Lahˊ Uiˊ peˊ mhawngˊ a hawcˊ, daecti peˊ unˊ yumˊ Uiˊ. Kuˊ hk'oˊamˊ yeuh Uiˊ hk'aˊnaee muis Eun Kuiingˊ Uiˊ naˊ hkamˊ a saˊhkiˊ lawng Uiˊ naˊ hawcˊ.

Yoˊhan 10:38

Daecti Uiˊ lawn yeuh a koˊ, peˊ saecˊ naˊ unˊ yumˊ Uiˊ, yumˊ kuˊ yeuh Uiˊ naˊ reuˊ. Yeuh keutitˊ koˊ, naˊ peˊ leuceng pun yawng Aˊkuiingˊ utˊ Eun hk'aˊnaee Uiˊ, Uiˊ utˊ hk'aˊnaee Aˊkuiingˊ Eun naˊ.”

Yoˊhan 2:23

Yam kawnˊ utˊ Eun nang veng Yeruˊsalaem hk'aˊnaee yam pawe vel nya naˊ, peue heunˊ naˊ ce nyu hetˊ keuting yeuh Eun naˊ, ce yumˊ hk'aˊnaee muis Eun naˊ.

Yoˊhan 3:2

Eun ingˊ lahˊ a ri Yesuˊ Eun peunsumˊ naˊ, “Rabiˊ, yawng ye meuh Mi seuraˊ lih neum Peucawoˊ Eun. Kopti Peucawoˊ Eun lawn unˊ utˊ maeeˊ peue koˊ, aˊnhawˊ hkuinˊ cang yeuh hetˊ keuting seunˊ kuˊ yeuh Mi naˊ saecˊ ti peue.”

Yoˊhan 5:36

Kueˊ Uiˊ leukahˊ hkamˊ saˊhkiˊ seucen hk'aiˊ leukahˊ hkamˊ saˊhkiˊ eun Yoˊhan naˊ. Kopti kanˊ Aˊkuiingˊ kah Eun Uiˊ yeuh htonnuk kuˊ buih yeuh Uiˊ naˊ meuh meun a saˊhkiˊ ka Aˊkuiingˊ cusˊ Eun Uiˊ lih naˊ.

Yoˊhan 9:7

Yesuˊ Eun lahˊ a ri heun, “Heulˊ hkucˊ a nang glu Siloˊam naˊ reuˊ.” (Vangdohˊ ka Siloˊam naˊ a lahˊ “cusˊ heulˊ”.) Peue awnˊ eun ku heulˊ hkucˊ ri tec keuteˊ peuˊ na. Yam buih ingˊ eun ti nya ri naˊ, eun nyu hk'aˊ ri.

Peue caee 2:22

Peue Iˊsarelaˊ naˊ peˊ, leuceng leukahˊ aenˊ a reuˊ. Yesuˊ peue veng Nasaraetˊ meuh Eun peue Peucawoˊ htawhkam Eun peˊ ri kuˊ hk'oˊamˊ maeeˊ hetˊ keuting naˊ. Peucawoˊ cu Eun, Eun yeuh a nanggalˊ peˊ seunˊ kuˊ yawng peˊ naˊ hawcˊ.

Yakopˊ 2:5

Ecˊawngˊ leumeusˊ uiˊ naˊ peˊ, leuceng a meulamlam, Peucawoˊ leuk Eun ri ti peue bhenˊ keuteˊ hk'oˊtukyak naˊ ce kaw meuh peue meuneum hk'aˊnaee hk'aˊ yumˊ naˊ, maeeˊ kaw ce rap ri ti sinˊ ka kuingˊ yeuh Eun kati ri peue leumeusˊ Eun naˊ ce, unˊ meuh ka aw?